1 صَمُوِيل 26:10 - الكتاب المقدس بالعربي الدارجي هنا تشاد

¹⁰ وَ دَاوُدْ قَالْ: «نَحْلِفْ لَيْك بِاللّٰهْ الْحَيّ. اللّٰهْ بَسْ يِقَصِّرْ عَجَلَهْ وَ يُمُوتْ مَوْت عَادِي وَلَّا يَكْتُلُوهْ فِي الْحَرِبْ.

1 صَمُوِيل 26:10 Referenca të Kryqëzuara

تَثْنِية 31:14

وَ اللّٰهْ قَالْ لِمُوسَى: «دَاهُو أَيَّامْ مَوْتَكْ قَرَّبَوْا. نَادِي يَشُوعْ وَ أَقِيفُوا فِي لُبّ خَيْمَةْ الْإِجْتِمَاعْ وَ أَنَا نَنْطِيهْ أَوَامِرِي.» وَ مُوسَى وَ يَشُوعْ مَشَوْا وَقَفَوْا فِي لُبّ خَيْمَةْ الْإِجْتِمَاعْ.

تكوين 47:29

وَ وَكِتْ يَعْقُوبْ عِرِفْ كَدَرْ قَرِيبْ يُمُوتْ خَلَاصْ، نَادَى وِلَيْدَهْ يُوسُفْ وَ قَالْ لَيَّهْ: «كَنْ إِنْتَ رَضْيَانْ بِكَلَامِي، وَصِّفْ لَيِّ خَيْرَكْ وَ أَمَانَكْ. مَا تَدْفِنِّي فِي مَصِرْ. خُطّ إِيدَكْ فِي وِرْكِي وَ أَحْلِفْ لَيِّ.

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

زَبُور 37:13

وَ لَاكِنْ الرَّبّ يَضْحَكْ لَيَّهْ أَشَانْ هُو يَعَرِفْ كَدَرْ يَوْمَهْ يَجِي.

1 صَمُوِيل 31:6

وَ بِمِثِلْ دَا، شَاوُولْ وَ أَوْلَادَهْ التَّلَاتَةْ وَ الصَّبِي الشَّايِلْ لَيَّهْ سِلَاحَهْ وَ كُلَّ عَسْكَرَهْ الْمَعَايَهْ دَا مَاتَوْا سَوَا فِي الْيَوْم دَا.

1 صَمُوِيل 25:38

وَ قَعَدْ حَوَالَيْ عَشَرَةْ يَوْم وَ بَعَدْ دَا، اللّٰهْ حَكَمْ لَيَّهْ بِالْمَوْت.

1 صَمُوِيل 25:26

وَ هَسَّعْ، يَا سَيِّدِي، نَحْلِفْ لَيْك بِاللّٰهْ الْحَيّ وَ بِحَيَاتَكْ إِنْتَ كَدَرْ اللّٰهْ دَحَرَكْ مِنْ دَفِّقِينْ الدَّمّ وَ كَفِّينْ التَّارْ. خَلِّي عُدْوَانَكْ وَ كُلَّ النَّاسْ الْيِدَوْرُوا لَيْك الْفَسَالَةْ يَبْقَوْا مِثِلْ نَابَالْ، يَا سَيِّدِي!

تَثْنِية 32:35

وَ أَنَا بَسْ النِّشِيلْ التَّارْ وَ نَنْطِي الْأَجُرْ وَكِتْ رِجْلَيْهُمْ يِتَّرْتَعَوْا أَشَانْ يَوْم خَرَابْهُمْ قَرَّبْ وَ يَجِيهُمْ بِسُرْعَةْ.»

رُؤية 18:8

أَشَانْ دَا، فِي يَوْم وَاحِدْ بَسْ كُلَّ الْمَصَايِبْ يَقَعَوْا فَوْقهَا وَ دَوْل الْوَبَاءْ وَ الْحِزِنْ وَ الْجُوعْ. وَ النَّارْ تَاكُلْهَا أَشَانْ رَبِّنَا اللّٰهْ الْيِحَاسِبْهَا، هُو قَادِرْ.»

عِبْرَانِيِّين 9:27

أَكِيدْ، مَكْتُوبْ لِأَيِّ نَادُمْ يُمُوتْ مَرَّةْ وَاحِدَةْ وَ بَعَدْ الْمَوْت يَجِي الْحِسَابْ.

