1 صَمُوِيل 16:12 - الكتاب المقدس بالعربي الدارجي هنا تشاد

¹² وَ يَسَّى رَسَّلْ لَيَّهْ وَ جَابَهْ. وَ هُو جَمِيلْ وَ لَوْنَهْ سَمَحْ وَ عُيُونَهْ كُلَ سَمْحِينْ. وَ اللّٰهْ قَالْ: «دَا بَسْ هُو. قُمّ أَمْسَحَهْ وَ دَرِّجَهْ!»

1 صَمُوِيل 16:12 Referenca të Kryqëzuara

مَراثِي إرْمِيا 4:7

أَوَّلْ كُبَارَاتْ أُمَّتِي صَافِيِّينْ زِيَادَةْ مِنْ الْبَرَدْ وَ أَجْسَامْهُمْ بُيُضْ كَرّ مِنْ اللَّبَنْ وَ سَمْحِينْ مِثِلْ الْمَرَجَانْ وَ عُرُوقْ جِسِمْهُمْ خُضُرْ مِثِلْ الْيَاقُوتْ.

نشيد 5:10

حَبِيبِي جَمِيلْ وَ نَشِيطْ وَ بَيِّنْ فِي أُسْط الْآلَافْ.

أعمال الرُسُل 7:20

وَ فِي الْوَكِتْ دَا بَسْ، وِلْدَوْا مُوسَى وَ هُو وِلَيْد جَمِيلْ مَرَّةْ وَاحِدْ قِدَّامْ اللّٰهْ. وَ أَمَّهْ وَ أَبُوهْ رَبَّوْه فِي بَيْتهُمْ تَلَاتَةْ شَهَرْ.

أعمال الرُسُل 4:27

«وَ خَلَاصْ، الْكَلَامْ دَا أَلْحَقَّقْ هِنِي فِي الْمَدِينَةْ دِي. هِرُودُسْ وَ بِلَاطُسْ الْبُنْطِي وَ كُبَارَاتْ الْأُمَمْ وَ بَنِي إِسْرَائِيلْ أَشَّاوَرَوْا ضِدّ عَبْدَكْ الْقُدُّوسْ، عِيسَى الْإِنْتَ عَزَلْتَهْ وَ دَرَّجْتَهْ أَشَانْ يَبْقَى الْمَسِيحْ.

1 صَمُوِيل 17:42

وَ الْفِلِسْطِي شَافَهْ لِدَاوُدْ وَ حَقَرَهْ أَشَانْ هُو صَغَيَّرْ وَ جَمِيلْ وَ عِنْدَهْ لَوْن سَمَحْ.

1 صَمُوِيل 9:17

وَ وَكِتْ صَمُوِيلْ شَافْ شَاوُولْ، طَوَّالِي اللّٰهْ حَجَّى لَيَّهْ وَ قَالْ: «دَا الرَّاجِلْ الْكَلَّمْتَكْ بَيَّهْ وَ هُو بَسْ الْيَكْرُبْ شَعَبِي!»

تكوين 39:6

أَشَانْ دَا بَسْ، فُوطِفَارْ أَنْطَى كُلَّ شَيّءْ الْعِنْدَهْ فِي إِيدَيْن يُوسُفْ. وَ فُوطِفَارْ مَا يِسَوِّي شَيّءْ فِي بَيْتَهْ، إِلَّا يَجِي يَاكُلْ بَسْ. وَ يُوسُفْ صَبِي جَمِيلْ وَ طُولَهْ كُلَ سَمَحْ.

عِبْرَانِيِّين 11:23

وَ بِالْإِيمَانْ، وَالْدَيْن مُوسَى بَعَدْ وِلْدَوْه، لَبَّدَوْه مُدَّةْ تَلَاتَةْ شَهَرْ. شَافَوْا كَدَرْ وِلَيْدهُمْ جَمِيلْ مَرَّةْ وَاحِدْ وَ هُمَّنْ مَا خَايْفِينْ مِنْ الْمَلِكْ فِرْعَوْن وَ مَا تَابَعَوْا أَمْرَهْ.

زَبُور 2:6

وَ يُقُولْ: «أَنَا اللّٰهْ دَرَّجْت الْمَلِكْ النِّدَوْرَهْ فِي جَبَلِي صَهْيُون الْمُقَدَّسْ.»

