1 صَمُوِيل 13:9 - الكتاب المقدس بالعربي الدارجي هنا تشاد

⁹ وَ خَلَاصْ، شَاوُولْ قَالْ: «جِيبُوا لَيِّ بَهَايِمْ لِلضَّحِيَّةْ الْمُحَرَّقَةْ وَ ضَحَايَا السَّلَامَةْ.» وَ هُو قَدَّمْ الضَّحِيَّةْ الْمُحَرَّقَةْ.

1 صَمُوِيل 13:9 Referenca të Kryqëzuara

1 مُلوك 3:4

وَ يَوْم وَاحِدْ، الْمَلِكْ مَشَى حِلَّةْ قِبْعُونْ لِيِقَدِّمْ ضَحَايَا فِي بَكَانْ الْعِبَادَةْ هِنَاكْ. وَ دَا بَكَانْ الْعِبَادَةْ الْمُهِمّ زِيَادَةْ. وَ سُلَيْمَانْ قَدَّمْ 1 000 ضَحَايَا مُحَرَّقِينْ فِي الْمَدْبَحْ دَا.

تَثْنِية 12:6

وَ فِي الْبَكَانْ دَا بَسْ، إِنْتُو تِقَدُّمُوا ضَحَايَاكُو الْمُحَرَّقِينْ وَ ضَحَايَاكُو الْآخَرِينْ وَ عُشُورْكُو وَ زَكَاتْكُو. وَ تِقَدُّمُوا نَذِرْكُو وَ الْهَدِيَّةْ التَّنْطُوهَا بِنِيِّتْكُو وَ أَوْلَادْ الْبِكِرْ هَنَا بَقَرْكُو وَ غَنَمْكُو.

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

أمْثال 21:27

ضَحِيَّةْ الْعَاصِي اللّٰهْ حَرَّمْهَا. وَ كَنْ يِقَدِّمْهَا بِنِيَّةْ فَسْلَةْ، مَا تَبْقَى حَرَامَةْ زِيَادَةْ وَلَّا؟

أمْثال 21:3

طَبِّقِينْ الْحَقّ وَ الْعَدَالَةْ أَخَيْر لِلّٰهْ مِنْ قَدِّمِينْ الضَّحَايَا.

أمْثال 20:22

مَا تِلْكَفَّى الْفَسَالَةْ السَّوَّوْهَا لَيْك، أَتْوَكَّلْ عَلَيْ اللّٰهْ وَ هُو يِنَجِّيكْ.

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

زَبُور 37:7

أَقْعُدْ سَاكِتْ قِدَّامْ اللّٰهْ وَ خُطّ عَشَمَكْ فَوْقَهْ. وَ مَا تَزْعَلْ ضِدّ الْيَنْجَحْ فِي طَرِيقَهْ وَ لَا ضِدّ النَّادُمْ الْيِسَوِّي مُؤآمَرَةْ.

2 صَمُوِيل 24:25

وَ فِي الْبَكَانْ دَا، دَاوُدْ بَنَى مَدْبَحْ لِلّٰهْ وَ قَدَّمْ فَوْقَهْ ضَحَايَا مُحَرَّقِينْ وَ ضَحَايَا سَلَامَةْ. وَ بَيْدَا، اللّٰهْ رَحَمْ الْبَلَدْ وَ الْوَبَاءْ وَقَفْ مِنْ بَنِي إِسْرَائِيلْ.

1 صَمُوِيل 14:18

وَ شَاوُولْ قَالْ لِأَخِيَّا: «جِيبْ صَنْدُوقْ اللّٰهْ!» أَشَانْ فِي الْوَكِتْ دَاكْ، صَنْدُوقْ الرَّبّ قَاعِدْ فِي بَكَانْ بَنِي إِسْرَائِيلْ.

تَثْنِية 12:5

وَ لَاكِنْ تَعَبُدُوا اللّٰهْ إِلٰـهْكُو فِي الْبَكَانْ الْهُو يَعَزِلَهْ مِنْ أُسُطْ كُلَّ قَبَايِلْكُو. وَ يُخُطّ أُسْمَهْ فَوْقَهْ وَ يَسْكُنْ فَوْقَهْ وَ فِي الْبَكَانْ دَا بَسْ، إِنْتُو تَجُوا.