1 صَمُوِيل 2:3 - الكتاب المقدس بالعربي الدارجي هنا تشاد

³ «مَا تِكَلُّمُوا بِإِسْتِكْبَارْ زِيَادَةْ وَ مَا تَمُرْقُوا كَلَامْ بَلَا أَدَبْ. أَشَانْ اللّٰهْ هُو الْإِلٰـهْ الْعَالِمْ بِكُلَّ شَيّءْ وَ يَوْزِنْ أَعْمَالْ النَّاسْ فِي الْمِيزَانْ.

1 صَمُوِيل 2:3 Referenca të Kryqëzuara

أمْثال 8:13

الْيَخَافْ مِنْ اللّٰهْ، يَكْرَهْ الْفَسَالَةْ. وَ أَنَا كُلَ نَكْرَهْ الْكُلُوفِيَّةْ وَ الْإِسْتِكْبَارْ وَ دَرِبْ الْفَسَالَةْ وَ الْخَشُمْ الْكَدَّابْ.

1 مُلوك 8:39

خَلَاصْ مِنْ السَّمَاءْ، الْبَكَانْ الْإِنْتَ سَاكِنْ فَوْقَهْ، أَسْمَعْ وَ أَغْفِرْ لَيْهُمْ ذُنُوبْهُمْ وَ أَحْكِمْ وَ سَوِّي فَوْق أَيِّ وَاحِدْ حَسَبْ عَمَلَهْ أَشَانْ إِنْتَ تَعَرِفْ قَلْبَهْ. وَ إِنْتَ بَسْ التَّعَرِفْ قَلِبْ هَنَا أَيِّ نَادُمْ.

أمْثال 24:12

كَنْ تُقُولْ: «أَنِحْنَ مَا عِرِفْنَا شَيّءْ فَوْقَهْ.» هَلْ الْيَوْزِنْ الْقُلُوبْ مَا يِشِيفْ وَلَّا؟ الْيَحْفَضْ حَيَاتَكْ يَعَرْفَهْ وَ يِكَافِي أَيِّ نَادُمْ حَسَبْ فِعِلَهْ.

عِبْرَانِيِّين 4:12

كَلَامْ اللّٰهْ حَيّ وَ قَادِرْ وَ طَرِينْ زِيَادَةْ مِنْ السَّيْف الْمُطَرَّقْ مِنْ جَايْ وَ جَايْ. هُو يَقْطَعْ دَاخَلْ فِي النَّادُمْ مَرَّةْ وَاحِدْ لَحَدِّي يَلْحَقْ الْبَكَانْ الْفَوْقَهْ النَّفَسْ وَ الرُّوحْ، وَ الْعُضَامْ وَ الْمُشَاشْ. كَلَامْ اللّٰهْ يِمَيِّزْ الْأَفْكَارْ وَ النِّيَّةْ فِي قَلِبْ الْإِنْسَانْ.

أمْثال 16:2

كُلَّ خِدْمَةْ الْإِنْسَانْ سَمْحَةْ فِي عُيُونَهْ وَ لَاكِنْ الْفِي قَلِبْ الْإِنْسَانْ، اللّٰهْ بَسْ يَوْزِنَهْ.

إشَعْيا 37:23

لِيَاتُو إِنْتَ عَيَّرْتَهْ وَ أَشَّمَّتْ فَوْقَهْ؟ وَ ضِدّ يَاتُو إِنْتَ كَلَّمْت وَ شِفْت بِإِسْتِكْبَارْ؟ دَا ضِدِّي أَنَا، قُدُّوسْ إِسْرَائِيلْ!

زَبُور 147:5

رَبِّنَا هُو كَبِيرْ وَ قُدُرْتَهْ كُلَ كَتِيرَةْ وَ عِلْمَهْ مَا عِنْدَهْ حَدّ.

زَبُور 94:4

كَلَامْ هَنَا إِسْتِكْبَارْ يَمْرُقْ مِنْ خُشُومْهُمْ، هُمَّنْ وَ كُلَّ الْفَسْلِينْ دَوْل يِفَاشُرُوا.

زَبُور 44:21

الرَّبّ مَا يَعَرْفَهْ وَلَّا؟ هُو يَعَرِفْ أَسْرَارْ الْقُلُوبْ.

أيُّوب 31:6

خَلِّي الرَّبّ يَوْزِنِّي فِي الْمِيزَانْ الْعَادِلْ وَ يَعَرِفْ كَمَالِي.

1 صَمُوِيل 16:7

وَ لَاكِنْ اللّٰهْ قَالْ لِصَمُوِيلْ: «أَنَا رَفَضْتَهْ. وَ خَلِّي جَمَالَهْ وَ طُولَهْ مَا يَعَجُبُوكْ! أَشَانْ أَنَا مَا نِشِيفْ الْأَشْيَاءْ مِثِلْ الْإِنْسَانْ يِشِيفْهُمْ. الْإِنْسَانْ يِشِيفْ الظَّاهِرْ بَسْ وَ لَاكِنْ أَنَا اللّٰهْ نِشِيفْ الْفِي الْقَلِبْ.»

