1 صَمُوِيل 21:11 - الكتاب المقدس بالعربي الدارجي هنا تشاد

¹¹ وَ خَدَّامِينْ أَكِيشْ قَالَوْا لَيَّهْ: «دَا مَا دَاوُدْ مَلِكْ بَلَدْ إِسْرَائِيلْ وَلَّا؟ دَا مَا هُو الْبِغَنُّوا بَيَّهْ وَ بُقُولُوا: ‹شَاوُولْ كَتَلْ آلَافْ وَ دَاوُدْ كَتَلْ عَشَرَاتْ الْآلَافْ؟›»

1 صَمُوِيل 21:11 Referenca të Kryqëzuara

1 صَمُوِيل 29:5

دَا مَا دَاوُدْ الْبِغَنُّوا بَيَّهْ وَ بُقُولُوا: ‹شَاوُولْ كَتَلْ آلَافْ وَ دَاوُدْ كَتَلْ عَشَرَاتْ الْآلَافْ؟›»

1 صَمُوِيل 16:1

وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

1 صَمُوِيل 19:18

وَ بِمِثِلْ دَا، دَاوُدْ عَرَّدْ وَ نِجِي. وَ مَشَى لِصَمُوِيلْ فِي حِلَّةْ الرَّامَةْ وَ حَجَّى لَيَّهْ بِكُلَّ شَيّءْ الشَّاوُولْ سَوَّاهْ لَيَّهْ. وَ هُمَّنْ قَمَّوْا مَشَوْا سَكَنَوْا فِي حِلَّةْ نَيُوتْ.

1 صَمُوِيل 27:1

وَ دَاوُدْ قَالْ فِي نَفْسَهْ: «يَوْم مِنْ الْأَيَّامْ، شَاوُولْ يَجِي يَكْتُلْنِي. وَ شَيّءْ آخَرْ نِسَوِّيهْ مَا فِيهْ إِلَّا نِعَرِّدْ وَ نَمْشِي بَلَدْ الْفِلِسْطِيِّينْ. وَ بَيْدَا، هُو يِخَلِّي مُطَارَدَتِي فِي كُلَّ بَلَدْ إِسْرَائِيلْ. وَ أَنَا نَنْجَى مِنَّهْ.»

1 صَمُوِيل 27:2

وَ دَاوُدْ وَ الرُّجَالْ السُّتُّمِيَةْ الْمَعَايَهْ مَشَوْا لِأَكِيشْ وِلَيْد مَعُوكْ مَلِكْ حِلَّةْ قَاتْ.

زَبُور 34:1

أَنَا نَحْمُدْ اللّٰهْ فِي كُلَّ وَكِتْ وَ دَايْماً خَشْمِي يَشْكُرَهْ.