1 صَمُوِيل 12:10 - الكتاب المقدس بالعربي الدارجي هنا تشاد

¹⁰ وَ جُدُودْكُو صَرَخَوْا لِلّٰهْ وَ قَالَوْا: ‹أَنِحْنَ أَذْنَبْنَا أَشَانْ أَبَيْنَا اللّٰهْ وَ عَبَدْنَا أَصْنَامْ بَعَلْ وَ عَشْتَرُوتْ. وَ لَاكِنْ هَسَّعْ دَا، نَجِّينَا مِنْ عُدْوَانَّا وَ أَنِحْنَ نَعَبُدُوكْ بَتَّانْ.›

1 صَمُوِيل 12:10 Referenca të Kryqëzuara

قُضياء 10:10

وَ خَلَاصْ، بَنِي إِسْرَائِيلْ صَرَخَوْا لِلّٰهْ وَ قَالَوْا: «صَحِيحْ، أَنِحْنَ أَذْنَبْنَا أَشَانْ أَبَيْنَاكْ إِنْتَ إِلٰـهْنَا وَ عَبَدْنَا أَصْنَامْ بَعَلْ.»

قُضياء 2:13

وَ هُمَّنْ أَبَوْا اللّٰهْ وَ عَبَدَوْا أَصْنَامْ بَعَلْ وَ عَشْتَرُوتْ.

قُضياء 3:9

وَ بَنِي إِسْرَائِيلْ كَوْرَكَوْا لِلّٰهْ وَ دَوَّرَوْا الْفَزَعْ وَ اللّٰهْ رَسَّلْ لَيْهُمْ مُنَجِّي. وَ هُو عُتْنِيِيلْ وِلَيْد قِنَازْ طَرِيدَهْ لِكَالِبْ.

قُضياء 3:7

وَ بَنِي إِسْرَائِيلْ سَوَّوْا الْفَسَالَةْ قِدَّامْ اللّٰهْ. هُمَّنْ نِسَوْا اللّٰهْ إِلٰـهُّمْ وَ عَبَدَوْا أَصْنَامْ بَعَلْ وَ أَشِيرَةْ.

إشَعْيا 33:22

أَشَانْ اللّٰهْ هُو قَاضِينَا وَ هُو الْحَاكِمْ فَوْقنَا. وَ هُو مَلِكْنَا وَ هُو الْيِنَجِّينَا.

إشَعْيا 26:16

يَا اللّٰهْ، فِي الضِّيقَةْ هُمَّنْ فَتَّشَوْك وَ أَلْخَالَوْا بِدُعَاهُمْ تِحِتْ تِحِتْ وَكِتْ إِنْتَ عَاقَبْتُهُمْ.

زَبُور 106:44

هُو سِمِعْ شَكْوِتْهُمْ وَ شَافْ ضِيقِتْهُمْ.

1 صَمُوِيل 7:2

وَ الصَّنْدُوقْ دَا قَعَدْ أَيَّامْ كَتِيرِينْ فِي قَرْيَةْ يَعَرِيمْ، مُدَّةْ 20 سَنَةْ. وَ بَنِي إِسْرَائِيلْ دَوَّرَوْا يِقَبُّلُوا بَتَّانْ لِلّٰهْ.

قُضياء 6:7

وَ وَكِتْ بَنِي إِسْرَائِيلْ كَوْرَكَوْا لِلّٰهْ وَ دَوَّرَوْا الْفَزَعْ مِنْ الْمِدْيَانِيِّينْ،

قُضياء 4:3

وَ بَنِي إِسْرَائِيلْ صَرَخَوْا لِلّٰهْ أَشَانْ سِيسْرَا عِنْدَهْ 900 عَرَبَةْ هِنْت حَدِيدْ وَ هُو ظَلَمْهُمْ لِبَنِي إِسْرَائِيلْ ظُلُمْ شَدِيدْ لِمُدَّةْ 20 سَنَةْ.

قُضياء 3:15

وَ بَنِي إِسْرَائِيلْ كَوْرَكَوْا لِلّٰهْ وَ اللّٰهْ رَسَّلْ لَيْهُمْ مُنَجِّي. وَ هُو إِهُودْ الْإِسْرَايْ، وِلَيْد قِيرَا مِنْ قَبِيلَةْ بَنْيَامِينْ. وَ بَنِي إِسْرَائِيلْ رَسَّلَوْا إِهُودْ يِوَدِّي هَدَايَا لِعَقْلُونْ مَلِكْ مُوَابْ.

يَشُوع 13:31

وَ قِسِمْهُمْ نُصّ هَنَا مَنْطَقَةْ قِلْعَادْ وَ عَشْتَرُوتْ وَ إِدْرَعِي وَ دَوْل حِلَّالْ مَمْلَكَةْ عُوقْ فِي بَاشَانْ. كُلَّ التُّرَابْ دَا أَنْطَوْه لِنُصّ خُشُومْ بُيُوتْ مَكِيرْ وِلَيْد مَنَسَّى.

قُضياء 2:11

وَ بَنِي إِسْرَائِيلْ سَوَّوْا الْفَسَالَةْ قِدَّامْ اللّٰهْ وَ عَبَدَوْا أَصْنَامْ بَعَلْ.

1 صَمُوِيل 7:6

خَلَاصْ، بَنِي إِسْرَائِيلْ لَمَّوْا فِي مِصْفَةْ وَ شَالَوْا أَلْمِي وَ صَبَّوْه قِدَّامْ اللّٰهْ. وَ دِي عَلَامَةْ التَّوْبَةْ. وَ فِي الْيَوْم دَا، هُمَّنْ صَامَوْا وَ قَالَوْا: «نَشْهَدَوْا فِي نُفُوسْنَا كَدَرْ أَنِحْنَ أَذْنَبْنَا قِدَّامْ اللّٰهْ.» وَ فِي الْوَكِتْ دَا فِي مِصْفَةْ، صَمُوِيلْ بِقِي حَاكِمْ فِي بَنِي إِسْرَائِيلْ.