1 صَمُوِيل 2:9 - الكتاب المقدس بالعربي الدارجي هنا تشاد

⁹ اللّٰهْ يَحْفَضْ النَّاسْ الصَّالِحِينْ وَ فِي الضَّلَامْ، يُمُوتُوا الْفَسْلِينْ. أَشَانْ الْإِنْسَانْ بِقُدُرْتَهْ مَا يِنَّصِرْ.

1 صَمُوِيل 2:9 Referenca të Kryqëzuara

زَبُور 121:3

يَا أَخُويِ، اللّٰهْ يِثَبِّتْ خَطْوَاتْ رِجْلَكْ، هُو حَافِضَكْ مَا يُنُومْ.

1 بُطْرُس 1:5

وَ قُدْرَةْ اللّٰهْ تَحْفَضْكُو بِإِيمَانْكُو أَشَانْ تَلْقَوْا النَّجَاةْ الْاللّٰهْ جَهَّزَاهَا وَ يِبَيِّنْهَا فِي الْيَوْم الْأَخِيرْ.

زَكَرِيَّا 4:6

وَ خَلَاصْ، هُو قَالْ لَيِّ: «اللّٰهْ حَجَّى لِزَرُبَابِلْ وَ قَالْ: ‹الْخِدْمَةْ دِي مَا بِقُوَّةْ وَ لَا بِقُدْرَةْ وَ لَاكِنْ بِرُوحِي أَنَا. وَ دَا، اللّٰهْ الْقَادِرْ بَسْ قَالَهْ.

زَبُور 97:10

إِنْتُو التِّحِبُّوا اللّٰهْ، أَكْرَهَوْا الْفَسَالَةْ! هُو يَحْفَضْ حَيَاةْ مُؤمِنِينَهْ وَ يِنَجِّيهُمْ مِنْ إِيدْ الْعَاصِيِينْ.

زَبُور 94:18

وَ وَكِتْ نُقُولْ: «نِتَّرْتَعْ»، رَحْمَتَكْ تَلْزَمْنِي، يَا اللّٰهْ.

زَبُور 37:28

أَشَانْ اللّٰهْ يِحِبّ الْعَدَالَةْ وَ مَا يَابَى الْآمَنَوْا بَيَّهْ. هُو يَحْفَضْهُمْ دَايْماً وَ لَاكِنْ ذُرِّيَّةْ الْعَاصِيِينْ، يَفْصُلُوهُمْ.

أيُّوب 5:24

بَيْدَا، تَعَرِفْ كَدَرْ فِي خَيْمِتَكْ فِيَّهْ سَلَامْ وَ تِرَاقِبْ مَرْعَاكْ وَ شَيّءْ مَا يِقَصِّرْ لَيْك.

تَثْنِية 33:3

أَكِيدْ هُو يِحِبّ الشَّعَبْ وَ كُلَّ صَالِحِينَهْ فِي إِيدَيْنَهْ. وَ هُمَّنْ قَاعِدِينْ تِحْتَهْ وَ يَسْمَعَوْا تَعْلِيمَهْ.

أمْثال 16:9

قَلْب الْإِنْسَانْ يِفَكِّرْ فِي الدَّرِبْ الْيِشِيلَهْ وَ لَاكِنْ اللّٰهْ بَسْ يُقُودْ خَطْوَاتَهْ.

زَبُور 121:8

وَ مِنْ الْيَوْم لِقِدَّامْ، اللّٰهْ يَحْفَضَكْ فِي مَرِقِينَكْ وَ جَيْتَكْ.

2 بُطْرُس 2:17

النَّاسْ دَوْل، هُمَّنْ مِثِلْ عُيُونْ أَلْمِي الْأَلْمِيهُمْ بِقِي مَا فِيهْ وَ مِثِلْ سَحَابْ الْخَفِيفْ التِّشَتِّتَهْ الرِّيحْ الشَّدِيدَةْ. وَ اللّٰهْ جَهَّزْ لَيْهُمْ بَكَانْ فِي الضَّلَامْ الْأَزْرَقْ كُرُمْ.

