1 صَمُوِيل 16:1 - الكتاب المقدس بالعربي الدارجي هنا تشاد

¹ وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

1 صَمُوِيل 16:1 Referenca të Kryqëzuara

2 مُلوك 9:1

وَ النَّبِي أَلْيَسَعْ نَادَى صَبِي وَاحِدْ مِنْ مَجْمُوعَةْ الْأَنْبِيَاء وَ قَالْ لَيَّهْ: «أَرْبُطْ صُلْبَكْ وَ شِيلْ الْقَزَّازَةْ هِنْت الدِّهِنْ دِي فِي إِيدَكْ وَ أَمْشِي حِلَّةْ رَامُوتْ الْفِي قِلْعَادْ.

1 صَمُوِيل 15:23

الْعِصْيَانْ، هُو خَطَا مِثِلْ الْحِجَيْ بِعِلِمْ الْغَيْب. وَ قُوءْ الرَّاسْ، هُو شَرّ مِثِلْ عِبَادَةْ الْأَصْنَامْ! وَ بِسَبَبْ إِنْتَ أَبَيْت كَلَامْ اللّٰهْ، هُو كُلَ أَبَاكْ وَ مَرَقَاكْ مِنْ الْمُلُكْ!»

1 صَمُوِيل 15:35

وَ صَمُوِيلْ حِزِنْ بِلْحَيْن مِنْ شَاوُولْ وَ مَا مَشَى شَافَهْ لَحَدِّي مَاتْ. وَ اللّٰهْ نِدِمْ أَشَانْ دَرَّجْ شَاوُولْ مَلِكْ فِي بَنِي إِسْرَائِيلْ.

رَوْمَا 15:12

وَ النَّبِي إِشَعْيَا قَالْ: <مِنْ ذُرِّيَّةْ يَسَّى يَجِي نَادُمْ وَ يَبْقَى مَلِكْ فِي كُلَّ الْأُمَمْ. وَ الشُّعُوبْ الْآخَرِينْ يُخُطُّوا عَشَمْهُمْ فَوْقَهْ.>

1 صَمُوِيل 16:15

وَ خَدَّامِينْ شَاوُولْ قَالَوْا لَيَّهْ: «دَاهُو فِي رُوحْ فَسْلَةْ هَنَا الْإِلٰـهَاتْ قَاعِدَةْ تِعَذِّبَكْ.

1 صَمُوِيل 10:1

وَ صَمُوِيلْ شَالْ دِهِنْ وَ صَبَّاهْ فِي رَاسْ شَاوُولْ. وَ حَضَنَهْ وَ قَالْ: «بَيْدَا، اللّٰهْ دَرَّجَكْ لِتَبْقَى كَبِيرْ لِشَعَبَهْ بَنِي إِسْرَائِيلْ الْمِثِلْ وَرَثَتَهْ.

1 صَمُوِيل 15:26

وَ صَمُوِيلْ قَالْ لِشَاوُولْ: «لَا، أَنَا مَا نِقَبِّلْ مَعَاكْ أَشَانْ إِنْتَ أَبَيْت كَلَامْ اللّٰهْ وَ اللّٰهْ كُلَ أَبَاكْ. وَ بَتَّانْ مَا تَبْقَى مَلِكْ فِي بَنِي إِسْرَائِيلْ.»

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

1 صَمُوِيل 15:11

«أَوَّلْ أَنَا دَرَّجْت شَاوُولْ مَلِكْ. وَ لَاكِنْ هَسَّعْ، أَنَا نِدِمْت أَشَانْ هُو أَبَانِي وَ مَا تَابَعْ كَلَامِي.» وَ الْكَلَامْ دَا بِقِي لِصَمُوِيلْ قَاسِي بِلْحَيْن وَ طُولْ اللَّيْل هُو قَاعِدْ يَسْأَلْ اللّٰهْ.

إرْمِيا 6:30

وَ يِنَادُوهُمْ الْفُضَّةْ الرَّفَضَوْهَا أَشَانْ اللّٰهْ رَفَضَاهُمْ.

