1 صَمُوِيل 2:1 - الكتاب المقدس بالعربي الدارجي هنا تشاد

¹ وَ حِنَّةْ صَلَّتْ وَ قَالَتْ: «نِعْمَةْ اللّٰهْ مَلَتْ قَلْبِي بِالْفَرَحْ، اللّٰهْ رَفَعْ رَاسِي وَ أَنْطَانِي قُدْرَةْ. قِدَّامْ عُدْوَانِي، ضِحِكْت بِحِسّ عَالِي وَ بِنَجَاتَكْ أَنَا فِرِحْت، يَا رَبِّي.

1 صَمُوِيل 2:1 Referenca të Kryqëzuara

زَبُور 13:5

لَاكِنْ أَنَا مُؤآمِنْ بِرَحْمَتَكْ وَ أَنَا فَرْحَانْ بِنَجَاتَكْ.

فِلِبِّي 4:6

مَا تِهِمُّوا لِأَيِّ شَيّءْ لَاكِنْ فِي كُلِّ حَالْ، أَشْكُرُوا اللّٰهْ وَ قَدُّمُوا لَيَّهْ طَلَبْكُو بِصَلَاةْ وَ دُعَا.

زَبُور 92:10

إِنْتَ تَرْفَعْ رَاسِي مِثِلْ قَرِنْ الْجَامُوسْ وَ مَسَحْتِنِي بِدِهِنْ مُعَطَّرْ.

زَبُور 89:17

أَشَانْ إِنْتَ بَسْ شَرَفْهُمْ وَ قُدْرِتْهُمْ وَ بِرِضَاكْ إِنْتَ، رَاسْنَا يِنْرَفِعْ.

فِلِبِّي 4:4

أَفْرَحَوْا بِرَبِّنَا عِيسَى دَايْماً وَ بَتَّانْ نُقُولْ لَيْكُو، أَفْرَحَوْا!

زَبُور 20:5

وَ خَلَاصْ، أَنِحْنَ نِرَقْرُقُوا مِنْ الْفَرَحْ فِي شَانْ نَجَاتَكْ. وَ نَرْفَعَوْا الرَّايَةْ بِأُسُمْ إِلٰـهْنَا وَ خَلِّي اللّٰهْ يِحَقِّقْ كُلَّ طَلَبَاتَكْ.

زَبُور 9:14

أَشَانْ نِحَجِّي بِكُلَّ شُكْرَكْ فِي بِيبَانْ صَهْيُون الْمِثِلْ بِنَيَّةْ وَ نَفْرَحْ بِسَبَبْ نَجَاتَكْ.

زَبُور 35:9

لَاكِنْ نَفْسِي تِنْبَسِطْ بِاللّٰهْ وَ أَنَا نَفْرَحْ بِنَجَاتَهْ.

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

رَوْمَا 5:11

وَ زِيَادَةْ مِنْ دَا، هَسَّعْ أَنِحْنَ قَاعِدِينْ نَفْرَحَوْا بِالْعَلَاقَةْ الْعِنْدِنَا مَعَ اللّٰهْ بِرَبِّنَا عِيسَى الْمَسِيحْ. أَشَانْ بِالْمَسِيحْ بَسْ، أَنِحْنَ لِقِينَا الصُّلُحْ.

حَبَقُوق 3:18

بَيْدَا كُلَ، أَنَا نِنْبَسِطْ بِاللّٰهْ وَ نَفْرَحْ بِإِلٰـهِي الْيِنَجِّينِي.

زَبُور 118:14

قُدُرْتِي هُو اللّٰهْ وَ فِيَّهْ هُو، أَنَا نِغَنِّي. هُو بَسْ النَّجَّانِي.

زَبُور 89:24

«وَ صِدْقِي وَ رَحْمَتِي يُكُونُوا مَعَايَهْ وَ بِأُسْمِي، يَرْفَعْ رَاسَهْ.

خُروج 15:21

وَ مَرْيَمْ غَنَّتْ وَ قَالَتْ: «غَنُّوا لِلّٰهْ أَشَانْ هُو وَصَّفْ قُدُرْتَهْ الْمَجِيدَةْ. وَ هُو رَمَى فِي الْبَحَرْ الْجُوَادْ وَ سِيدَهْ!»

خُروج 15:1

وَ خَلَاصْ، مُوسَى وَ بَنِي إِسْرَائِيلْ غَنَّوْا لِلّٰهْ الْغِنَيْ الْبُقُولْ: أَنَا نِغَنِّي لِلّٰهْ أَشَانْ هُو وَصَّفْ قُدُرْتَهْ الْمَجِيدَةْ. وَ هُو رَمَى فِي الْبَحَرْ الْجُوَادْ وَ سِيدَهْ.

1 بُطْرُس 1:8

وَ الْمَسِيحْ دَا، إِنْتُو تِحِبُّوهْ حَتَّى كَانْ مَا شِفْتُوهْ كُلَ. وَ كَنْ إِنْتُو مَا قَاعِدِينْ تِشِيفُوهْ كُلَ، إِنْتُو مُؤمِنِينْ بَيَّهْ وَ تَفْرَحَوْا بَيَّهْ بِفَرْحَةْ مَجِيدَةْ وَ كَبِيرَةْ الْأَبَداً مَا تِلْوَصَّفْ.

