1 صَمُوِيل 10:6 - الكتاب المقدس بالعربي الدارجي هنا تشاد

⁶ وَ طَوَّالِي، رُوحْ اللّٰهْ يَنْزِلْ فَوْقَكْ إِنْتَ بِشِدَّةْ وَ تِتْنَبَّأْ مَعَاهُمْ وَ تِغَيِّرْ وَ تَبْقَى رَاجِلْ آخَرْ.

1 صَمُوِيل 10:6 Referenca të Kryqëzuara

1 صَمُوِيل 10:10

وَ وَكِتْ شَاوُولْ وَ خَدَّامَهْ وَصَّلَوْا فِي حِلَّةْ قِبَيْعَةْ، لَاقَوْهُمْ مَجْمُوعَةْ مِنْ الْأَنْبِيَاء. وَ طَوَّالِي، رُوحْ اللّٰهْ نَزَلْ بِشِدَّةْ فِي شَاوُولْ وَ هُو كُلَ دَخَلْ فِي أُسُطْهُمْ وَ قَمَّ يِتْنَبَّأْ مَعَاهُمْ.

عَدد 11:25

وَ اللّٰهْ نَزَلْ فِي لُبّ السَّحَابَايْ وَ كَلَّمْ لَيَّهْ. وَ شَالْ مِنْ الرُّوحْ الْقَاعِدْ فَوْق مُوسَى وَ خَطَّاهْ فَوْق السَّبْعِينْ شُيُوخْ. وَ وَكِتْ الرُّوحْ قَعَدْ فَوْقهُمْ، طَوَّالِي قَمَّوْا يِتْنَبَّأَوْا وَ بَتَّانْ يَوْم آخَرْ مَا سَوَّوْه.

1 صَمُوِيل 16:13

وَ خَلَاصْ، صَمُوِيلْ شَالْ دِهِنْ مِنْ قَرْنَهْ وَ مَسَحْ دَاوُدْ وَ دَرَّجَهْ قِدَّامْ أَخْوَانَهْ. وَ طَوَّالِي، رُوحْ اللّٰهْ نَزَلْ فِي دَاوُدْ وَ مِنْ الْيَوْم دَا، هُو قَاعِدْ فَوْقَهْ. وَ صَمُوِيلْ قَبَّلْ فِي حِلَّةْ الرَّامَةْ.

قُضياء 14:6

فِي الْبَكَانْ دَا، رُوحْ اللّٰهْ نَزَلْ فِي شَمْشُونْ. هُو مَا عِنْدَهْ سِلَاحْ فِي إِيدَهْ وَ لَاكِنْ بِإِيدَيْنَهْ بَسْ، كَرَبْ الدُّودْ وَ شَقَّهْ تِنَيْن مِثِلْ سَخَلْ. وَ هُو مَا كَلَّمْ أَبُوهْ وَ لَا أَمَّهْ بِالشَّيّءْ السَّوَّاهْ.

قُضياء 3:10

وَ رُوحْ اللّٰهْ نَزَلْ فِي عُتْنِيِيلْ وَ هُو حَكَمْ فِي بَنِي إِسْرَائِيلْ. وَ هُو مَشَى حَارَبْ كُوشَنْ رِشَعْتَايِمْ مَلِكْ بَلَدْ أَرَامْ وَ اللّٰهْ نَصَرَهْ.

مَتَّى 7:22

فِي يَوْم الْحِسَابْ، نَاسْ كَتِيرِينْ يُقُولُوا لَيِّ: ‹يَا سَيِّدْنَا، يَا سَيِّدْنَا. أَنِحْنَ مَا أَتْنَبَّأْنَا بِأُسْمَكْ وَلَّا؟ وَ بِأُسْمَكْ مَا طَرَدْنَا الشَّوَاطِينْ وَلَّا؟ وَ بِأُسْمَكْ مَا سَوَّيْنَا عَجَايِبْ كَتِيرِينْ وَلَّا؟›

عَدد 11:17

وَ فِي الْبَكَانْ دَا، أَنَا نَنْزِلْ وَ نِكَلِّمْ مَعَاكْ وَ نِشِيلْ مِنْ الرُّوحْ الْقَاعِدْ فَوْقَكْ وَ نُخُطَّهْ فَوْقهُمْ. وَ بَيْدَا، هُمَّنْ يِشِيلُوا مَعَاكْ مَسْؤُولِيَّةْ الشَّعَبْ وَ بَتَّانْ إِنْتَ مَا تِشِيلْهَا وِحَيْدَكْ.

عَدد 11:26

وَ لَاكِنْ رُجَالْ إِتْنَيْن، الْوَاحِدْ أُسْمَهْ أَلِدَادْ وَ الْآخَرْ أُسْمَهْ مِدَادْ، هُمَّنْ كُلَ مِنْ السَّبْعِينْ كُبَارَاتْ وَ مَا مَشَوْا مَعَ الْآخَرِينْ لِلْخَيْمَةْ. وَ لَاكِنْ هُمَّنْ كُلَ الرُّوحْ نَزَلْ فَوْقهُمْ وَ قَمَّوْا يِتْنَبَّأَوْا فِي الْفَرِيقْ.

عَدد 11:29

وَ مُوسَى قَالْ لَيَّهْ: «إِنْتَ حَسُودْ لَيِّ وَلَّا شُنُو؟ أَيْوَى، خَلِّي اللّٰهْ يِنَزِّلْ رُوحَهْ فِي كُلَّ الشَّعَبْ وَ يِسَوِّيهُمْ كُلُّهُمْ أَنْبِيَاء.»

1 صَمُوِيل 10:9

وَ مِنْ شَاوُولْ قَبَّلْ مِنْ صَمُوِيلْ وَ مَشَى، الرَّبّ غَيَّرْ قَلْبَهْ. وَ كُلَّ الْعَلَامَاتْ دَوْل تَمَّوْا فِي نَفْس الْيَوْم.

1 صَمُوِيل 19:20

وَ خَلَاصْ، شَاوُولْ رَسَّلْ نَاسْ لِيَكُرْبُوا دَاوُدْ. وَ لَاكِنْ وَكِتْ وَصَّلَوْا، شَافَوْا مَجْمُوعَةْ مِنْ الْأَنْبِيَاء قَاعِدِينْ يِتْنَبَّأَوْا وَ فِي رَاسْهُمْ صَمُوِيلْ وَاقِفْ بِطُولَهْ. وَ رُوحْ اللّٰهْ نَزَلْ فِي النَّاسْ الرَّسَّلَوْهُمْ وَ هُمَّنْ كُلَ بَدَوْا يِتْنَبَّأَوْا.

قُضياء 15:14

وَ وَكِتْ جَاءْ قَرِيبْ لِلَاحِي، الْفِلِسْطِيِّينْ مَرَقَوْا لَاقَوْه بِكُرَوْرَاكْ هَنَا حَرِبْ. لَاكِنْ رُوحْ اللّٰهْ نَزَلْ فَوْقَهْ وَ الْحُبَالْ الرَّابْطِينْ بَيْهُمْ إِيدَيْنَهْ بِقَوْا مِثِلْ الْجَنَاقَوْ الْحَرَقَتْهُمْ النَّارْ وَ دَفَّقَوْا مِنْ إِيدَيْنَهْ.

1 صَمُوِيل 11:6

وَ وَكِتْ شَاوُولْ سِمِعْ الْكَلَامْ دَا، طَوَّالِي رُوحْ اللّٰهْ نَزَلْ فَوْقَهْ وَ هُو زِعِلْ زَعَلْ شَدِيدْ.