1 صَمُوِيل 13:2 - الكتاب المقدس بالعربي الدارجي هنا تشاد

² وَ يَوْم وَاحِدْ، شَاوُولْ عَزَلْ 3 000 رَاجِلْ مِنْ بَنِي إِسْرَائِيلْ. وَ 2 000 خَطَّاهُمْ مَعَايَهْ فِي مِكْمَاشْ وَ فِي جَبَلْ بَيْت إِيلْ. وَ 1 000 كَمَانْ خَطَّاهُمْ مَعَ يُونَتَانْ وِلَيْدَهْ فِي حِلَّةْ قِبَيْعَةْ بَنْيَامِينْ. وَ الْفَضَّلَوْا مِنْ الرُّجَالْ، شَاوُولْ قَالْ خَلِّي أَيِّ وَاحِدْ يِقَبِّلْ بَيْتَهْ.

1 صَمُوِيل 13:2 Referenca të Kryqëzuara

1 صَمُوِيل 10:26

وَ شَاوُولْ كُلَ قَبَّلْ بَيْتَهْ فِي حِلَّةْ قِبَيْعَةْ وَ مَشَوْا مَعَايَهْ مُجْتَمَعْ مِنْ الرُّجَالْ الشُّدَادْ الْهَدَاهُمْ الرَّبّ.

1 صَمُوِيل 14:31

وَ فِي الْيَوْم دَا، بَنِي إِسْرَائِيلْ أَنَّصَرَوْا فِي الْفِلِسْطِيِّينْ وَ كَتَلَوْهُمْ مِنْ مِكْمَاشْ لَحَدِّي حِلَّةْ أَيَّلُونْ. وَ عَسْكَرْ بَنِي إِسْرَائِيلْ عِيَوْا مَرَّةْ وَاحِدْ.

1 صَمُوِيل 13:5

وَ الْفِلِسْطِيِّينْ كُلَ لَمَّوْا لِيِحَارُبُوا بَنِي إِسْرَائِيلْ وَ هُمَّنْ عِنْدُهُمْ 30 000 عَرَبَاتْ الْحَرِبْ وَ 6 000 سِيَادْ الْخَيْل وَ رُجَالْ كَتِيرِينْ مِثِلْ رَمْلَةْ هَنَا خَشُمْ الْبَحَرْ. وَ جَوْا وَ دَلَّوْا فِي حِلَّةْ مِكْمَاشْ صَبَاحْ لِحِلَّةْ بَيْت آوَنْ.

1 صَمُوِيل 13:23

وَ الْفِلِسْطِيِّينْ مَرَقَوْا مِنْ الْمُعَسْكَرْ وَ قَعَدَوْا فِي دَرِبْ مِكْمَاشْ.

2 صَمُوِيل 21:6

وَ بَيْدَا، خَلِّي يِسَلُّمُوا لَيْنَا سَبْعَةْ رُجَالْ مِنْ عِيَالَهْ وَ أَنِحْنَ نَشُنْقُوهُمْ قِدَّامْ اللّٰهْ فِي قِبَيْعَةْ حِلَّةْ شَاوُولْ هُو الْاللّٰهْ عَزَلَهْ.» وَ الْمَلِكْ قَالْ لَيْهُمْ: «نِسَلِّمْهُمْ لَيْكُو.»

1 صَمُوِيل 15:34

وَ صَمُوِيلْ قَبَّلْ فِي حِلَّةْ الرَّامَةْ وَ شَاوُولْ كَمَانْ قَبَّلْ بَيْتَهْ فِي قِبَيْعَةْ.

1 صَمُوِيل 14:52

فِي وَكِتْ شَاوُولْ، الْحَرِبْ ضِدّ الْفِلِسْطِيِّينْ بِقِي شَدِيدْ بِلْحَيْن. وَ شَاوُولْ قَاعِدْ يِجَنِّدْ كُلَّ الرُّجَالْ الْفَحَلِينْ وَ الْقَادْرِينْ.

1 صَمُوِيل 14:5

وَ الْحَجَرْ الْوَاحِدْ قَاعِدْ بِمُنْشَاقْ مُقَابِلْ مِكْمَاشْ وَ الْحَجَرْ الْآخَرْ كَمَانْ قَاعِدْ وَطِي مُقَابِلْ قَبَعْ.

1 صَمُوِيل 8:11

وَ قَالْ لَيْهُمْ: «دَاهُو حُقُوقْ الْمَلِكْ الْيَحْكِمْكُو. هُو يِشِيلْ أَوْلَادْكُو لِيُسُوقُوا لَيَّهْ عَرَبَاتَهْ هَنَا الْحَرِبْ وَ يَرْكَبَوْا فِي خَيْلَهْ وَ يَجْرُوا قِدَّامْ عَرَبَتَهْ.

قُضياء 19:12

وَ سِيدَهْ قَالْ لَيَّهْ: «مَا نِدَلُّوا فِي مَدِينَةْ أَجْنَبِيَّةْ السُّكَّانْهَا مَا مِنْ بَنِي إِسْرَائِيلْ. خَلِّي نَمْشُوا قِدَّامْ لَحَدِّي قِبَيْعَةْ.»

يَشُوع 18:28

وَ صِيلَعْ وَ أَلِفْ وَ مَدِينَةْ الْيَبُوسِيِّينْ يَعْنِي أُورُشَلِيمْ وَ قِبَيْعَةْ وَ قَرْيَةْ يَعَرِيمْ. وَ بِالْجُمْلَةْ 14 مُدُنْ وَ حِلَّالْهُمْ التَّابْعِينْ لَيْهُمْ. وَ دَا كُلَّ أَرْض وَرَثَةْ هِنْت قَبِيلَةْ بَنْيَامِينْ حَسَبْ خُشُومْ بُيُوتْهُمْ.

