1 صَمُوِيل 10:3 - الكتاب المقدس بالعربي الدارجي هنا تشاد

³ «مِنْ الْبَكَانْ دَا، أَمْشِي لَحَدِّي تِوَصِّلْ فِي قَعَرْ الشَّدَرَةْ الْكَبِيرَةْ الْفِي جَبَلْ تَابُورْ. وَ فِي الْبَكَانْ دَا، يَلْقَوْك رُجَالْ تَلَاتَةْ الطَّالِعِينْ لِيَعَبُدُوا الرَّبّ فِي حِلَّةْ بَيْت إِيلْ. وَ وَاحِدْ مِنْ الرُّجَالْ دَوْل شَايِلْ تَلَاتَةْ سَخَلْ وَ التَّانِي شَايِلْ تَلَاتَةْ خُبْزَةْ وَ التَّالِتْ كَمَانْ شَايِلْ قِرْبَةْ هِنْت عَصِيرْ الْعِنَبْ.

1 صَمُوِيل 10:3 Referenca të Kryqëzuara

تكوين 35:3

قُمُّوا! نَمْشُوا بَيْت إِيلْ. وَ أَنَا نَبْنِي مَدْبَحْ لِلرَّبّ. هُو حَلَّانِي وَكِتْ أَنَا فِي الضِّيقَةْ وَ كَانْ مَعَايِ فِي دَرْبِي الْأَنَا مَشَيْت فَوْقَهْ.»

تكوين 35:1

وَ الرَّبّ قَالْ لِيَعْقُوبْ: «قُمّ أَمْشِي بَيْت إِيلْ. أَسْكُنْ هِنَاكْ وَ أَبْنِي مَدْبَحْ لَيِّ، أَنَا الرَّبّ الْبَيَّنْت نَفْسِي لَيْك وَكِتْ إِنْتَ مُعَرِّدْ مِنْ أَخُوكْ عِيسُو.»

تكوين 28:22

وَ الْحَجَرْ الْغَزَّيْتَهْ لَيْك، يَا رَبِّي، يَبْقَى بَيْتَكْ. وَ نَنْطِيكْ الْعُشُرْ مِنْ كُلَّ شَيّءْ التَّنْطِينِي.»

تكوين 28:19

وَ سَمَّى الْبَكَانْ دَا بَيْت إِيلْ (مَعَنَاتَهْ بَيْت اللّٰهْ). وَ لَاكِنْ زَمَانْ، الْحِلَّةْ دِي أُسُمْهَا لُوزْ.

زَبُور 89:12

إِنْتَ بَسْ خَلَقْت الْمُنْشَاقْ وَ الْوَطِي. وَ جِبَالْ تَابُورْ وَ حَرْمُونْ يِعِيطُوا مِنْ الْفَرَحْ بِأُسْمَكْ.

قُضياء 8:18

وَ بَعَدْ دَا، قِدْعُونْ قَالْ لِزَبَحْ وَ صَلْمُونَعْ: «النَّاسْ الْكَتَلْتُوهُمْ فِي تَابُورْ يِشَابُهُوا يَاتُو؟» وَ هُمَّنْ رَدَّوْا لَيَّهْ وَ قَالَوْا: «النَّاسْ دَوْل مِثْلَكْ. وَ أَيِّ وَاحِدْ مِنْهُمْ مِثِلْ وِلَيْد مَلِكْ.»

قُضياء 4:12

وَ جَوْا خَبَّرَوْه لِسِيسْرَا كَدَرْ بَارَاقْ وِلَيْد أَبِنُوعَمْ وَ دَيْشَهْ طَلَعَوْا فِي جَبَلْ تَابُورْ.

قُضياء 4:6

وَ يَوْم وَاحِدْ، هِي رَسَّلَتْ نَادَتْ بَارَاقْ وِلَيْد أَبِنُوعَمْ مِنْ قَدَشْ تُرَابْ نَفْتَالِي وَ قَالَتْ لَيَّهْ: «اللّٰهْ إِلٰـهْ بَنِي إِسْرَائِيلْ أَمَرَكْ بِالْكَلَامْ دَا: ‹يَلَّا قُمّ أَمْشِي لِجَبَلْ تَابُورْ وَ شِيلْ مَعَاكْ 10 000 رَاجِلْ مِنْ قَبَايِلْ نَفْتَالِي وَ زَبُلُونْ.

يَشُوع 19:22

وَ الْحُدُودْ يِوَصُّلُوا عَلَيْ تَابُورْ وَ شَحْصِيمَةْ وَ بَيْت شَمْس وَ يَمْشُوا لَحَدِّي بَحَرْ الْأُرْدُنْ. وَ بِالْجُمْلَةْ 16 مُدُنْ وَ حِلَّالْهُمْ التَّابْعِينْ لَيْهُمْ.

