1 صَمُوِيل 11:11 - الكتاب المقدس بالعربي الدارجي هنا تشاد

¹¹ وَ أَمْبَاكِرْ بِفَجُرْ بَدْرِي، شَاوُولْ قَسَّمْ عَسْكَرَهْ عَلَيْ تَلَاتَةْ بَكَانْ وَ هَجَمَوْا مُعَسْكَرْ بَنِي عَمُّونْ وَ كَتَلَوْهُمْ لَحَدِّي الْحَرَّايْ بِقَتْ قَايْلَةْ. وَ الْعَسْكَرْ الْفَضَّلَوْا شَتَّتَوْا مَرَّةْ وَاحِدْ، إِتْنَيْن مَاشِينْ سَوَا كُلَ مَا فِيهْ!

1 صَمُوِيل 11:11 Referenca të Kryqëzuara

قُضياء 7:16

وَ قِدْعُونْ قَسَّمْ التُّلْتُمِيَةْ رُجَالْ عَلَيْ تَلَاتَةْ مَجْمُوعَاتْ وَ أَنْطَى أَيِّ رَاجِلْ بُوقْ وَ جَرّ فَاضِي وَ فِي أَيِّ جَرّ فِي ضَيّ.

يَعْقُوب 2:13

كَنْ نَادُمْ مَا يَرْحَمْ النَّاسْ، اللّٰهْ كُلَ مَا يَرْحَمَهْ فِي يَوْم الْحِسَابْ. وَ لَاكِنْ النَّادُمْ الْيَرْحَمْ النَّاسْ، مَا يَخَافْ مِنْ يَوْم الْحِسَابْ.

مَتَّى 7:2

أَشَانْ مِثِلْ إِنْتُو تِحَاكُمُوا النَّاسْ، مِثِلْ دَا بَسْ اللّٰهْ يِحَاكِمْكُو. هُو يِكِيل لَيْكُو بِنَفْس الْمِكْيَالْ الْإِنْتُو تِكِيلُوا بَيَّهْ لِلنَّاسْ.

زَبُور 46:1

الرَّبّ هُو مَلْجَئْنَا وَ قُدْرِتْنَا وَ فَزَعْ دَايِمْ فِي كُلِّ ضِيقَةْ.

1 صَمُوِيل 11:2

وَ نَحَاشْ قَالْ لَيْهُمْ: «تَمَامْ! كَنْ نِسَوِّي مَعَاكُو مُعَاهَدَةْ دَا، إِلَّا نِسِلّ كُلَّ عُيُونْكُو الزَّيْنَايَاتْ. وَ بَيْدَا، نِجِيبْ الْإِهَانَةْ فِي كُلَّ بَنِي إِسْرَائِيلْ.»

قُضياء 9:43

وَ أَبِيمَلِكْ شَالْ عَسْكَرَهْ وَ قَسَّمَاهُمْ عَلَيْ تَلَاتَةْ مَجْمُوعَاتْ وَ رَبَطْ كَمِينْ فِي الْكَدَادَةْ. وَ وَكِتْ شَافَوْا الشَّعَبْ مَرَقَوْا مِنْ الْحِلَّةْ، الْعَسْكَرْ قَمَّوْا ضِدُّهُمْ وَ كَتَلَوْهُمْ.

قُضياء 4:16

وَ بَارَاقْ تَابَعْ الْعَرَبَاتْ وَ الْعَسْكَرْ لَحَدِّي حَرُوشَةْ قُويِمْ. وَ كُلَّ عَسْكَرْ سِيسْرَا كَتَلَوْهُمْ بِالْسَّيْف وَ وَاحِدْ كُلَ مِنْهُمْ مَا فَضَّلْ.

قُضياء 1:7

وَ فِي الْبَكَانْ دَا، أَدُونِي بَازَقْ قَالْ: «70 مَلِكْ أَنَا قَطَّعْت أَصَابِعْهُمْ الْكُبَارْ هَنَا إِيدَيْهُمْ وَ رِجْلَيْهُمْ وَ هُمَّنْ لَقَّطَوْا الْأَكِلْ الْمُدَفِّقْ فِي بَكَانْ دَبَلَايْتِي. الشَّيّءْ الْأَنَا سَوَّيْتَهْ بَسْ، الرَّبّ قَبَّلَهْ لَيِّ.» وَ هُمَّنْ شَالَوْه وَ وَدَّوْه فِي مَدِينَةْ أُورُشَلِيمْ وَ مَاتْ هِنَاكْ.

خُروج 14:24

وَ بِفَجُرْ بَدْرِي مِنْ الْعَمُودْ هَنَا النَّارْ وَ سَحَابْ، اللّٰهْ شَافْ دَيْش الْمَصْرِيِّينْ وَ بَرْجَلَاهُمْ.

تكوين 22:14

وَ سَمَّى الْبَكَانْ دَا يَهْوَهْ يِرْأَهْ (مَعَنَاتَهْ اللّٰهْ يَرْزُقْ). أَشَانْ دَا بَسْ، لَحَدِّي الْيَوْم يُقُولُوا: «فِي حَجَرْ اللّٰهْ، الرَّبّ يَرْزُقْ.»

قُضياء 7:20

وَ التَّلَاتَةْ مَجْمُوعَاتْ كُلُّهُمْ ضَرَبَوْا الْبُوقْ وَ كَسَّرَوْا جِرَارْهُمْ. أَيِّ رَاجِلْ بِإِيدَهْ الْإِسْرَةْ، كَارِبْ الضَّيّ وَ بِإِيدَهْ الزَّيْنَةْ، كَارِبْ الْبُوقْ الْقَاعِدْ يَضُرْبَهْ. وَ قَالَوْا: «السَّيْف لِلّٰهْ وَ لِقِدْعُونْ!»

2 صَمُوِيل 18:2

وَ دَاوُدْ أَنْطَى أَمُرْ لِلْعَسْكَرْ يَمْشُوا. وَ التِّلِتْ مِنْ الْعَسْكَرْ دَا، هُو كَلَّفْ بَيَّهْ يُوَابْ وَ التِّلِتْ كَلَّفْ بَيَّهْ أَبِشَايْ وِلَيْد صَرُويَةْ الْهُو أَخُو يُوَابْ وَ التِّلِتْ كَلَّفْ بَيَّهْ إِتَّايْ الْمِنْ حِلَّةْ قَاتْ. وَ الْمَلِكْ قَالْ لِعَسْكَرَهْ: «أَنَا ذَاتِي نَمْشِي مَعَاكُو.»

1 صَمُوِيل 14:47

وَ وَكِتْ شَاوُولْ شَالْ الْمُلُكْ فِي إِسْرَائِيلْ، هُو حَارَبْ كُلَّ عُدْوَانَهْ الْمُجَاوِرِينَهْ مِثِلْ نَاسْ مُوَابْ وَ بَنِي عَمُّونْ وَ نَاسْ أَدَوْم وَ مُلُكْ صُوبَةْ وَ الْفِلِسْطِيِّينْ. وَ فِي أَيِّ بَكَانْ يِوَجِّهْ، هُو يِنَّصِرْ.