مَتَّى 8:12

وَ لَاكِنْ النَّاسْ الْوَاجِبْ يَمُلْكُوا الْمَمْلَكَةْ دِي، اللّٰهْ يَطْرُدْهُمْ فِي الضَّلَامْ الْبَرَّانِي. هِنَاكْ نَاسْ يَبْكُوا وَ يِعَضُّوا سُنُونْهُمْ مِنْ النَّدَامَةْ.»

صَفَنْيا 1:15

وَ الْيَوْم دَا، يَوْم هَنَا غَضَبْ وَ يَوْم هَنَا ضِيقَةْ وَ تَعَبْ. هُو يَوْم هَنَا خَرَابْ وَ دَمَارْ وَ يَوْم هَنَا ضَلَامْ أَزْرَقْ كُرُمْ وَ يَوْم هَنَا سَحَابْ أَضْلَمْ مَرَّةْ وَاحِدْ.

جامِعة 9:11

وَ بَتَّانْ أَنَا شِفْت فِي الْأَرْض السَّبَقْ مَا دَايْماً لِلْعَجِيلِينْ وَ النَّصُرْ مَا دَايْماً لِلْفُرَّاسْ وَ الْعِيشَةْ الْحَلُوَّةْ مَا دَايْماً لِلْحَكِيمِينْ وَ الْغُنَى مَا دَايْماً لِلْفَاهِمِينْ وَ الرَّحْمَةْ مَا دَايْماً لِلْعِنْدُهُمْ الْمَعْرَفَةْ. أَشَانْ كُلَّ النَّاسْ يَوَاجُهُوا الْخَيْر وَ الشَّرّ.

أمْثال 3:26

أَشَانْ اللّٰهْ يَسْتُرَكْ وَ يَحْفَضْ رِجْلَكْ مِنْ الشَّرَكْ.

جامِعة 5:17

هُو وَدَّرْ كُلَّ أَيَّامَهْ فِي الضَّلَامْ وَ فِي كَتَرَةْ الْهَمّ وَ التَّعَبْ وَ الزَّعَلْ.

أمْثال 2:8

هُو يَحْمِي طَرِيقْ الْعَادِلِينْ وَ يَحْفَضْ دَرِبْ الْمُؤمِنِينْ.

زَبُور 121:5

اللّٰهْ حَافِضَكْ وَ اللّٰهْ ضُلَّكْ بِإِيدَكْ الزَّيْنَةْ.

يَهُوذَا 1:13

عَيْب النَّاسْ دَوْل مِثِلْ الرِّغْوَةْ الْيِجِيبْهَا مَوْج الْبَحَرْ الشَّدِيدْ. هُمَّنْ مِثِلْ نُجُومْ رَايْغِينْ وَ اللّٰهْ جَهَّزْ لَيْهُمْ الضَّلَامْ الْأَزْرَقْ كُرُمْ إِلَى الْأَبَدْ.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

يَهُوذَا 1:1

الْجَوَابْ مِنِّي أَنَا يَهُوذَا عَبِدْ عِيسَى الْمَسِيحْ وَ أَخُو يَعْقُوبْ. وَ نَكْتِبْ لَيْكُو إِنْتُو النَّاسْ الْاللّٰهْ أَبُونَا نَادَاكُو فِي مَحَبِّتَهْ وَ قَاعِدْ يَحْفَضْكُو بِعِيسَى الْمَسِيحْ.

رَوْمَا 3:19

وَ نَعَرْفُوا كَدَرْ أَيِّ شَيّءْ الْمَكْتُوبْ فِي التَّوْرَاةْ يِحَجِّي لِأَهَلْ شُرُوطْ التَّوْرَاةْ. وَ بِمِثِلْ دَا، مَا فِي نَادُمْ وَاحِدْ الْيَقْدَرْ يِدَافِعْ لِنَفْسَهْ قِدَّامْ اللّٰهْ. وَ خَلَاصْ كُلَّ نَاسْ الدُّنْيَا يَقْعُدُوا تِحِتْ حِسَابْ اللّٰهْ.

إرْمِيا 9:23

وَ دَاهُو اللّٰهْ قَالْ: «خَلِّي الْحَكِيمْ مَا يِسْتَكْبَرْ بِحِكْمَتَهْ وَ خَلِّي الْقَادِرْ مَا يِسْتَكْبَرْ بِقُدُرْتَهْ وَ خَلِّي الْغَنِيْ مَا يِسْتَكْبَرْ بِغُنَايَهْ.

