1 صَمُوِيل 16:4 - الكتاب المقدس بالعربي الدارجي هنا تشاد

⁴ وَ صَمُوِيلْ سَوَّى كُلَّ شَيّءْ الْقَالَهْ لَيَّهْ اللّٰهْ. وَ وَكِتْ وَصَّلْ فِي حِلَّةْ بَيْت لَحَمْ، كُلَّ كُبَارَاتْ الْحِلَّةْ بَرْجَلَوْا وَ مَرَقَوْا لِيِقَابُلُوهْ وَ قَالَوْا: «جَيْتَكْ دِي عَافَيْ بَسْ؟»

1 صَمُوِيل 16:4 Referenca të Kryqëzuara

1 مُلوك 2:13

وَ أَدُنِيَّا وِلَيْدهَا لِحَقِّيتْ جَاءْ لِبَتْشَابَعْ أَمّ سُلَيْمَانْ. وَ هِي قَالَتْ لَيَّهْ: «جَيْتَكْ دِي عَافَيْ بَسْ؟» وَ هُو قَالْ لَيْهَا: «عَافَيْ.»

لُوقا 5:8

وَ وَكِتْ سِمْعَانْ بُطْرُسْ شَافْ الشَّيّءْ الْبِقِي دَا، هُو سَجَدْ قِدَّامْ رِجِلَيْن عِيسَى وَ قَالْ: «يَا رَبّ، كِسّ مِنِّي بَعِيدْ! أَشَانْ أَنَا نَادُمْ مُذْنِبْ.»

2 مُلوك 9:22

وَ مِنْ يُورَامْ شَافْ يَاهُو، قَالْ لَيَّهْ: «جَيْتَكْ دِي عَافَيْ بَسْ، يَا يَاهُو؟» وَ يَاهُو رَدَّ لَيَّهْ وَ قَالْ: «عَافَيْ هِنْت شُنُو؟ أَشَانْ أَمَّكْ إِزَبِيلْ قَاعِدَةْ تِشَّرْمَطْ مَعَ الْأَصْنَامْ وَ تِسَوِّي سِحِرْ كَتِيرْ كُلَ.»

1 صَمُوِيل 21:1

وَ دَاوُدْ مَشَى فِي حِلَّةْ نُوبْ الْبَكَانْ الْقَاعِدْ فَوْقَهْ أَخِيمَلِكْ رَاجِلْ الدِّينْ. وَ وَكِتْ أَخِيمَلِكْ شَافْ دَاوُدْ، قَاعِدْ يَرْجِفْ. وَ قَمَّ لَاقَاهْ وَ قَالْ: «مَالَا نَادُمْ مَعَاكْ مَا فِيهْ؟»

1 مُلوك 17:18

وَ هِي قَالَتْ لِإِلِيَاسْ: «شُنُو الْبَيْنِي وَ بَيْنَكْ، يَا نَبِي اللّٰهْ؟ إِنْتَ جِيتْ أَشَانْ تِذَكِّرْنِي بِخَطَايِ وَ تَكْتُلْ وِلَيْدِي وَلَّا؟»

لُوقا 8:37

وَ كُلَّ النَّاسْ هَنَا بَلَدْ الْقَرَاسِيِّينْ شَحَدَوْا عِيسَى لِيِبَعِّدْ مِنْهُمْ أَشَانْ هُمَّنْ خَايْفِينْ خَوْف شَدِيدْ. وَ خَلَاصْ، هُو رِكِبْ فِي الْمَرْكَبَةْ لِيِقَبِّلْ دَارْ الْجَلِيلْ.

لُوقا 2:4

وَ يُوسُفْ ذَاتَهْ قَمَّ مِنْ حِلَّةْ النَّاصِرَةْ الْقَاعِدَةْ فِي دَارْ الْجَلِيلْ وَ مَشَى فِي دَارْ الْيَهُودِيَّةْ فِي حِلَّةْ بَيْت لَحَمْ. وَ دِي مَدِينَةْ دَاوُدْ. وَ يُوسُفْ هُو مِنْ ذُرِّيَّةْ الْمَلِكْ دَاوُدْ وَ مِنْ عَايِلْتَهْ وَ أَشَانْ دَا بَسْ وَاجِبْ يَمْشِي فِي الْحِلَّةْ دِي أَشَانْ يِسَجُّلُوا أُسْمَهْ.

هُوشَع 11:10

«نَاسْ الْفِي الْغُرْبَةْ يُقُمُّوا يِتَابُعُونِي وَكِتْ أَنَا اللّٰهْ نِكِرّ مِثِلْ الدُّودْ. أَيْوَى، أَنَا نَهْرِجْ وَ عِيَالِي يَرْجُفُوا وَ يَجُوا مِنْ غَادِي لِلْبَحَرْ.

هُوشَع 6:5

أَشَانْ دَا، أَنَا ضَرَبْتُكُو بِالْأَنْبِيَاء وَ كَتَلْتُكُو بِكَلَامِي وَ نُورْ شَرِيعْتِي نَوَّرْكُو مِثِلْ نُورْ الصَّبَاحْ.

2 صَمُوِيل 6:9

وَ فِي الْيَوْم دَا، دَاوُدْ خَافْ خَوْف شَدِيدْ مِنْ اللّٰهْ وَ قَالْ: «كَنْ كَيْ دَا، كِكَّيْف نَقْدَرْ نِجِيبْ صَنْدُوقْ اللّٰهْ فِي بَيْتِي؟»

تكوين 48:7

«وَ وَكِتْ أَنَا مُقَبِّلْ مِنْ فَدَّانْ أَرَامْ، أَمَّكْ رَاحِيلْ مَاتَتْ فِي إِيدَيْنِي فِي دَرِبْ بَلَدْ كَنْعَانْ قَرِيبْ لِحِلَّةْ أَفْرَاتَةْ. وَ فِي الْبَكَانْ دَا، أَنَا دَفَنْتَهَا فِي دَرِبْ حِلَّةْ أَفْرَاتَةْ الْبِنَادُوهَا الْيَوْم بَيْت لَحَمْ.»

تكوين 35:19

وَ رَاحِيلْ مَاتَتْ وَ دَفَنَوْهَا فِي دَرِبْ حِلَّةْ أَفْرَاتَةْ الْمَعْرُوفَةْ الْيَوْم بِبَيْت لَحَمْ.