1 صَمُوِيل 22:2 - الكتاب المقدس بالعربي الدارجي هنا تشاد

² وَ كُلَّ النَّاسْ التَّعْبَانِينْ وَ النَّاسْ الطَّرَدَوْهُمْ الدُّيُونْ وَ النَّاسْ الزَّعْلَانِينْ مِنْ الْحُكُمْ مَشَوْا لَمَّوْا مَعَايَهْ وَ هُو بِقِي فَوْقهُمْ قَايِدْ. وَ بَيْدَا، عَدَدْ النَّاسْ الْمَعَايَهْ بِقِي حَوَالَيْ 400 رَاجِلْ.

1 صَمُوِيل 22:2 Referenca të Kryqëzuara

مَتَّى 11:28

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

1 صَمُوِيل 30:6

وَ دَاوُدْ أَضَّايَقْ مَرَّةْ وَاحِدْ أَشَانْ كُلَّ النَّاسْ الْمَعَايَهْ قَالَوْا يَرْجُمُوهْ. هُمَّنْ حِزْنَوْا كَتِيرْ لِأَوْلَادْهُمْ وَ بَنَاتْهُمْ. وَ لَاكِنْ هُو لِقِي شَجَاعَةْ بِنِعْمَةْ اللّٰهْ إِلٰـهَهْ.

1 صَمُوِيل 25:13

وَ دَاوُدْ قَالْ لِنَاسَهْ: «خَلِّي أَيِّ وَاحِدْ مِنْكُو يِشِيلْ سَيْفَهْ!» وَ خَلَاصْ، أَيِّ وَاحِدْ شَالْ سَيْفَهْ وَ رَبَطَهْ فِي صُلْبَهْ. وَ دَاوُدْ كُلَ شَالْ هَنَايَهْ وَ مَشَوْا. وَ الْمَشَوْا، عَدَدْهُمْ 400 رَاجِلْ وَ 200 كَمَانْ قَعَدَوْا مَعَ الْخُمَامْ.

1 صَمُوِيل 23:13

وَ طَوَّالِي، دَاوُدْ وَ نَاسَهْ الْعَدَدْهُمْ حَوَالَيْ 600 مَرَقَوْا مِنْ حِلَّةْ قَعِيلَةْ وَ فَاتَوْا بَكَانْ آخَرْ. وَ شَاوُولْ سِمِعْ خَبَرْ دَاوُدْ عَرَّدْ مِنْ حِلَّةْ قَعِيلَةْ وَ خَلَاصْ، خَلَّى مُطَارَدَتَهْ.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

1 صَمُوِيل 1:10

وَ هِي قَاعِدَةْ تَسْأَلْ اللّٰهْ وَ تَبْكِي بِحُرْقَةْ.

قُضياء 11:3

وَ يِفْتَاحْ عَرَّدْ بَعِيدْ مِنْ أَخْوَانَهْ وَ مَشَى سَكَنْ فِي بَلَدْ تَوْب. وَ نَاسْ وَاحِدِينْ مَا نَافْعِينْ أَنْضَمَّوْا مَعَ يِفْتَاحْ وَ قَاعِدِينْ يِحَارُبُوا مَعَايَهْ.

عِبْرَانِيِّين 2:10

اللّٰهْ الْخَلَقْ كُلَّ شَيّءْ وَ فِي شَانَهْ كُلَّ شَيّءْ مَوْجُودْ، هُو دَوَّرْ نَاسْ كَتِيرِينْ يَبْقَوْا عِيَالَهْ وَ يَدْخُلُوا فِي مَجْدَهْ. وَ أَشَانْ دَا، اللّٰهْ سَوَّى شَيّءْ مُوَافِقْ لَيْهُمْ. هُو رَسَّلْ النَّادُمْ الْيَفْتَحْ لَيْهُمْ دَرِبْ النَّجَاةْ. وَ جَعَلْ لِلْمَسِيحْ التَّعَبْ وَ بِتَعَبَهْ دَا، هُو بِقِي الْمُنَجِّي الْكَامِلْ.