رُؤية 2:23

وَ نَضْرُبْ تَلَامِيذْهَا وَ يُمُوتُوا. وَ بَيْدَا، كُلَّ جَمَاعَاتْ الْمُؤمِنِينْ يَعَرْفُوا كَدَرْ أَنَا نَكْشِفْ قَلِبْ هَنَا أَيِّ نَادُمْ وَ نَعَرِفْ فِكْرَهْ. وَ يَعَرْفُوا كَدَرْ أَيِّ وَاحِدْ مِنْكُو نِجَازِيهْ.

مَلاخِـي 3:13

وَ اللّٰهْ قَالْ: «كَلَامْكُو ضِدِّي بِقِي شَدِيدْ.» وَ لَاكِنْ إِنْتُو قُلْتُوا: «شُنُو الْكَلَامْ الْقُلْنَا ضِدَّكْ؟»

دَنْيال 5:27

‹تَقِلْ› يَعْنِي وَزِنْ. مَعَنَاتَهْ وَزَنَوْك فِي الْمِيزَانْ وَ وَزْنَكْ مَا تَقِيلْ.

دَنْيال 4:37

هَسَّعْ دَا، أَنَا نَبُوخَدْنَصَرْ نِغَنِّي بِأُسْمَهْ وَ نَشْكُرَهْ وَ نِمَجِّدْ اللّٰهْ مَلِكْ السَّمَاوَاتْ الْكُلَّ عَمَلَهْ صَحِيحْ وَ كُلَّ دُرُوبَهْ عِنْدُهُمْ عَدَالَةْ. وَ هُو قَادِرْ يِزِلّْ الْمُسْتَكْبِرِينْ.»

إرْمِيا 17:10

إِلَّا أَنَا اللّٰهْ نِجَرِّبْ قَلِبْ الْإِنْسَانْ وَ نَكْشِفْ دَاخِلَهْ. وَ نِكَفِّيهْ نَتِيجَةْ عَمَلَهْ حَسَبْ دَرْبَهْ الْيِشِيلَهْ.

إشَعْيا 26:7

يَا رَبّ، دَرِبْ الصَّالِحْ يَمْشِي عَدِيلْ أَيْوَى، إِنْتَ تِعَدِّلْ دَرِبْ الصَّالِحْ.

زَبُور 17:10

قُلُوبْهُمْ قَوِيِّينْ مَا يَرْحَمَوْا وَ خُشُومْهُمْ يِكَلُّمُوا بِإِسْتِكْبَارْ.

زَبُور 31:18

خَلِّي الْكَدَّابِينْ دَوْل يَبْقَوْا بُكُمْ، هُمَّنْ الْيِكَلُّمُوا ضِدّ الصَّالِحْ بِحُقْرَةْ وَ إِسْتِكْبَارْ وَ كَرَاهِيَّةْ.

زَبُور 75:5

مَا تَرْفَعَوْا رُوسَيْكُو فَوْق زِيَادَةْ وَ مَا تِحَجُّوا مِثِلْ دَا وَ لَا تِحَجُّوا بِرَاسْ قَوِي.›»

يَشُوع 22:22

«اللّٰهْ هُو بَسْ إِلٰـهْ الْإِلٰـهَاتْ! اللّٰهْ هُو الرَّبّ! اللّٰهْ يَعَرِفْ الصَّحِيحْ وَ وَاجِبْ بَنِي إِسْرَائِيلْ كُلَ يَعَرْفُوهْ! كَنْ أَنِحْنَ قَمَّيْنَا ضِدّ اللّٰهْ وَ عِصِينَاهْ، خَلِّي مَا تِنَجُّونَا الْيَوْم.

قُضياء 9:38

وَ زَبُولْ قَالْ لَيَّهْ: «وَيْن كَلَامَكْ الْإِنْتَ أَوَّلْ حَجَّيْتَهْ؟ أَوَّلْ إِنْتَ مَا قُلْت: ‹أَبِيمَلِكْ هُو يَاتُو لَحَدِّي أَنِحْنَ نَقْعُدُوا تِحْتَهْ؟› وَ دَاهُو النَّاسْ الْإِنْتَ حَقَرْتُهُمْ. هَسَّعْ دَا، أَمْرُقْ وَ حَارِبْهُمْ!»

حِزْقِيال 35:13

إِنْتَ حَجَّيْت فَوْقِي بِإِسْتِكْبَارْ وَ كَتَّرْت كَلَامَكْ ضِدِّي وَ أَنَا سِمِعْتَهْ.›»