يَشُوع 19:12

وَ مِنْ سَارِيدْ، الْحُدُودْ يِقَبُّلُوا عَلَيْ الصَّبَاحْ لَحَدِّي تُرَابْ كِسْلُوتْ تَابُورْ وَ يَمْشُوا عَلَيْ دَبْرَةْ وَ يَطْلَعَوْا لَحَدِّي يَفِيعَ.

لاوِيِّين 23:13

وَ قَدُّمُوا مَعَايَهْ هَدِيَّةْ كَوْرتَيْن هَنَا دَقِيقْ مُخَلْبَطْ بِدِهِنْ وَ دِي هَدِيَّةْ مُحَرَّقَةْ الرِّيحِتْهَا اللّٰهْ يَرْضَى بَيْهَا. وَ قَدُّمُوا مَعَايَهْ لِيتِرْ هَنَا خَمَرْ هَدِيَّةْ شَرَابْ.

لاوِيِّين 7:13

وَ زِيَادَةْ فِي الْكَعَكْ، هُو يِقَدِّمْ خُبْزَةْ الْعِنْدَهَا تَوَّارَةْ وَ دَا لِيِقَدِّمْهَا مَعَ ضَحِيَّةْ السَّلَامَةْ وَ ضَحِيَّةْ الشُّكُرْ.

لاوِيِّين 3:12

وَ كَنْ نَادُمْ يِقَدِّمْ ضَحِيَّةْ هَنَا عَنْزَايْ، هُو يِقَدِّمْهَا لِلّٰهْ.

لاوِيِّين 3:6

وَ كَنْ هَدِيّتَهْ الْيِقَدِّمْهَا لِلّٰهْ ضَحِيَّةْ السَّلَامَةْ مِنْ الْغَنَمْ، دَكَرْ أَوْ أَنْتَايْ، خَلِّي يِقَدِّمْ لِلّٰهْ بَهِيمَةْ الْمَا عِنْدَهَا أَيِّ عَيْب.

لاوِيِّين 1:10

وَ كَنْ هَدِيّتَهْ دِي ضَحِيَّةْ مُحَرَّقَةْ مِنْ الْغَنَمْ أَوْ الْعِنْزَيْ، هُو يِقَدِّمْ تَيْس أَوْ كَبِشْ الْمَا عِنْدَهْ أَيِّ عَيْب.

1 صَمُوِيل 10:4

وَ هُمَّنْ يِسَلُّمُوكْ وَ يَنْطُوكْ إِتْنَيْن خُبْزَةْ وَ إِنْتَ تِشِيلْهُمْ مِنْهُمْ.

إرْمِيا 32:8

وَ مِثِلْ اللّٰهْ قَالَهْ لَيِّ، حَنَمِيلْ وِلَيْد عِمِّي جَاءْ لَيِّ فِي فَضَايَةْ الْحُرَّاسْ وَ قَالْ: «مِنْ فَضْلَكْ، أَشْرِي أَرْضِي الْقَاعِدَةْ فِي عَنَتُوتْ فِي أَرْض قَبِيلَةْ بَنْيَامِينْ أَشَانْ إِنْتَ بَسْ وَرِيثْ وَ عِنْدَكْ حَقّ الْمِلْكِيَّةْ فِي الْأَرْض دِي. أَشْرِيهَا لِنَفْسَكْ.» وَ خَلَاصْ فِي بَكَانْ دَا، أَنَا فِهِمْت كَدَرْ دَا الْكَلَامْ الْاللّٰهْ حَجَّاهْ لَيِّ مِنْ أَوَّلْ.

قُضياء 20:18

وَ بَنِي إِسْرَائِيلْ مَشَوْا بَيْت إِيلْ وَ سَأَلَوْا الرَّبّ وَ قَالَوْا: «يَاتُو مِنِّنَا يَمْشِي أَوَّلْ لِمُحَارَبَةْ نَاسْ قَبِيلَةْ بَنْيَامِينْ؟» وَ اللّٰهْ قَالْ لَيْهُمْ: «نَاسْ قَبِيلَةْ يَهُوذَا بَسْ يَمْشُوا أَوَّلْ.»

قُضياء 20:23

وَ بَنِي إِسْرَائِيلْ مَشَوْا بَكَوْا قِدَّامْ اللّٰهْ لَحَدِّي الْعَشِيَّةْ وَ سَأَلَوْه وَ قَالَوْا: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا؟» وَ اللّٰهْ رَدَّ لَيْهُمْ وَ قَالْ: «قُمُّوا ضِدُّهُمْ.»

قُضياء 20:27

بَنِي إِسْرَائِيلْ سَأَلَوْا اللّٰهْ أَشَانْ فِي الْوَكِتْ دَاكْ، صَنْدُوقْ مُعَاهَدَةْ الرَّبّ قَاعِدْ فِي بَيْت إِيلْ.