1 صَمُوِيل 10:1 - الكتاب المقدس بالعربي الدارجي هنا تشاد

¹ وَ صَمُوِيلْ شَالْ دِهِنْ وَ صَبَّاهْ فِي رَاسْ شَاوُولْ. وَ حَضَنَهْ وَ قَالْ: «بَيْدَا، اللّٰهْ دَرَّجَكْ لِتَبْقَى كَبِيرْ لِشَعَبَهْ بَنِي إِسْرَائِيلْ الْمِثِلْ وَرَثَتَهْ.

1 صَمُوِيل 10:1 Referenca të Kryqëzuara

1 صَمُوِيل 16:13

وَ خَلَاصْ، صَمُوِيلْ شَالْ دِهِنْ مِنْ قَرْنَهْ وَ مَسَحْ دَاوُدْ وَ دَرَّجَهْ قِدَّامْ أَخْوَانَهْ. وَ طَوَّالِي، رُوحْ اللّٰهْ نَزَلْ فِي دَاوُدْ وَ مِنْ الْيَوْم دَا، هُو قَاعِدْ فَوْقَهْ. وَ صَمُوِيلْ قَبَّلْ فِي حِلَّةْ الرَّامَةْ.

زَبُور 78:71

مِنْ وَرَاءْ الْغَنَمْ هُو جَابَهْ وَ سَوَّاهْ رَاعِي لِشَعَبَهْ ذُرِّيَّةْ يَعْقُوبْ وَ لِوَرَثَتَهْ بَنِي إِسْرَائِيلْ.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

زَبُور 2:12

كَرُّمُوا إِبْنَهْ، الْمَلِكْ الْهُو عَزَلَهْ وَ بَيْدَا، اللّٰهْ مَا يَزْعَلْ فَوْقكُو. وَ زَعَلَهْ مَا يِدَمِّرْكُو أَشَانْ هُو قَرِيبْ يَزْعَلْ فَوْقكُو. مَبْرُوكْ لِلنَّاسْ الْيَلْجَأَوْا لِلّٰهْ!

أعمال الرُسُل 13:21

وَ بَنِي إِسْرَائِيلْ سَأَلَوْا صَمُوِيلْ أَشَانْ يُخُطّ لَيْهُمْ مَلِكْ وَ اللّٰهْ عَزَلْ شَاوُولْ وِلَيْد قِيشْ مِنْ قَبِيلَةْ بَنْيَامِينْ وَ بِقِي لَيْهُمْ مَلِكْ مُدَّةْ 40 سَنَةْ.

1 صَمُوِيل 26:11

اللّٰهْ يَسْتُرْنِي مَا نُخُطّ إِيدِي فَوْقَهْ، هُو الْاللّٰهْ مَسَحَهْ وَ دَرَّجَهْ مَلِكْ! هَسَّعْ دَا، خَلِّي نِشِيلُوا حَرِبْتَهْ الْقَاعِدَةْ عَلَيْ رَاسَهْ وَ قِرْبِتَهْ هِنْت الْأَلْمِي وَ نَمْشُوا.»

تَثْنِية 32:9

أَشَانْ قِسِمْ اللّٰهْ، هُو شَعَبَهْ بَنِي إِسْرَائِيلْ وَ ذُرِّيَّةْ يَعْقُوبْ كَمَانْ، هُمَّنْ وَرَثَتَهْ.

2 مُلوك 20:5

«قَبِّلْ أَمْشِي لِحِزْقِيَّا كَبِيرْ شَعَبِي وَ قُولْ لَيَّهْ: ‹دَاهُو اللّٰهْ إِلٰـهْ جِدَّكْ دَاوُدْ قَالْ: ”أَنَا سِمِعْت سُؤَالَكْ وَ شِفْت دُمُوعَكْ الدَّفَّقَوْا. هَسَّعْ دَا، أَنَا نَشْفِيكْ وَ فِي الْيَوْم التَّالِتْ، إِنْتَ تَقْدَرْ تَمْشِي لِبَيْت اللّٰهْ.