1 صَمُوِيل 10:5

وَ بَعَدْ دَا، تَمْشِي فِي حِلَّةْ قِبَيْعَةْ اللّٰهْ، الْبَكَانْ الْقَاعِدْ فَوْقَهْ مُعَسْكَرْ الْفِلِسْطِيِّينْ. وَ وَكِتْ تَدْخُلْ فِي الْحِلَّةْ دِي، تِلِمّ مَعَ مَجْمُوعَةْ مِنْ الْأَنْبِيَاء نَازْلِينْ مِنْ بَكَانْ الْعِبَادَةْ. وَ قِدَّامْهُمْ، فِيَّهْ نَاسْ الْيَضُرْبُوا جِقِنْدِيَّةْ وَ نُقَّارَةْ وَ صُفَّارَةْ وَ أَمْ سِبَيْبَةْ. وَ الْأَنْبِيَاء دَوْل يِتْنَبَّأَوْا.

1 صَمُوِيل 13:1

وَ شَاوُولْ عِنْدَهْ 30 سَنَةْ وَكِتْ بِقِي مَلِكْ فِي بَنِي إِسْرَائِيلْ وَ هُو حَكَمْ 42 سَنَةْ لَحَدِّي مَاتْ.

1 صَمُوِيل 13:11

وَ صَمُوِيلْ قَالْ لَيَّهْ: «شُنُو السَّوَّيْتَهْ دَا؟» وَ شَاوُولْ قَالْ: «وَكِتْ أَنَا شِفْت الرُّجَالْ قَاعِدِينْ يِشَتُّتُوا مِنِّي وَ إِنْتَ ذَاتَكْ مَا جِيتْ فِي الْوَعَدْ وَ الْفِلِسْطِيِّينْ لَمَّوْا فِي مِكْمَاشْ،

1 صَمُوِيل 13:15

وَ بَعَدْ دَا، صَمُوِيلْ قَمَّ مِنْ قِلْقَالْ وَ مَشَى لِقِبَيْعَةْ فِي أَرْض بَنْيَامِينْ. وَ شَاوُولْ حَسَبْ الرُّجَالْ الْمَعَايَهْ وَ عَدَدْهُمْ بِقِي حَوَالَيْ 600 رَاجِلْ.

1 صَمُوِيل 13:16

وَ شَاوُولْ وَ وِلَيْدَهْ يُونَتَانْ وَ الرُّجَالْ الْمَعَاهُمْ قَعَدَوْا فِي قَبَعْ أَرْض بَنْيَامِينْ. وَ الْفِلِسْطِيِّينْ كَمَانْ خَطَّوْا مُعَسْكَرْهُمْ فِي مِكْمَاشْ.

1 صَمُوِيل 26:2

وَ شَاوُولْ شَالْ 3 000 رَاجِلْ مِنْ أَحْسَنْ الْمُحَارِبِينْ هَنَا بَنِي إِسْرَائِيلْ وَ قَمَّ مَشَى لِكَدَادَةْ زِيفْ لِيِفَتِّشْ دَاوُدْ.

2 صَمُوِيل 20:1

وَ هِنَاكْ فِي قِلْقَالْ، فِيَّهْ رَاجِلْ وَاحِدْ مَا نَافِعْ أُسْمَهْ شَبَعْ وِلَيْد بِكْرِي مِنْ قَبِيلَةْ بَنْيَامِينْ. وَ هُو ضَرَبْ الْبُوقْ وَ قَالْ: «شُنُو الْيِلِمِّنَا مَعَ ذُرِّيَّةْ دَاوُدْ؟ أَنِحْنَ مَا عِنْدِنَا وَرَثَةْ مَعَ عِيَالْ يَسَّى. يَلَّا، يَا بَنِي إِسْرَائِيلْ، خَلِّي أَيِّ وَاحِدْ يِقَبِّلْ بَيْتَهْ!»

يَشُوع 22:6

وَ يَشُوعْ بَارَكَاهُمْ وَ قَالْ لَيْهُمْ يَمْشُوا لِخِيَمْهُمْ وَ هُمَّنْ مَشَوْا.

1 صَمُوِيل 24:3

وَ وَكِتْ وَصَّلَوْا فِي زَرَايِبْ الْغَنَمْ الْقَرِيبْ لِلدَّرِبْ، شَاوُولْ شَافْ كَرْكُورْ وَ دَخَلْ فَوْقَهْ وَ قَنْقَسْ لِيِسْتَرِيحْ. وَ دَاوُدْ وَ نَاسَهْ كَمَانْ قَاعِدِينْ فِي لُبّ الْكَرْكُورْ دَا.

2 صَمُوِيل 23:29

وَ غَالِبْ وِلَيْد بَعَنَى مِنْ حِلَّةْ نَطُوفَا وَ إِتَّايْ وِلَيْد رِيبَايْ مِنْ حِلَّةْ قِبَيْعَةْ فِي أَرْض قَبِيلَةْ بَنْيَامِينْ

عَزْرا 2:27

وَ رُجَالْ حِلَّةْ مِكْمَاشْ عَدَدْهُمْ 122 رَاجِلْ.

نَحَمْيا 11:31

وَ نَاسْ قَبِيلَةْ بَنْيَامِينْ كَمَانْ جَوْا سَكَنَوْا فِي حِلَّالْ قَبَعْ وَ مِكْمَاشْ وَ عَيَّةْ وَ بَيْت إِيلْ وَ الْحِلَّالْ التَّابْعِينْ لَيْهَا