زَبُور 51:15

يَا رَبّ، أَفْتَحْ خَشْمِي وَ لِسَانِي يَشْكُرَكْ.

زَبُور 18:2

اللّٰهْ هُو مَلْجَئِي يَحْمِينِي وَ يِنَجِّينِي. إِلٰـهِي هُو مَلْجَئِي وَ الْبَكَانْ النِّلَّبَّدْ فَوْقَهْ. هُو دَرَقَتِي وَ الْقُدْرَةْ التِّنَجِّينِي. هُو مَسْكَنِي الْقَوِي.

حَبَقُوق 3:1

دِي صَلَاةْ النَّبِي حَبَقُوقْ وَ هِي غِنَيْ شَكْوَةْ.

زَبُور 75:10

«نِدَلِّي رُوسَيْ الْعَاصِيِينْ وَ نَرْفَعْ رُوسَيْ الصَّالِحِينْ.»

زَبُور 71:8

لِسَانِي يَحْمُدَكْ وَ كُلَّ يَوْم، نِمَجِّدَكْ.

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

لُوقا 1:69

هُو رَسَّلْ لَيْنَا نَادُمْ قَادِرْ مِنْ ذُرِّيَّةْ عَبْدَهْ دَاوُدْ أَشَانْ يِنَجِّينَا.

نَحَمْيا 11:17

وَ فِيَّهْ مَتَّنْيَا كُلَ، الْجُدُودَهْ أَسَافْ وَ زَبْدِي وَ مِيكَا. وَ هُو بَسْ مُكَلَّفْ بِغِنَيْ الشُّكُرْ وَ الصَّلَاةْ. وَ فِيَّهْ بَقْبُقْيَا كُلَ، الْبِسَاعِدْ أَخْوَانَهْ. وَ فِيَّهْ عَبْدَا كُلَ، الْجُدُودَهْ يَدُوتُونْ وَ قَلَالْ وَ شَمُّوعْ.

تَثْنِية 33:17

هُو عِنْدَهْ شَرَفْ مِثِلْ تَوْر وَلْد الْبِكِرْ وَ قُرُونَهْ مِثِلْ قُرُونْ الْجَامُوسْ. بِضَرْبَةْ وَاحِدَةْ، هُو يَضْرُبْ بَيْهُمْ كُلَّ الشَّعَبْ لَحَدِّي آخِرْ الْأَرْض. وَ هُمَّنْ عَشَرَاتْ الْآلَافْ مِنْ عِيَالْ أَفْرَايِمْ وَ آلَافْ مِنْ عِيَالْ مَنَسَّى.

أيُّوب 16:15

أَنَا خَيَّطْت شُوَالْ وَ لِبِسْتَهْ وَ رَاسِي فِي التُّرَابْ دَسَّيْتَهْ.

زَبُور 148:14

هُو رَفَعْ رَاسْ شَعَبَهْ وَ كُلَّ مُؤمِنِينَهْ يَشْكُرُوهْ، أَيْوَى، بَنِي إِسْرَائِيلْ شَعَبَهْ الْغَالِي لَيَّهْ. الْحَمْدُ للّٰهْ!

1 صَمُوِيل 1:6

وَ ضَرِّتْهَا دَايْماً تِزَعِّلْهَا لِتَحْرِقْ قَلِبْهَا بِسَبَبْ اللّٰهْ جَعَلَاهَا عَاقْرَةْ.

1 صَمُوِيل 1:7

وَ الشَّيّءْ دَا قَاعِدْ يَبْقَى كُلِّ سَنَةْ. وَ وَكِتْ حِنَّةْ تَطْلَعْ لِبَيْت اللّٰهْ، فِنِنَّةْ تِوَاجِعْهَا لَحَدِّي تَبْكِي وَ تَابَى الْأَكِلْ.

2 أخبار 20:27

وَ كُلَّ رُجَالْ بَلَدْ يَهُوذَا وَ سُكَّانْ مَدِينَةْ الْقُدُسْ مَعَ يَهُوشَفَطْ فِي رَاسْهُمْ قَبَّلَوْا مَدِينَةْ الْقُدُسْ بِفَرْحَةْ أَشَانْ اللّٰهْ نَجَّاهُمْ مِنْ عُدْوَانْهُمْ.

زَبُور 21:2

إِنْتَ تَمَّيْت لَيَّهْ مُنَى قَلْبَهْ وَ وَكِتْ هُو طَلَبْ مِنَّكْ كُلَ، إِنْتَ مَا أَبَيْت لَيَّهْ. وَقْفَةْ.

زَبُور 89:18

اللّٰهْ، هُو دَرَقَتْنَا. أَيْوَى، قُدُّوسْ إِسْرَائِيلْ، هُو مَلِكْنَا.