2 مُلوك 9:1

وَ النَّبِي أَلْيَسَعْ نَادَى صَبِي وَاحِدْ مِنْ مَجْمُوعَةْ الْأَنْبِيَاء وَ قَالْ لَيَّهْ: «أَرْبُطْ صُلْبَكْ وَ شِيلْ الْقَزَّازَةْ هِنْت الدِّهِنْ دِي فِي إِيدَكْ وَ أَمْشِي حِلَّةْ رَامُوتْ الْفِي قِلْعَادْ.

رُؤية 5:8

وَ وَكِتْ الْحَمَلْ شَالْ الْمَكْتُوبْ، الْأَرْبَعَةْ مَخْلُوقِينْ وَ الْأَرْبَعَةْ وَ عِشْرِينْ شُيُوخْ سَجَدَوْا قِدَّامَهْ. وَ أَيِّ وَاحِدْ عِنْدَهْ جِقِنْدِيَّةْ وَ مُخْبَرْ هَنَا دَهَبْ الْفَوْقَهْ بَخُورْ. وَ الْبَخُورْ دَا يِمَثِّلْ صَلَاوَاتْ الصَّالِحِينْ.

عِبْرَانِيِّين 2:10

اللّٰهْ الْخَلَقْ كُلَّ شَيّءْ وَ فِي شَانَهْ كُلَّ شَيّءْ مَوْجُودْ، هُو دَوَّرْ نَاسْ كَتِيرِينْ يَبْقَوْا عِيَالَهْ وَ يَدْخُلُوا فِي مَجْدَهْ. وَ أَشَانْ دَا، اللّٰهْ سَوَّى شَيّءْ مُوَافِقْ لَيْهُمْ. هُو رَسَّلْ النَّادُمْ الْيَفْتَحْ لَيْهُمْ دَرِبْ النَّجَاةْ. وَ جَعَلْ لِلْمَسِيحْ التَّعَبْ وَ بِتَعَبَهْ دَا، هُو بِقِي الْمُنَجِّي الْكَامِلْ.

1 تَسَلونِيكِي 5:26

سَلُّمُوا كُلَّ الْأَخْوَانْ بِسَلَامْ الصَّالِحِينْ.

هُوشَع 13:2

وَ يَا هَسَّعْ كُلَ، قَاعِدِينْ يِزِيدُوا فِي ذُنُوبْهُمْ أَشَانْ صَنَعَوْا لَيْهُمْ صَنَمْ بِفُضِّتْهُمْ. أَيْوَى حَسَبْ عِلِمْهُمْ، سَوَّوْا لَيْهُمْ أَصْنَامْ الدَّقَّاهُمْ صِنَاعِي مَعْرُوفْ. وَ النَّاسْ يُقُولُوا: «قَدُّمُوا لَيْهُمْ ضَحَايَا!» شِيفُوا! النَّاسْ دَوْل يِحِبُّوا أَصْنَامْ الْعَجَّالْ!

إرْمِيا 10:16

وَ إِلٰـهْ يَعْقُوبْ مَا مِثِلْهُمْ أَشَانْ هُو بَسْ خَلَقْ كُلَّ شَيّءْ. هُو عَزَلْ قَبِيلَةْ بَنِي إِسْرَائِيلْ لِيَبْقَوْا شَعَبَهْ الْمِثِلْ وَرَثَتَهْ وَ أُسْمَهْ اللّٰهْ الْقَادِرْ.

زَبُور 135:4

أَشَانْ اللّٰهْ عَزَلْ قَبِيلَةْ يَعْقُوبْ وَ شَالْ بَنِي إِسْرَائِيلْ شَعَبَهْ لِحَلَالَهْ.

1 مُلوك 19:18

وَ لَاكِنْ نِخَلِّي 7 000 نَاسْ مِنْ بَنِي إِسْرَائِيلْ هُمَّنْ الْمَا سَجَدَوْا وَ لَا حَبَّوْا إِلٰـهْ بَعَلْ.»

2 صَمُوِيل 19:39

الْمَلِكْ دَاوُدْ قَطَعْ الْبَحَرْ قُبَّالْ كُلَّ الشَّعَبْ. وَ بَعَدْ دَا، هُو حَبَّاهْ وَ بَارَكَهْ لِبَرْزِلَّايْ وَ بَرْزِلَّايْ قَبَّلْ بَيْتَهْ.

