1 صَمُوِيل 21:8 - الكتاب المقدس بالعربي الدارجي هنا تشاد

⁸ وَ دَاوُدْ قَالْ لِأَخِيمَلِكْ: «دَاهُو بِغَفْلَةْ الْمَلِكْ دَوَّرَانِي لِلْمُهِمَّةْ دِي وَ أَنَا مَا جِيتْ بِسَيْف وَ لَا بِسِلَاحْ آخَرْ. هَلْ عِنْدَكْ حَرْبَةْ وَلَّا سَيْف تَنْطِينِي؟»

1 صَمُوِيل 21:8 Referenca të Kryqëzuara

1 صَمُوِيل 21:7

وَ فِي الْيَوْم دَا، فِيَّهْ خَدَّامْ هَنَا شَاوُولْ قَاعِدْ فِي بَكَانْ عِبَادَةْ اللّٰهْ. وَ هُو نَادُمْ مِنْ بَلَدْ أَدَوْم أُسْمَهْ دُوَاقْ كَبِيرْ الرُّعْيَانْ هَنَا شَاوُولْ.

1 صَمُوِيل 21:9

وَ رَاجِلْ الدِّينْ قَالْ: «إِلَّا السَّيْف هَنَا جَالُوتْ الْفِلِسْطِي الْإِنْتَ كَتَلْتَهْ فِي وَادِي الْبُطُمْ. دَا قَاعِدْ مُلَوْلَوْ بِقِطْعَةْ وَرَاءْ الْفَرْمَلَةْ. شِيلَهْ كَنْ تِدَوْرَهْ أَشَانْ مَا فِي سَيْف آخَرْ هِنِي.» وَ دَاوُدْ قَالْ: «سَيْف مِثِلْ هُو دَا مَا فِيهْ. جِيبَهْ لَيِّ!»

1 صَمُوِيل 22:9

وَ دُوَاقْ الْأَدَوْمِي قَاعِدْ مَعَ خَدَّامِينْ شَاوُولْ وَ قَالْ: «يَوْم وَاحِدْ، أَنَا شِفْت وِلَيْد يَسَّى مَشَى فِي حِلَّةْ نُوبْ بَكَانْ أَخِيمَلِكْ وِلَيْد أَخِطُوبْ.

1 صَمُوِيل 22:22

وَ دَاوُدْ قَالْ لِأَبِيَاتَرْ: «الْيَوْم دَاكْ، أَنَا عِرِفْت كَدَرْ دُوَاقْ الْأَدَوْمِي يِخَبِّرَهْ لِشَاوُولْ بِكُلَّ شَيّءْ. وَ أَنَا بَسْ بِقِيتْ سَبَبْ فِي مَوْت أَهَلَكْ.

أسْتِير 8:14

وَ بِأَمُرْ الْمَلِكْ، سِيَادْ الْخَيْل الْمَعْزُولِينْ لِخِدْمَةْ الْمَلِكْ رِكْبَوْا الْخَيْل وَ مَشَوْا بِسُرْعَةْ وَ بَلَّغَوْا الْقَانُونْ دَا فِي مَدِينَةْ شُوشَةْ الْقَوِيَّةْ.

لُوقا 10:4

وَ فِي الدَّرِبْ، مَا تِشِيلُوا جُزْلَانْ وَ لَا مُخْلَاةْ وَ لَا نَعَالْ. مَا تَقِيفُوا لِتِسَلُّمُوا أَيِّ نَادُمْ فِي الدَّرِبْ.