2 مُلوك 9:6

وَ يَاهُو قَمَّ وَ دَخَلْ فِي لُبّ الْبَيْت. وَ النَّبِي الصَّبِي صَبَّ الدِّهِنْ فِي رَاسَهْ وَ قَالْ لَيَّهْ: «دَاهُو اللّٰهْ إِلٰـهْ بَنِي إِسْرَائِيلْ قَالْ: ‹بَيْدَا، أَنَا دَرَّجْتَكْ مَلِكْ فِي شَعَبْ اللّٰهْ، فِي مَمْلَكَةْ إِسْرَائِيلْ.

1 صَمُوِيل 16:23

وَ وَكِتْ رُوحْ الْإِلٰـهَاتْ تَجِي فِي شَاوُولْ، دَاوُدْ يِشِيلْ الْجِقِنْدِيَّةْ وَ يَضْرُبْهَا. وَ فِي الْبَكَانْ دَا خَلَاصْ، شَاوُولْ حَالَهْ تَبْقَى لَيَّهْ أَخَيْر وَ يِرْتَاحْ وَ الرُّوحْ الْفَسْلَةْ كُلَ تِكِسّ مِنَّهْ.

إرْمِيا 7:16

«وَ إِنْتَ، يَا إِرْمِيَا، مَا تَسْأَلْنِي فِي شَانْ الشَّعَبْ دَا وَ مَا تَرْفَعْ الدُّعَا وَ تَشْحَدْنِي فِي شَانْهُمْ. مَا تِضَّرَّعْ لَيِّ! أَنَا مَا نَسْمَعَكْ.

إشَعْيا 55:4

وَ دَاهُو أَنَا ثَبَّتَّهْ مِثِلْ شَاهِدْ فِي الْأُمَمْ وَ قَايِدْ الْيُقُودْ الشَّعَبْ.

إشَعْيا 11:10

وَ فِي الْيَوْم دَا، عِرِقْ يَسَّى يَبْقَى مِثِلْ رَايَةْ لِلشُّعُوبْ. وَ الْأُمَمْ يِفَتُّشُوهْ وَ بَكَانَهْ الْيِنْجَمَّ فَوْقَهْ عَظِيمْ.

2 مُلوك 9:3

وَ شِيلْ الدِّهِنْ دَا وَ صُبَّهْ لَيَّهْ فِي رَاسَهْ وَ قُولْ لَيَّهْ: ‹دَاهُو اللّٰهْ قَالْ: ”بَيْدَا، أَنَا دَرَّجْتَكْ مَلِكْ فِي مَمْلَكَةْ إِسْرَائِيلْ!“› وَ بَعَدْ دَا، خَلَاصْ أَفْتَحْ الْبَابْ وَ عَرِّدْ مَا تِأَخِّرْ.»

1 يُوحَنَّا 5:16

كَنْ نَادُمْ مِنْكُو يِشِيفْ أَخُو وَاحِدْ يَذْنِبْ وَ الذَّنِبْ دَا مَا الذَّنِبْ الْيِوَدِّي النَّاسْ لِلْمَوْت، خَلِّي يَسْأَلْ اللّٰهْ وَ هُو يَنْطِي الْحَيَاةْ لِلنَّادُمْ دَا. هُو يَنْطِي الْحَيَاةْ لِلنَّاسْ الذُّنُوبْهُمْ مَا يِوَدُّوهُمْ لِلْمَوْت. ذَنِبْ آخَرْ قَاعِدْ الْيِوَدِّي النَّاسْ لِلْمَوْت وَ مَا قُلْت لَيْكُو تَسْأَلَوْا اللّٰهْ لِلنَّاسْ الْقَاعِدِينْ يِسَوُّوهْ.

إرْمِيا 15:1

وَ اللّٰهْ قَالْ لَيِّ: «كَنْ الْيَوْم مُوسَى وَ صَمُوِيلْ يَجُوا يَشْحَدَوْنِي كُلَ، الشَّعَبْ دَوْل أَنَا مَا نَرْحَمْهُمْ. يَلَّا أَطْرُدْهُمْ مِنْ قِدَّامِي وَ خَلِّي يَمْشُوا!

