1 صَمُوِيل 2:13 - الكتاب المقدس بالعربي الدارجي هنا تشاد

¹³ وَ دِي هِي الطَّرِيقَةْ الْهُمَّنْ قَاعِدِينْ يِعَامُلُوا بَيْهَا النَّاسْ. كَنْ أَيِّ نَادُمْ قَدَّمْ ضَحِيَّةْ، خَدَّامْ أَوْلَادْ عَالِي يَجِي لَيَّهْ وَكِتْ قَاعِدِينْ يِرَكُّبُوا اللَّحَمْ وَ عِنْدَهْ فِي إِيدَهْ حَدِيدَايْ الْعِنْدَهَا تَلَاتَةْ سُنُونْ.

1 صَمُوِيل 2:13 Referenca të Kryqëzuara

1 صَمُوِيل 2:14

وَ يِدِسّ الْحَدِيدَايْ دِي فِي الْقِدِرْ أَوْ الطَّهْوَةْ أَوْ الْكَلَوْل أَوْ الْبُرْمَةْ الْمُرَكِّبِينْ فِيهَا اللَّحَمْ. وَ اللَّحَمْ الْيَمْرُقْ فِي رَاسْ الْحَدِيدَايْ دَا، الْخَدَّامْ يِشِيلَهْ وَ يِوَدِّيهْ لِرَاجِلْ الدِّينْ. وَ دِي بَسْ الطَّرِيقَةْ الْبَيْهَا أَوْلَادْ عَالِي قَاعِدِينْ يِعَامُلُوا كُلَّ بَنِي إِسْرَائِيلْ الْيَجُوا لِبَيْت اللّٰهْ فِي حِلَّةْ شِيلَوْه.

1 صَمُوِيل 2:22

وَ عَالِي بِقِي شَايِبْ كَبِيرْ وَ قَاعِدْ يَسْمَعْ بِالشَّيّءْ الْفَسِلْ الْأَوْلَادَهْ قَاعِدِينْ يِسَوُّوهْ فِي جَمِيعْ بَنِي إِسْرَائِيلْ. وَ هُو سِمِعْ كَدَرْ هُمَّنْ يَرُقْدُوا مَعَ الْعَوِينْ الْيَخْدُمُوا فِي مَدَخَلْ خَيْمَةْ الْإِجْتِمَاعْ.

1 صَمُوِيل 2:29

وَ لَاكِنْ مَالَا تَحْقُرُوا الضَّحَايَا وَ الْهَدَايَا الْأَنَا أَمَرْت بَيْهُمْ لِيِقَدُّمُوهُمْ فِي بَيْتِي؟ وَ مَالَا تِكَرِّمْ أَوْلَادَكْ زِيَادَةْ مِنِّي أَنَا اللّٰهْ رَبَّكْ؟ وَ مَالَا إِنْتُو تِسَمُّنُوا نُفُوسْكُو بِأَحْسَنْ لَحَمْ التِّعَزُّلُوهْ مِنْ الضَّحَايَا الْيِقَدُّمُوهُمْ لَيِّ شَعَبِي بَنِي إِسْرَائِيلْ؟ دَا كِكَّيْف!›

حِزْقِيال 46:20

وَ الرَّاجِلْ قَالْ لَيِّ: «دَا الْبَكَانْ الْفَوْقَهْ رُجَالْ الدِّينْ يِرَكُّبُوا الضَّحَايَا لِكَفَّارَةْ الْخَطَا وَ الضَّحَايَا لِكَفَّارَةْ الذَّنِبْ. وَ هُمَّنْ يِرَكُّبُوا الضَّحَايَا دَوْل فِي الْفَرَقَةْ دِي وَ مَا يَمُرْقُوهُمْ عَلَيْ الْفَضَايْ الْبَرَّانِيَّةْ. وَ دَا أَشَانْ مَا يِخَصُّصُوا الشَّعَبْ.»