إرْمِيا 8:14

وَ النَّاسْ قَالَوْا: «مَالَا نَقْعُدُوا سَاكِتْ؟ يَلَّا قُمُّوا! خَلِّي نِنْدَسَّوْا فِي الْمُدُنْ الْقَوِيِّينْ وَ نَرْجَوْا الْمَوْت. أَشَانْ اللّٰهْ إِلٰـهْنَا بَسْ كَتَلْنَا وَ زَقَانَا أَلْمِي مُسَمَّمْ. أَيْوَى، دَا فِي شَانْ أَنِحْنَ أَذْنَبْنَا.

أيُّوب 5:16

خَلَاصْ، الضَّعِيفِينْ يَلْقَوْا عَشَمْ وَ الظَّالِمِينْ خُشُومْهُمْ يِنْسَدَّوْا.

عَدد 6:24

‹اللّٰهْ يِبَارِكُّو وَ يَحْفَضْكُو.

زَبُور 31:17

يَا اللّٰهْ! خَلِّي مَا نَلْقَى عَيْب وَكِتْ نَشْحَدَكْ. وَ لَاكِنْ خَلِّي الْعَاصِيِينْ يَخْجَلَوْا وَ يَنْزُلُوا فِي الْقَبُرْ وَ يَسْكُتُوا.

إشَعْيا 27:3

أَنَا اللّٰهْ بَسْ حَارِسْهَا وَ نَزْقِيهَا فِي كُلَّ وَكِتْ. وَ فِي شَانْ مَا يَدْخُلُوا فَوْقهَا، أَنَا قَاعِدْ نَحْرِسْهَا لَيْل وَ نَهَارْ.

1 صَمُوِيل 25:26

وَ هَسَّعْ، يَا سَيِّدِي، نَحْلِفْ لَيْك بِاللّٰهْ الْحَيّ وَ بِحَيَاتَكْ إِنْتَ كَدَرْ اللّٰهْ دَحَرَكْ مِنْ دَفِّقِينْ الدَّمّ وَ كَفِّينْ التَّارْ. خَلِّي عُدْوَانَكْ وَ كُلَّ النَّاسْ الْيِدَوْرُوا لَيْك الْفَسَالَةْ يَبْقَوْا مِثِلْ نَابَالْ، يَا سَيِّدِي!

أيُّوب 18:18

مِنْ النُّورْ، يِلِزُّوهْ لِلضَّلَامْ أَيْوَى، مِنْ الْعَالَمْ يَمُرْقُوهْ.

أيُّوب 40:13

أَدْفِنْهُمْ كُلُّهُمْ فِي التُّرَابْ وَ أَسْجِنْهُمْ فِي الْقُبُورْ!

زَبُور 1:6

أَشَانْ طَرِيقْ الصَّالِحِينْ، اللّٰهْ يَحْفَضَهْ وَ لَاكِنْ طَرِيقْ الْهَوَانِينْ، فِي الضَّلَامْ يِوَدِّرَهْ.

زَبُور 105:37

هُو مَرَقْ شَعَبَهْ إِيدَيْهُمْ مَلَانِينْ بِفُضَّةْ وَ دَهَبْ وَ مَا فِي نَادُمْ أَتَّرْتَعْ مِنْ قَبَايِلْهُمْ.

زَبُور 145:20

اللّٰهْ يَحْفَضْ كُلَّ الْيِحِبُّوهْ وَ يِدَمِّرْ كُلَّ الْعَاصِيِينْ.

إشَعْيا 47:5

«يَا بِنَيَّةْ الْبَابِلِيِّينْ أَقْعُدِي سَاكِتْ وَ أَمْشِي فِي الضَّلَامْ. أَشَانْ بَتَّانْ مَا يِنَادُوكِ مَلِكَةْ الْمَمَالِكْ.

نَاحُوم 1:8

مِثِلْ سَيْل، يِجِيبْ دَمَارْ كَامِلْ فِي بَكَانْ عُدْوَانَهْ وَ يِطَارِدْهُمْ لَحَدِّي فِي ضَلَامْ الْقُبُورْ.