2 صَمُوِيل 5:2

وَ زَمَانْ وَكِتْ شَاوُولْ مَلِكْنَا، إِنْتَ قَاعِدْ تُقُودْ دَيْش بَنِي إِسْرَائِيلْ. وَ فِي الْوَكِتْ دَاكْ بَسْ، اللّٰهْ قَالْ لَيْك: ‹إِنْتَ تَبْقَى رَاعِي لِشَعَبِي بَنِي إِسْرَائِيلْ وَ تَحْكِمْ فَوْقهُمْ.›»

1 صَمُوِيل 24:6

وَ قَالْ لِنَاسَهْ: «اللّٰهْ يِعَاقِبْنِي كَنْ أَنَا سَوَّيْت شَيّءْ فَسِلْ لِسِيدِي شَاوُولْ الْاللّٰهْ مَسَحَهْ وَ دَرَّجَهْ مَلِكْ! أَنَا مَا نُخُطّ إِيدِي فَوْقَهْ أَشَانْ اللّٰهْ بَسْ عَزَلَهْ.»

1 صَمُوِيل 13:14

وَ هَسَّعْ دَا، مُلْكَكْ مَا يِطَوِّلْ. أَشَانْ اللّٰهْ عَزَلْ نَادُمْ آخَرْ الْهُو رَضْيَانْ بَيَّهْ وَ دَرَّجَهْ لِيَحْكِمْ شَعَبَهْ. وَ لَاكِنْ إِنْتَ مَا تَابَعْت وَصِيَّةْ اللّٰهْ الْأَمَرَكْ بَيْهَا.»

1 صَمُوِيل 8:19

وَ بَيْدَا كُلَ، الشَّعَبْ أَبَوْا مَا سِمْعَوْا كَلَامْ صَمُوِيلْ وَ قَالَوْا: «لَا! مَا لَمَّانَا! دَرِّجْ لَيْنَا مَلِكْ بَسْ

1 صَمُوِيل 8:9

وَ هَسَّعْ دَا خَلَاصْ، أَقْبَلْ طَلَبْهُمْ. لَاكِنْ حَذِّرْهُمْ وَ عَرِّفْهُمْ حُقُوقْ الْمَلِكْ الْيَحْكِمْهُمْ.»

1 صَمُوِيل 2:10

عُدْوَانْ اللّٰهْ يِدَّمَّرَوْا وَ هُو يَحْرِقْهُمْ بِرَعَدْ مِنْ السَّمَاءْ. وَ اللّٰهْ يَحْكِمْ لَحَدِّي آخِرْ الدُّنْيَا وَ يَنْطِي قُدْرَةْ لِلْمَلِكْ الْهُو دَرَّجَهْ. أَيْوَى، يَرْفَعْ رَاسْ النَّادُمْ الْهُو مَسَحَهْ.»

خُروج 30:23

«شِيلْ مِنْ أَحْسَنْ الرِّيحَةْ. شِيلْ مِنْ الْخُمْرَةْ 6 كِيلَوْ وَ مِنْ الصَّنْدَلْ 3 كِيلَوْ وَ مِنْ الْعِطِرْ 3 كِيلَوْ

1 صَمُوِيل 9:27

وَ وَكِتْ قَرَّبَوْا يَمُرْقُوا مِنْ الْحِلَّةْ، صَمُوِيلْ قَالْ لِشَاوُولْ: «قُولْ لِخَدَّامَكْ خَلِّي يِقَدِّمْ.» وَ هُو قَدَّمْ. وَ صَمُوِيلْ قَالْ لِشَاوُولْ: «هَسَّعْ دَا، إِنْتَ أَقِيفْ! نِأَوْرِيكْ كَلَامْ الرَّبّ.»