إرْمِيا 11:14

وَ إِنْتَ، يَا إِرْمِيَا، مَا تِصَلِّي فِي شَانْ الشَّعَبْ دَا وَ لَا تَشْكِي وَ لَا تَشْحَدْ لَيْهُمْ. أَشَانْ أَنَا مَا نَسْمَعْ وَكِتْ يِنَادُونِي فِي يَوْم الْفَسَالَةْ.»

إشَعْيا 11:1

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

عِبْرَانِيِّين 11:32

وَ نُقُولْ شُنُو بَتَّانْ؟ الْوَكِتْ مَا يِتِمّ لَيِّ نِحَجِّي بِقِدْعُونْ وَ بَارَاقْ وَ شَمْشُونْ وَ يِفْتَاحْ وَ دَاوُدْ وَ صَمُوِيلْ وَ الْأَنْبِيَاء.

1 مُلوك 8:16

‹مِنْ يَوْم الْأَنَا مَرَقْت شَعَبِي بَنِي إِسْرَائِيلْ مِنْ بَلَدْ مَصِرْ، أَنَا مَا عَزَلْت حِلَّةْ وَاحِدَةْ مِنْ كُلَّ حِلَّالْ قَبَايِلْ بَنِي إِسْرَائِيلْ لِيَبْنُوا بَيْت النُّخُطّ فَوْقَهْ أُسْمِي. وَ لَاكِنْ أَنَا عَزَلْت دَاوُدْ لِيَحْكِمْ فِي شَعَبِي بَنِي إِسْرَائِيلْ.›»

1 أخبار 11:3

وَ فِي شَانْ دَا، كُلَّ شُيُوخْ بَنِي إِسْرَائِيلْ جَوْا لِدَاوُدْ فِي حِبْرُونْ وَ هُو سَوَّى مَعَاهُمْ مُعَاهَدَةْ قِدَّامْ اللّٰهْ. وَ هُمَّنْ مَسَحَوْه وَ دَرَّجَوْه مَلِكْ فِي بَنِي إِسْرَائِيلْ حَسَبْ كَلَامْ اللّٰهْ الْقَالَهْ زَمَانْ بِوَاسِطَةْ صَمُوِيلْ.

1 أخبار 28:4

وَ لَاكِنْ اللّٰهْ إِلٰـهْ بَنِي إِسْرَائِيلْ عَزَلَانِي مِنْ كُلَّ عَايِلَةْ أَبُويِ أَشَانْ نَحْكِمْ فِي إِسْرَائِيلْ. أَشَانْ هُو عَزَلْ قَبِيلَةْ يَهُوذَا تَحْكِمْ وَ مِنْ قَبِيلَةْ يَهُوذَا هُو عَزَلْ عَايِلَةْ أَبُويِ وَ مِنْ كُلَّ أَخْوَانِي عِيَالْ أَبُويِ هُو عَزَلْنِي أَنَا لِنَبْقَى مَلِكْ فِي كُلَّ بَنِي إِسْرَائِيلْ.

زَكَرِيَّا 4:14

وَ خَلَاصْ، هُو قَالْ لَيِّ: «دَوْل يِمَثُّلُوا الرُّجَالْ الْإِتْنَيْن الْمَسَحَوْهُمْ بِالدِّهِنْ وَ خَصَّصَوْهُمْ لِيَقِيفُوا قِدَّامْ اللّٰهْ سِيدْ كُلَّ الْأَرْض.»

1 صَمُوِيل 17:12

وَ دَاوُدْ دَا، هُو وِلَيْد رَاجِلْ وَاحِدْ مِنْ خَشُمْ بَيْت أَفْرَاتَةْ الْأُسْمَهْ يَسَّى وَ هُو مِنْ حِلَّةْ بَيْت لَحَمْ فِي تُرَابْ يَهُوذَا. وَ يَسَّى دَا عِنْدَهْ تَمَانَةْ أَوْلَادْ. وَ فِي وَكِتْ حُكُمْ شَاوُولْ، هُو شَيَّبْ وَ بِقِي كَبِيرْ زِيَادَةْ.