1 صَمُوِيل 10:2 - الكتاب المقدس بالعربي الدارجي هنا تشاد

² وَ وَكِتْ الْيَوْم تَمْشِي مِنْ بَكَانِي هِنِي، تِلِمّ مَعَ رُجَالْ إِتْنَيْن جَنْب قَبُرْ رَاحِيلْ الْقَاعِدْ فِي تُرَابْ صَلْصَحْ فِي حُدُودْ بَنْيَامِينْ. وَ هُمَّنْ يُقُولُوا لَيْك: ‹الْحَمِيرْ الْإِنْتَ مَشَيْت تِفَتِّشْهُمْ، خَلَاصْ أَنْلَقَوْا. وَ هَسَّعْ، أَبُوكْ خَلَّى كَلَامْ الْحَمِيرْ وَ قَاعِدْ يِهِمّ لَيْكُو إِنْتُو. وَ يَسْأَلْ نَفْسَهْ كِكَّيْف يَلْقَى وِلَيْدَهْ.›

1 صَمُوِيل 10:2 Referenca të Kryqëzuara

1 صَمُوِيل 10:16

وَ شَاوُولْ رَدَّ لِعِمَّهْ وَ قَالْ: «صَمُوِيلْ خَبَّرَانَا كَدَرْ الْحَمِيرْ أَنْلَقَوْا.» وَ لَاكِنْ لَبَّدْ لِعِمَّهْ الشَّيّءْ الْبُخُصّ الْمُلُكْ، الْخَبَّرَهْ بَيَّهْ صَمُوِيلْ.

يَشُوع 18:28

وَ صِيلَعْ وَ أَلِفْ وَ مَدِينَةْ الْيَبُوسِيِّينْ يَعْنِي أُورُشَلِيمْ وَ قِبَيْعَةْ وَ قَرْيَةْ يَعَرِيمْ. وَ بِالْجُمْلَةْ 14 مُدُنْ وَ حِلَّالْهُمْ التَّابْعِينْ لَيْهُمْ. وَ دَا كُلَّ أَرْض وَرَثَةْ هِنْت قَبِيلَةْ بَنْيَامِينْ حَسَبْ خُشُومْ بُيُوتْهُمْ.

إرْمِيا 31:15

وَ دَاهُو اللّٰهْ قَالْ: «أَنْسَمَعْ حِسّ فِي حِلَّةْ الرَّامَةْ، بَكِي شَدِيدْ وَ نُوَاحْ. وَ دِي رَاحِيلْ قَاعِدَةْ تَبْكِي لِعِيَالْهَا وَ هِي أَبَتْ الصَّبِّرِينْ شَانْ عِيَالْهَا مَاتَوْا خَلَاصْ.»

تكوين 35:16

وَ خَلَاصْ، يَعْقُوبْ وَ عَايِلْتَهْ قَمَّوْا مِنْ بَيْت إِيلْ. وَ وَكِتْ هُمَّنْ لِسَّاعْهُمْ بَعِيدْ مِنْ حِلَّةْ أَفْرَاتَةْ، رَاحِيلْ طَالَقَتْ. وَ وَالُودِتْهَا بِقَتْ قَاسِيَةْ.

تكوين 48:7

«وَ وَكِتْ أَنَا مُقَبِّلْ مِنْ فَدَّانْ أَرَامْ، أَمَّكْ رَاحِيلْ مَاتَتْ فِي إِيدَيْنِي فِي دَرِبْ بَلَدْ كَنْعَانْ قَرِيبْ لِحِلَّةْ أَفْرَاتَةْ. وَ فِي الْبَكَانْ دَا، أَنَا دَفَنْتَهَا فِي دَرِبْ حِلَّةْ أَفْرَاتَةْ الْبِنَادُوهَا الْيَوْم بَيْت لَحَمْ.»