1 صَمُوِيل 19:1 - الكتاب المقدس بالعربي الدارجي هنا تشاد

¹ وَ شَاوُولْ كَلَّمْ لِوِلَيْدَهْ يُونَتَانْ وَ كُلَّ خَدَّامِينَهْ كَدَرْ هُو يِدَوْر يَكْتُلْ دَاوُدْ. وَ لَاكِنْ يُونَتَانْ وِلَيْد شَاوُولْ عِنْدَهْ مَحَبَّةْ شَدِيدَةْ لِدَاوُدْ.

1 صَمُوِيل 19:1 Referenca të Kryqëzuara

1 صَمُوِيل 18:1

وَ وَكِتْ دَاوُدْ كَمَّلْ كَلَامَهْ مَعَ شَاوُولْ، يُونَتَانْ قَلْبَهْ عَلَّقْ فَوْق دَاوُدْ وَ هُو حَبَّاهْ مِثِلْ نَفْسَهْ.

1 صَمُوِيل 18:9

وَ مِنْ الْيَوْم دَا، شَاوُولْ كِرِهَهْ لِدَاوُدْ.

1 صَمُوِيل 18:8

وَ الْغِنَيْ دَا حَرَّقْ قَلِبْ شَاوُولْ وَ هُو زِعِلْ زَعَلْ شَدِيدْ وَ فَكَّرْ وَ قَالْ: «كَنْ هِنَّ يُقُولَنْ دَاوُدْ كَتَلْ عَشَرَاتْ الْآلَافْ وَ أَنَا كَتَلْت آلَافْ بَسْ، فَضَّلْ لَيَّهْ إِلَّا الْمُلُكْ!»

1 صَمُوِيل 19:2

وَ يُونَتَانْ جَاءْ خَبَّرَهْ لِدَاوُدْ وَ قَالْ لَيَّهْ: «أَبُويِ شَاوُولْ يِدَوْر يَكْتُلَكْ! أَبْقَى حَضِيرْ أَمْبَاكِرْ فَجُرْ. فَتِّشْ لَيْك بَكَانْ وَ لَبِّدْ فَوْقَهْ.

تكوين 37:18

وَ وَكِتْ هُمَّنْ شَافَوْه جَايِ مِنْ بَعِيدْ قُبَّالْ مَا يَلْحَقْهُمْ كَيْ بَسْ، هُمَّنْ قَمَّوْا أَشَّاوَرَوْا فَوْقَهْ لِيَكْتُلُوهْ

1 صَمُوِيل 18:3

وَ يُونَتَانْ سَوَّى عَلَاقَةْ مَعَ دَاوُدْ أَشَانْ هُو حَبَّاهْ مِثِلْ نَفْسَهْ.

1 صَمُوِيل 18:25

وَ شَاوُولْ قَالْ: «قُولُوا لِدَاوُدْ: ‹الْمَلِكْ مَا بِدَوْر مِنَّكْ مَالْ فِي بِنَيِّتَهْ. لَاكِنْ هُو يِدَوْر مِيَةْ قُلَفْ هَنَا الْفِلِسْطِيِّينْ التَّكْتُلْهُمْ. أَشَانْ شَاوُولْ يِشِيلْ التَّارْ فِي عُدْوَانَهْ.›» وَ بَيْدَا، شَاوُولْ يَحْسِبْ يَرْمِي دَاوُدْ فِي إِيدْ الْفِلِسْطِيِّينْ.

1 صَمُوِيل 20:1

وَ دَاوُدْ عَرَّدْ مِنْ حِلَّةْ نَيُوتْ الْقَرِيبَةْ لِحِلَّةْ الرَّامَةْ وَ جَاءْ لِقَاهْ لِيُونَتَانْ وَ قَالْ لَيَّهْ: «شُنُو الْأَنَا سَوَّيْتَهْ لِأَبُوكْ؟ شُنُو الْخَطَا وَ الذَّنِبْ الْأَنَا سَوَّيْتَهْ لِأَبُوكْ أَشَانْ هُو يِدَوْر يَكْتُلْنِي؟»

1 صَمُوِيل 20:19

وَ فِي الْيَوْم التَّالِتْ، إِنْتَ أَنْزِلْ وَ أَمْشِي أَلَّبَّدْ فِي الْبَكَانْ الْإِنْتَ أَلَّبَّدْت فَوْقَهْ يَوْم الْمُشْكِلَةْ. وَ أَقْعُدْ جَنْب الْحَجَرْ الْأُسْمَهْ الْفُرْقَةْ.

2 صَمُوِيل 4:8

وَ جَابَوْا رَاسْ إِشْبُوشَتْ لِدَاوُدْ فِي حِبْرُونْ وَ قَالَوْا لَيَّهْ: «يَا سِيدْنَا الْمَلِكْ، فِي شَانَكْ إِنْتَ الْيَوْم اللّٰهْ عَاقَبْ شَاوُولْ وَ ذُرِّيّتَهْ. وَ هَسَّعْ دَا، دَاهُو رَاسْ إِشْبُوشَتْ وِلَيْد شَاوُولْ، عَدُوكْ الدَّوَّرْ يَكْتُلَكْ.»