لُوقا 18:7

وَ فِي فِكِرْكُو، اللّٰهْ مَا يَنْصُرْهُمْ لِنَاسَهْ الْعَزَلَاهُمْ الْيَصْرَخَوْا لَيَّهْ لَيْل وَ نَهَارْ وَلَّا؟ يِأَخِّرْ لَيْهُمْ وَلَّا؟

جامِعة 3:2

فِي وَكِتْ لِلْوَالُودَةْ وَ فِي وَكِتْ لِلْمَوْت. فِي وَكِتْ لِلْمَقِّنِينْ وَ فِي وَكِتْ لِمَلِّطِينْ الْمَقَنْ.

زَبُور 94:23

هُو رَمَى لَيْهُمْ ذُنُوبْهُمْ فِي رَاسْهُمْ وَ بِفَسَالِتْهُمْ بَسْ، سَكَّتَاهُمْ مَرَّةْ وَاحِدْ! أَيْوَى، اللّٰهْ إِلٰـهْنَا بَسْ سَكَّتَاهُمْ.

زَبُور 37:10

بَعَدْ شِيَّةْ، الْعَاصِي يَبْقَى مَا فِيهْ. كَنْ تِفَتِّشَهْ فِي بَكَانَهْ، مَا تَلْقَاهْ فِي أَيِّ بَكَانْ.

أيُّوب 14:14

أَشَانْ الْإِنْسَانْ كَنْ مَاتْ، يَجِي وَلَّا؟ فِي كُلَّ وَكِتْ تَعَبِي، أَنَا نَرْجَى لَحَدِّي خِدِمْتِي تِكَمِّلْ وَ نُفُوتْ.

أيُّوب 14:5

الْإِنْسَانْ عُمْرَهْ مُحَدَّدْ وَ إِنْتَ قَطَّعْت لَيَّهْ شُهُورْ وَ أَنْطَيْتَهْ وَكِتْ مَا يَقْدَرْ يُفُوتَهْ.

أيُّوب 7:1

هَلْ حَيَاةْ بَنِي آدَم فِي الْأَرْض مَا مِثِلْ حَيَاةْ عَسْكَرِي وَلَّا؟ وَ أَيَّامَهْ مَا مِثِلْ أَيَّامْ الْمُؤَجَّرْ وَلَّا؟

1 صَمُوِيل 24:15

وَ اللّٰهْ هُو الْحَاكِمْ وَ يَحْكِمْ بَيْنِي وَ بَيْنَكْ وَ يِشِيفْ مُشْكِلْتِي وَ يِدَافِعْ لَيِّ وَ يِبَرِّينِي وَ يِنَجِّينِي مِنْ إِيدَكْ إِنْتَ.»

عِبْرَانِيِّين 10:30

نَعَرْفُوا اللّٰهْ بَسْ الْقَالْ: <التَّارْ هَنَايِ، أَنَا بَسْ النِّشِيلَهْ.> وَ بَتَّانْ مَكْتُوبْ: <اللّٰهْ يِحَاكِمْ شَعَبَهْ.>

1 صَمُوِيل 24:12

وَ خَلِّي اللّٰهْ يَحْكِمْ بَيْنِي وَ بَيْنَكْ وَ يِكَفِّينِي كُلَّ الْفَسَالَةْ الْإِنْتَ قَاعِدْ تِسَوِّيهَا لَيِّ. لَاكِنْ أَنَا كَيْ مَا نُخُطّ إِيدِي فَوْقَكْ!

1 صَمُوِيل 25:39

وَ وَكِتْ دَاوُدْ سِمِعْ بِمَوْت نَابَالْ، قَالْ: «الْحَمْدُ للّٰهْ. اللّٰهْ دَافَعْ لَيِّ مِنْ مُعْيَارْ نَابَالْ وَ دَحَرَانِي مَا نِسَوِّي شَيّءْ فَسِلْ ضِدَّهْ. وَ هُو قَبَّلْ لَيَّهْ فَسَالْتَهْ فِي رَاسَهْ.» وَ دَاوُدْ رَسَّلْ نَاسْ لِأَبِقَايِلْ وَ دَوَّرْ يَاخُدْهَا.

1 صَمُوِيل 31:4

وَ شَاوُولْ قَالْ لِلصَّبِي الشَّايِلْ لَيَّهْ سِلَاحَهْ: «سِلّ سَيْفَكْ وَ أَكْتُلْنِي. أَشَانْ مَا نِدَوْر الْمَا مُطَهَّرِينْ دَوْل يِعَذُّبُونِي وَ يَكْتُلُونِي.» لَاكِنْ الصَّبِي أَبَى أَشَانْ هُو خَافْ مَرَّةْ وَاحِدْ. وَ خَلَاصْ، شَاوُولْ شَالْ سَيْفَهْ وَ وَقَعْ فَوْقَهْ وَ مَاتْ.