1 صَمُوِيل 16:6 - الكتاب المقدس بالعربي الدارجي هنا تشاد

⁶ وَ وَكِتْ يَسَّى وَ عِيَالَهْ جَوْا، صَمُوِيلْ شَافْ أَلِيَابْ وَ قَالْ فِي نَفْسَهْ: «أَكِيدْ! هُو دَا بَسْ الْاللّٰهْ دَرَّجَهْ. وَ دَاهُو قَاعِدْ قِدَّامَهْ!»

1 صَمُوِيل 16:6 Referenca të Kryqëzuara

1 صَمُوِيل 17:13

أَوْلَادْ يَسَّى التَّلَاتَةْ الْكُبَارْ، الْبِكِرْ أُسْمَهْ أَلِيَابْ وَ التَّانِي أُسْمَهْ أَبِنَدَابْ وَ التَّالِتْ أُسْمَهْ شَمَّا، وَ كُلُّهُمْ تَابَعَوْا شَاوُولْ فِي بَكَانْ الْحَرِبْ.

1 أخبار 2:13

وَ يَسَّى وِلِدْ أَلِيَابْ الْبِكِرْ وَ أَبِنَدَابْ التَّانِي وَ شِمْعَى التَّالِتْ

1 صَمُوِيل 17:22

وَ دَاوُدْ خَلَّى خُمَامَهْ لِلْحَرَسْ هَنَا الْخُمَامْ وَ جَرَى بَكَانْ الْحَرِبْ وَ سَلَّمْ أَخْوَانَهْ.

قُضياء 8:18

وَ بَعَدْ دَا، قِدْعُونْ قَالْ لِزَبَحْ وَ صَلْمُونَعْ: «النَّاسْ الْكَتَلْتُوهُمْ فِي تَابُورْ يِشَابُهُوا يَاتُو؟» وَ هُمَّنْ رَدَّوْا لَيَّهْ وَ قَالَوْا: «النَّاسْ دَوْل مِثْلَكْ. وَ أَيِّ وَاحِدْ مِنْهُمْ مِثِلْ وِلَيْد مَلِكْ.»

1 أخبار 27:18

وَ مِنْ قَبِيلَةْ يَهُوذَا، كَبِيرْهُمْ أَلِيهُو مِنْ أَخْوَانْ دَاوُدْ وَ مِنْ قَبِيلَةْ يَسَّاكَرْ، كَبِيرْهُمْ عُمْرِي وِلَيْد مِكَايِيلْ

1 مُلوك 12:26

وَ يَرُبَعَامْ قَالْ فِي نَفْسَهْ: «فِي الْحَالَةْ دِي، مُمْكِنْ الْمُلُكْ دَا يِقَبِّلْ لِذُرِّيَّةْ دَاوُدْ.

1 أخبار 28:4

وَ لَاكِنْ اللّٰهْ إِلٰـهْ بَنِي إِسْرَائِيلْ عَزَلَانِي مِنْ كُلَّ عَايِلَةْ أَبُويِ أَشَانْ نَحْكِمْ فِي إِسْرَائِيلْ. أَشَانْ هُو عَزَلْ قَبِيلَةْ يَهُوذَا تَحْكِمْ وَ مِنْ قَبِيلَةْ يَهُوذَا هُو عَزَلْ عَايِلَةْ أَبُويِ وَ مِنْ كُلَّ أَخْوَانِي عِيَالْ أَبُويِ هُو عَزَلْنِي أَنَا لِنَبْقَى مَلِكْ فِي كُلَّ بَنِي إِسْرَائِيلْ.

2 أخبار 11:18

وَ رَحَبْعَامْ أَخَدْ مَحْلَةْ بِنَيَّةْ يَرِمُوتْ وِلَيْد دَاوُدْ. وَ أَمَّهَا أَبِحَايِلْ بِنَيَّةْ أَلِيَابْ وِلَيْد يَسَّى.

زَبُور 84:9

يَا رَبّ! شِيفْ مَلِكْنَا الْهُو دَرَقَتْنَا. أَيْوَى، شِيفْ وِجِهْ النَّادُمْ الْإِنْتَ مَسَحْتَهْ وَ دَرَّجْتَهْ.

1 مُلوك 4:11

وَ وِلَيْد أَبِنَدَابْ حَاكِمْ فِي كُلَّ مَنْطَقَةْ جِبَالْ دُورْ. وَ هُو بَسْ رَاجِلْهَا لِطَافَتْ بِنَيَّةْ سُلَيْمَانْ.