زَبُور 2:2

مَالَا مُلُوكْ الْأَرْض يِجَهُّزُوا لِلْحَرِبْ؟ وَ مَالَا السَّلَاطِينْ يِشَّاوَرَوْا ضِدّ اللّٰهْ وَ ضِدّ الْهُو مَسَحَهْ وَ دَرَّجَهْ مَلِكْ؟

خُروج 2:2

وَ بَعَدَيْن، هِي بِقَتْ غَلْبَانَةْ وَ وِلْدَتْ لَيَّهْ وِلَيْد. وَ شَافَتْ الصَّغِيرْ دَا جَمِيلْ وَ لَبَّدَتَهْ مُدَّةْ تَلَاتَةْ شَهَرْ.

1 صَمُوِيل 17:55

وَ وَكِتْ دَاوُدْ مَشَى لِيِلَاقِي الْفِلِسْطِي، شَاوُولْ شَافَهْ وَ سَأَلْ أَبْنِيرْ قَايِدْ الدَّيْش وَ قَالْ: «يَا أَبْنِيرْ، الْوِلَيْد دَا هَنَا يَاتُو؟» وَ أَبْنِيرْ قَالْ: «اللّٰهْ يَنْصُرَكْ، يَا الْمَلِكْ! أَنَا مَا نَعَرْفَهْ.»

2 صَمُوِيل 7:8

«وَ هَسَّعْ دَا، أَمْشِي قُولْ لِعَبْدِي دَاوُدْ: ‹دَاهُو اللّٰهْ الْقَادِرْ قَالْ: ”أَنَا جِبْتَكْ مِنْ سَرْحَةْ الْغَنَمْ أَشَانْ تَبْقَى كَبِيرْ هَنَا شَعَبِي بَنِي إِسْرَائِيلْ.

2 صَمُوِيل 23:1

دَاهُو آخِرْ كَلَامْ دَاوُدْ. دَا كَلَامْ دَاوُدْ وِلَيْد يَسَّى، كَلَامْ الرَّاجِلْ الْعَظِيمْ. هُو الْاللّٰهْ إِلٰـهْ يَعْقُوبْ مَسَحَهْ وَ دَرَّجَهْ مَلِكْ وَ هُو شَاعِرْ الْكُلَّ بَنِي إِسْرَائِيلْ يِحِبُّوهْ وَ يِكَرُّمُوهْ.

1 مُلوك 1:34

وَ فِي الْبَكَانْ دَاكْ، صَدُوقْ رَاجِلْ الدِّينْ وَ النَّبِي نَاتَانْ يَمْسَحَوْه وَ يِدَرُّجُوهْ مَلِكْ فِي إِسْرَائِيلْ. وَ خَلَاصْ، تَضُرْبُوا الْبُوقْ وَ تُقُولُوا: ‹يِعِيشْ الْمَلِكْ سُلَيْمَانْ.›

زَبُور 78:70

هُو عَزَلْ عَبْدَهْ دَاوُدْ مَلِكْ وَ شَالَهْ مِنْ زَرِيبَةْ الْغَنَمْ.

زَكَرِيَّا 4:14

وَ خَلَاصْ، هُو قَالْ لَيِّ: «دَوْل يِمَثُّلُوا الرُّجَالْ الْإِتْنَيْن الْمَسَحَوْهُمْ بِالدِّهِنْ وَ خَصَّصَوْهُمْ لِيَقِيفُوا قِدَّامْ اللّٰهْ سِيدْ كُلَّ الْأَرْض.»

1 صَمُوِيل 16:18

وَ وَاحِدْ مِنْ الْخَدَّامِينْ قَالْ لَيَّهْ: «دَاهُو أَنَا نَعَرِفْ وَاحِدْ مِنْ عِيَالْ يَسَّى الْمِنْ حِلَّةْ بَيْت لَحَمْ. هُو يَعَرِفْ ضَرِبِينْ الْجِقِنْدِيَّةْ وَ هُو رَاجِلْ فَارِسْ وَ مُحَارِبْ وَ يَعَرِفْ يِكَلِّمْ وَ هُو جَمِيلْ. وَ اللّٰهْ مَعَايَهْ.»