1 صَمُوِيل 17:1 - الكتاب المقدس بالعربي الدارجي هنا تشاد

¹ وَ يَوْم وَاحِدْ، الْفِلِسْطِيِّينْ لَمَّوْا دَيْشهُمْ لِلْحَرِبْ فِي حِلَّةْ سُوكُو الْقَاعِدَةْ فِي بَلَدْ يَهُوذَا وَ قَعَدَوْا بَيْن سُوكُو وَ حِلَّةْ عَزِيقَةْ، فِي حِلَّةْ أَفَسْ دَمِّيمْ.

1 صَمُوِيل 17:1 Referenca të Kryqëzuara

يَشُوع 15:35

وَ يَرْمُوتْ وَ عَدُلَّامْ وَ سُوكُو وَ عَزِيقَةْ

2 أخبار 28:18

وَ فِي نَفْس الْوَكِتْ، الْفِلِسْطِيِّينْ كُلَ جَوْا هَجَمَوْا سَهَلَةْ شَفِيلَةْ وَ مَنْطَقَةْ الْجُنُوبْ هَنَا بَلَدْ يَهُوذَا. وَ هُمَّنْ شَالَوْا حِلَّالْ بَيْت شَمْس وَ أَيَّلُونْ وَ قَدِيرُوتْ. وَ بَتَّانْ شَالَوْا حِلَّالْ سُوكُو وَ تِمْنَةْ وَ قِمْزُو وَ الْحِلَّالْ التَّابْعِينْ لَيْهُمْ. وَ سَكَنَوْا فِي كُلَّ الْحِلَّالْ دَوْل.

1 أخبار 11:13

وَ هُو بَسْ الْمَشَى مَعَ دَاوُدْ فِي فَاسْ دَمِّيمْ وَكِتْ الْفِلِسْطِيِّينْ لَمَّوْا لِلْحَرِبْ. وَ فِي الْبَكَانْ دَا، فِيَّهْ زَرَعْ هَنَا قَمَحْ أَبْيَضْ وَ رُجَالْ بَنِي إِسْرَائِيلْ عَرَّدَوْا مِنْ الْفِلِسْطِيِّينْ.

1 صَمُوِيل 13:5

وَ الْفِلِسْطِيِّينْ كُلَ لَمَّوْا لِيِحَارُبُوا بَنِي إِسْرَائِيلْ وَ هُمَّنْ عِنْدُهُمْ 30 000 عَرَبَاتْ الْحَرِبْ وَ 6 000 سِيَادْ الْخَيْل وَ رُجَالْ كَتِيرِينْ مِثِلْ رَمْلَةْ هَنَا خَشُمْ الْبَحَرْ. وَ جَوْا وَ دَلَّوْا فِي حِلَّةْ مِكْمَاشْ صَبَاحْ لِحِلَّةْ بَيْت آوَنْ.

قُضياء 3:3

دَاهُو الْأُمَمْ الْاللّٰهْ خَلَّاهُمْ فِي الْبَلَدْ. هُمَّنْ خَمْسَةْ كُبَارَاتْ هَنَا الْفِلِسْطِيِّينْ وَ كُلَّ الْكَنْعَانِيِّينْ وَ الصَّيْدُونِيِّينْ وَ الْحِوِّيِّينْ السَّاكْنِينْ فِي جِبَالْ لُبْنَانْ مِنْ جَبَلْ بَعَلْ حَرْمُونْ لَحَدِّي لَبُو حَمَاتْ.

إرْمِيا 34:7

وَ فِي الْوَكِتْ دَاكْ، عَسْكَرْ مَلِكْ بَابِلْ قَاعِدِينْ يِحَارُبُوا ضِدّ مَدِينَةْ الْقُدُسْ وَ ضِدّ لَكِيشْ وَ عَزِيقَةْ أَشَانْ دَوْل بَسْ الْمُدُنْ الْقَوِيِّينْ الْفَضَّلَوْا مِنْ حِلَّالْ بَلَدْ يَهُوذَا.

2 أخبار 11:7

وَ بَيْت صُورْ وَ سُوكُو وَ عَدُلَّامْ

1 صَمُوِيل 14:52

فِي وَكِتْ شَاوُولْ، الْحَرِبْ ضِدّ الْفِلِسْطِيِّينْ بِقِي شَدِيدْ بِلْحَيْن. وَ شَاوُولْ قَاعِدْ يِجَنِّدْ كُلَّ الرُّجَالْ الْفَحَلِينْ وَ الْقَادْرِينْ.

1 صَمُوِيل 14:46

وَ بَعَدْ شَاوُولْ خَلَّى مُطَارَدَتْهُمْ، الْفِلِسْطِيِّينْ قَبَّلَوْا فِي بَلَدْهُمْ.

1 صَمُوِيل 7:7

وَكِتْ الْفِلِسْطِيِّينْ سِمْعَوْا كَدَرْ بَنِي إِسْرَائِيلْ لَمَّوْا فِي مِصْفَةْ، كُلَّ عَسْكَرْ كُبَارَاتْ الْفِلِسْطِيِّينْ قَمَّوْا لِيِحَارُبُوهُمْ. وَ بَنِي إِسْرَائِيلْ سِمْعَوْا الْخَبَرْ دَا وَ خَافَوْا خَوْف شَدِيدْ مِنْ الْفِلِسْطِيِّينْ.