مَتَّى 11:12

وَ مِنْ أَوَّلْ يَوْم هَنَا خِدْمَةْ يَحْيَى الْمُغَطِّسْ لَحَدِّي الْيَوْم، مَمْلَكَةْ اللّٰهْ قَاعِدَةْ تِزِيدْ بِقُدْرَةْ وَ الْيَدْخُلُوا فَوْقهَا يِوَجُّهُوا الْعُنُفْ.

أمْثال 31:6

وَ الْمَرِيسَةْ دِي تِوَافِقْ لِلْقَرِيبْ يُمُوتْ وَ الْخَمَرْ لِلْحَيَاتَهْ مُرَّةْ.

2 مُلوك 20:5

«قَبِّلْ أَمْشِي لِحِزْقِيَّا كَبِيرْ شَعَبِي وَ قُولْ لَيَّهْ: ‹دَاهُو اللّٰهْ إِلٰـهْ جِدَّكْ دَاوُدْ قَالْ: ”أَنَا سِمِعْت سُؤَالَكْ وَ شِفْت دُمُوعَكْ الدَّفَّقَوْا. هَسَّعْ دَا، أَنَا نَشْفِيكْ وَ فِي الْيَوْم التَّالِتْ، إِنْتَ تَقْدَرْ تَمْشِي لِبَيْت اللّٰهْ.

2 صَمُوِيل 17:8

وَ حُوشَايْ قَالْ بَتَّانْ: «إِنْتَ تَعَرِفْ أَبُوكْ وَ رُجَالَهْ، هُمَّنْ فُرَّاسْ وَ خَطِيرِينْ مِثِلْ مَرْة الدُّودْ الْوَدَّرَتْ عِيَالْهَا فِي الْخَلَاءْ. وَ أَبُوكْ رَاجِلْ مُحَارِبْ، مَا يُنُومْ مَعَ الشَّعَبْ.

2 صَمُوِيل 5:2

وَ زَمَانْ وَكِتْ شَاوُولْ مَلِكْنَا، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

قُضياء 18:25

وَ نَاسْ قَبِيلَةْ دَانْ رَدَّوْا لَيَّهْ وَ قَالَوْا: «مَا تِعَيِّينَا بِكَلَامَكْ. وَ كَنْ أَبَيْت كَمَانْ، رُجَالْ قَلِبْهُمْ مُرّ يَهْجُمُوكْ وَ إِنْتَ تِجِيبْ الْمَوْت فِي نَفْسَكْ وَ فِي عَايِلْتَكْ!»

1 صَمُوِيل 22:3

وَ بَعَدْ دَا، دَاوُدْ مَشَى فِي حِلَّةْ مِصْفَةْ فِي بَلَدْ مُوَابْ. وَ قَالْ لِمَلِكْ مُوَابْ: «مِنْ فَضْلَكْ، أَنْطِي إِذِنْ لِأَبُويِ وَ أَمِّي يَجُوا يَقْعُدُوا فِي بَكَانَكْ لَحَدِّي نِشِيفْ الشَّيّءْ الْيِسَوِّيهْ لَيِّ الرَّبّ.»

2 مُلوك 4:1

وَ فِي مَرَةْ أَرْمَلَةْ الرَّاجِلْهَا أَوَّلْ هُو مِنْ مَجْمُوعَةْ الْأَنْبِيَاء. هِي جَاتْ شَحَدَتْ أَلْيَسَعْ وَ قَالَتْ لَيَّهْ: «عَبْدَكْ رَاجْلِي مَاتْ وَ إِنْتَ تَعَرْفَهْ كَدَرْ عَبْدَكْ خَايِفْ مِنْ اللّٰهْ. وَ دَاهُو سِيدْ دَيْن وَاحِدْ جَاءْ وَ قَالْ يِشِيلْ عِيَالِي الْإِتْنَيْن وَ يِسَوِّيهُمْ عَبِيدْ.»