1 صَمُوِيل 2:11 - الكتاب المقدس بالعربي الدارجي هنا تشاد

¹¹ وَ بَعَدْ دَا، أَلِقَانَى وَ عَايِلْتَهْ قَبَّلَوْا بَيْتهُمْ فِي حِلَّةْ الرَّامَةْ. وَ الْوِلَيْد صَمُوِيلْ قَاعِدْ يَخْدِمْ لِلّٰهْ تِحِتْ مُرَاقَبَةْ عَالِي رَاجِلْ الدِّينْ.

1 صَمُوِيل 2:11 Referenca të Kryqëzuara

1 صَمُوِيل 3:1

وَ الْوِلَيْد صَمُوِيلْ قَاعِدْ يَخْدِمْ لِلّٰهْ تِحِتْ مُرَاقَبَةْ عَالِي. وَ فِي الْوَكِتْ دَاكْ، كَلَامْ اللّٰهْ الْيِحَجِّيهْ لِلنَّاسْ مَا كَتِيرْ وَ الرُّؤْيَةْ كُلَ شِيَّةْ.

1 صَمُوِيل 2:18

وَ لَاكِنْ فِي الْوَكِتْ دَا، صَمُوِيلْ قَاعِدْ يَخْدِمْ لِلّٰهْ. وَ هُو لِسَّاعْ صَغَيَّرْ وَ لَابِسْ خَلَقْ هَنَا رُجَالْ الدِّينْ.

1 صَمُوِيل 1:28

وَ هَسَّعْ، أَنَا نَنْطِيهْ لِلّٰهْ مُدَّةْ حَيَاتَهْ.» خَلَاصْ فِي الْبَكَانْ دَا، كُلُّهُمْ سَجَدَوْا لِلّٰهْ.

1 صَمُوِيل 3:15

وَ بَعَدْ دَا، صَمُوِيلْ قَبَّلْ رَقَدْ. وَ بِفَجُرْ، قَمَّ فَتَحْ بِيبَانْ بَيْت اللّٰهْ. وَ هُو خَافْ مَا قِدِرْ يِأَوْرِيهْ لِعَالِي بِالرُّؤْيَةْ دِي.

1 صَمُوِيل 1:19

وَ أَمْبَاكِرْ بِفَجُرْ بَدْرِي، قَمَّوْا سَجَدَوْا لِلّٰهْ وَ قَبَّلَوْا لِبَيْتهُمْ فِي حِلَّةْ الرَّامَةْ. وَ بَعَدْ دَا، أَلِقَانَى لَمَّ مَعَ مَرْتَهْ حِنَّةْ وَ اللّٰهْ فَكَّرْ لَيْهَا وَ قِبِلْ سُؤَالْهَا

1 صَمُوِيل 1:1

فِيَّهْ رَاجِلْ وَاحِدْ مِنْ حِلَّةْ الرَّامَةْ فِي جِبَالْ أَفْرَايِمْ مِنْ خَشُمْ بَيْت صُوفْ. أُسْمَهْ أَلِقَانَى وِلَيْد يَرُوحَامْ وِلَيْد أَلِيهُو وِلَيْد تُوحُو وِلَيْد صُوفْ. وَ هُو مِنْ قَبِيلَةْ أَفْرَايِمْ.

1 صَمُوِيل 7:17

وَ بَعَدْ دَا، يِقَبِّلْ فِي حِلَّةْ الرَّامَةْ وَ دَا الْبَكَانْ الْهُو سَاكِنْ فَوْقَهْ. وَ هِنَاكْ كُلَ هُو يِسَوِّي شَرِيعَةْ لِبَنِي إِسْرَائِيلْ. وَ بَنَى مَدْبَحْ لِعِبَادَةْ اللّٰهْ.