1 صَمُوِيل 24:12 - الكتاب المقدس بالعربي الدارجي هنا تشاد

¹² وَ خَلِّي اللّٰهْ يَحْكِمْ بَيْنِي وَ بَيْنَكْ وَ يِكَفِّينِي كُلَّ الْفَسَالَةْ الْإِنْتَ قَاعِدْ تِسَوِّيهَا لَيِّ. لَاكِنْ أَنَا كَيْ مَا نُخُطّ إِيدِي فَوْقَكْ!

1 صَمُوِيل 24:12 Referenca të Kryqëzuara

زَبُور 43:1

يَا رَبّ! إِنْتَ بَسْ شَارِعْنِي وَ شِيلْ ضَلِيمْتِي وَ فِي الْمُنَافِقِينْ، أَنْصُرْنِي وَ مِنْ أَيِّ غَشَّاشْ وَ مُجْرِمْ، خَلِّصْنِي.

قُضياء 11:27

وَ كَنْ لَيِّ أَنَا، مَا خِطِيتْ فَوْقَكْ. وَ لَاكِنْ إِنْتَ بَسْ خِطِيتْ فَوْقِي وَ قَاعِدْ تِحَارِبْنِي. وَ خَلِّي اللّٰهْ يَحْكِمْ الْيَوْم بَيْن بَنِي إِسْرَائِيلْ وَ بَنِي عَمُّونْ!›»

زَبُور 35:1

يَا اللّٰهْ! خَاصِمْ الْيِخَاصُمُونِي وَ حَارِبْ الْيِحَارُبُونِي!

تكوين 16:5

وَ سَارَايْ قَالَتْ لِأَبْرَامْ: «الْحُقْرَةْ الْهَاجَرْ قَاعِدَةْ تِسَوِّيهَا لَيِّ دِي، مِنَّكْ إِنْتَ! أَشَانْ أَنَا بَسْ أَنْطَيْتَكْ خَادْمِي وَ هَسَّعْ مِنْ هِي عِرْفَتْ كَدَرْ هِي غَلْبَانَةْ، قَمَّتْ تَحْقِرْنِي! وَ أَنَا خَلَّيْتَكْ مَعَ اللّٰهْ!»

1 بُطْرُس 2:23

وَكِتْ عَيَّرَوْه، هُو مَا رَدَّ لَيْهُمْ بِمُعْيَارْ. وَكِتْ تَعَّبَوْه، هُو مَا هَدَّدَاهُمْ. فِي بَدَلَهْ، هُو أَتْوَكَّلْ عَلَيْ اللّٰهْ الْيِحَاسِبْ بِالْحَقّ.

رَوْمَا 12:19

يَا الْمَحْبُوبِينْ، مَا تِشِيلُوا التَّارْ. خَلُّوا غَضَبْ اللّٰهْ يِشِيلْ لَيْكُو التَّارْ أَشَانْ مَكْتُوبْ فِي الْكِتَابْ: <التَّارْ هَنَايِ. أَنَا بَسْ النِّشِيلَهْ.> دَا بَسْ كَلَامْ اللّٰهْ.

زَبُور 94:1

يَا اللّٰهْ، إِنْتَ الْإِلٰـهْ التِّشِيلْ التَّارْ! يَا إِلٰـهْ التِّشِيلْ التَّارْ، بَيِّنْ نَفْسَكْ!

أيُّوب 5:8

لَاكِنْ كَنْ لَيِّ أَنَا، نِفَتِّشْ الرَّبّ وَ لَيَّهْ هُو بَسْ نَرْفَعْ ضَلِيمْتِي.

رُؤية 6:10

وَ صَرَخَوْا بِحِسّ شَدِيدْ وَ قَالَوْا: «يَا رَبِّنَا الْحَقّ وَ الْقُدُّوسْ. نَرْجَوْا كَمْ يَوْم حَتَّى إِنْتَ تِعَاقِبْ وَ تِشِيلْ لَيْنَا التَّارْ فِي سُكَّانْ الْأَرْض الدَّفَّقَوْا دَمِّنَا؟»

1 صَمُوِيل 26:23

وَ اللّٰهْ يِكَافِي أَيِّ نَادُمْ صَالِحْ وَ أَمِينْ. أَشَانْ الْيَوْم، اللّٰهْ سَلَّمَاكْ لَيِّ وَ لَاكِنْ أَنَا مَا دَوَّرْت نِمِدّ إِيدِي ضِدّ الرَّاجِلْ الْاللّٰهْ مَسَحَهْ وَ دَرَّجَهْ مَلِكْ.

تكوين 31:53

وَ اللّٰهْ رَبّ جِدَّكْ إِبْرَاهِيمْ وَ جِدِّي نَاحُورْ، هُو بَسْ الْيَحْكِمْ أَمْبَيْنَاتْنَا.» وَ يَعْقُوبْ حَلَفْ بِاللّٰهْ الْإِسْحَاقْ خَايِفْ مِنَّهْ.

1 صَمُوِيل 24:15

وَ اللّٰهْ هُو الْحَاكِمْ وَ يَحْكِمْ بَيْنِي وَ بَيْنَكْ وَ يِشِيفْ مُشْكِلْتِي وَ يِدَافِعْ لَيِّ وَ يِبَرِّينِي وَ يِنَجِّينِي مِنْ إِيدَكْ إِنْتَ.»

2 صَمُوِيل 22:48

إِلٰـهِي هُو الْيِشِيلْ لَيِّ التَّارْ وَ يِسَلِّمْ لَيِّ الشُّعُوبْ تِحِتْ سُلْطِتِي.

1 صَمُوِيل 20:1

وَ دَاوُدْ عَرَّدْ مِنْ حِلَّةْ نَيُوتْ الْقَرِيبَةْ لِحِلَّةْ الرَّامَةْ وَ جَاءْ لِقَاهْ لِيُونَتَانْ وَ قَالْ لَيَّهْ: «شُنُو الْأَنَا سَوَّيْتَهْ لِأَبُوكْ؟ شُنُو الْخَطَا وَ الذَّنِبْ الْأَنَا سَوَّيْتَهْ لِأَبُوكْ أَشَانْ هُو يِدَوْر يَكْتُلْنِي؟»

1 أخبار 12:18

وَ رُوحْ اللّٰهْ نَزَلْ فِي عَمَاسَايْ كَبِيرْ الْفُرَّاسْ التَّلَاتِينْ وَ هُو قَالْ: «أَنِحْنَ مَعَاكْ! أَيْوَى أَنِحْنَ مَعَاكْ، يَا دَاوُدْ وِلَيْد يَسَّى! خَلِّي السَّلَامْ يُكُونْ مَعَاكْ وَ مَعَ النَّاسْ الْقَاعِدِينْ يِسَاعُدُوكْ أَشَانْ رَبَّكْ قَاعِدْ يِسَاعِدَكْ.» وَ خَلَاصْ فِي الْبَكَانْ دَا، دَاوُدْ لَاقَاهُمْ وَ سَوَّاهُمْ كُبَارَاتْ عَسْكَرَهْ.