1 صَمُوِيل 10:10 - الكتاب المقدس بالعربي الدارجي هنا تشاد

¹⁰ وَ وَكِتْ شَاوُولْ وَ خَدَّامَهْ وَصَّلَوْا فِي حِلَّةْ قِبَيْعَةْ، لَاقَوْهُمْ مَجْمُوعَةْ مِنْ الْأَنْبِيَاء. وَ طَوَّالِي، رُوحْ اللّٰهْ نَزَلْ بِشِدَّةْ فِي شَاوُولْ وَ هُو كُلَ دَخَلْ فِي أُسُطْهُمْ وَ قَمَّ يِتْنَبَّأْ مَعَاهُمْ.

1 صَمُوِيل 10:10 Referenca të Kryqëzuara

1 صَمُوِيل 2:35

وَ نَعَزِلْ لِنَفْسِي رَاجِلْ دِينْ أَمِينْ أَشَانْ يِسَوِّي الشَّيّءْ الْقَلْبِي وَ نَفْسِي يِدَوْرُوهْ. وَ نِثَبِّتْ عَايِلْتَهْ لِتَخْدِمْ دَايْماً مَعَ الْمَلِكْ الْأَنَا مَسَحْتَهْ وَ دَرَّجْتَهْ.

1 صَمُوِيل 11:6

وَ وَكِتْ شَاوُولْ سِمِعْ الْكَلَامْ دَا، طَوَّالِي رُوحْ اللّٰهْ نَزَلْ فَوْقَهْ وَ هُو زِعِلْ زَعَلْ شَدِيدْ.

قُضياء 3:10

وَ رُوحْ اللّٰهْ نَزَلْ فِي عُتْنِيِيلْ وَ هُو حَكَمْ فِي بَنِي إِسْرَائِيلْ. وَ هُو مَشَى حَارَبْ كُوشَنْ رِشَعْتَايِمْ مَلِكْ بَلَدْ أَرَامْ وَ اللّٰهْ نَصَرَهْ.

قُضياء 15:14

وَ وَكِتْ جَاءْ قَرِيبْ لِلَاحِي، الْفِلِسْطِيِّينْ مَرَقَوْا لَاقَوْه بِكُرَوْرَاكْ هَنَا حَرِبْ. لَاكِنْ رُوحْ اللّٰهْ نَزَلْ فَوْقَهْ وَ الْحُبَالْ الرَّابْطِينْ بَيْهُمْ إِيدَيْنَهْ بِقَوْا مِثِلْ الْجَنَاقَوْ الْحَرَقَتْهُمْ النَّارْ وَ دَفَّقَوْا مِنْ إِيدَيْنَهْ.

1 صَمُوِيل 16:13

وَ خَلَاصْ، صَمُوِيلْ شَالْ دِهِنْ مِنْ قَرْنَهْ وَ مَسَحْ دَاوُدْ وَ دَرَّجَهْ قِدَّامْ أَخْوَانَهْ. وَ طَوَّالِي، رُوحْ اللّٰهْ نَزَلْ فِي دَاوُدْ وَ مِنْ الْيَوْم دَا، هُو قَاعِدْ فَوْقَهْ. وَ صَمُوِيلْ قَبَّلْ فِي حِلَّةْ الرَّامَةْ.