1 صَمُوِيل 12:3

وَ دَاهُو أَنَا وَاقِفْ قِدَّامْكُو. أَوْرُدُوا فَوْقِي شَهَادَةْ قِدَّامْ اللّٰهْ وَ قِدَّامْ الْمَلِكْ الْهُو مَسَحَهْ وَ دَرَّجَهْ. كَنْ أَنَا شِلْت تَوْر أَوْ حُمَارْ مِنْ نَادُمْ أَوْ ظَلَمْت نَادُمْ أَوْ سَوَّيْت فَسِلْ لِنَادُمْ، أَوْرُونِي! كَنْ شِلْت رَشْوَةْ مِنْ نَادُمْ أَشَانْ نَخْجَلْ مِنَّهْ وَ مَا نِأَوْرِيهْ الصَّحِيحْ، أَوْرُونِي! أَوْرُونِي أَشَانْ أَنَا نِكَفِّيكُو الشَّيّءْ الظَّلَمْتُكُو بَيَّهْ.»

1 صَمُوِيل 15:1

وَ صَمُوِيلْ قَالْ لِشَاوُولْ: «أَنَا بَسْ، اللّٰهْ رَسَّلَانِي مَسَحْتَكْ وَ دَرَّجْتَكْ مَلِكْ فِي شَعَبَهْ بَنِي إِسْرَائِيلْ. هَسَّعْ دَا، أَسْمَعْ كَلَامْ اللّٰهْ.

1 صَمُوِيل 16:1

وَ اللّٰهْ قَالْ لِصَمُوِيلْ: «لِمَتَى إِنْتَ تَحْزَنْ لِشَاوُولْ، الْأَنَا أَبَيْتَهْ بَتَّانْ مَا يَمْلُكْ فِي إِسْرَائِيلْ؟ هَسَّعْ دَا، شِيلْ قَرْنَكْ وَ أَمْلَا دِهِنْ وَ تَعَالْ نِرَسِّلَكْ لِيَسَّى الْمِنْ حِلَّةْ بَيْت لَحَمْ أَشَانْ أَنَا عَزَلْت وَاحِدْ مِنْ عِيَالَهْ لِيَبْقَى مَلِكْ.»

1 صَمُوِيل 26:9

وَ دَاوُدْ قَالْ لِأَبِشَايْ: «لَا، مَا تَكْتُلَهْ! أَشَانْ اللّٰهْ مَا يَجْعَلْ بَرِي النَّادُمْ الْيَكْتُلْ الْمَلِكْ الْهُو مَسَحَهْ وَ دَرَّجَهْ.»

2 صَمُوِيل 1:14

وَ دَاوُدْ قَالْ لَيَّهْ: «كِكَّيْف إِنْتَ مَا خُفْت وَ رَفَعْت إِيدَكْ وَ كَتَلْت الرَّاجِلْ الْاللّٰهْ مَسَحَهْ وَ دَرَّجَهْ مَلِكْ؟»

1 مُلوك 1:34

وَ فِي الْبَكَانْ دَاكْ، صَدُوقْ رَاجِلْ الدِّينْ وَ النَّبِي نَاتَانْ يَمْسَحَوْه وَ يِدَرُّجُوهْ مَلِكْ فِي إِسْرَائِيلْ. وَ خَلَاصْ، تَضُرْبُوا الْبُوقْ وَ تُقُولُوا: ‹يِعِيشْ الْمَلِكْ سُلَيْمَانْ.›

حِزْقِيال 16:13

وَ زِينِتْكِ مِنْ دَهَبْ وَ فُضَّةْ وَ خُلْقَانْكِ مِنْ قُمَاشْ كَتَّانْ وَ حَرِيرْ وَ قِطْعَةْ مُكَلَّفَةْ. وَ أَكَلْتِ دَقِيقْ وَ عَسَلْ وَ دِهِنْ. وَ إِنْتِ بِقِيتِ جَمِيلَةْ مَرَّةْ وَاحِدْ مِثِلْ مَلِكَةْ.

1 صَمُوِيل 15:17

وَ صَمُوِيلْ قَالْ: «إِنْتَ تَعَرِفْ نَفْسَكْ كَدَرْ إِنْتَ مَا تِسَاوِي شَيّءْ وَ لَاكِنْ هَسَّعْ بِقِيتْ كَبِيرْ فِي قَبَايِلْ بَنِي إِسْرَائِيلْ. وَ اللّٰهْ بَسْ مَسَحَكْ وَ دَرَّجَكْ فَوْقهُمْ مَلِكْ.

2 صَمُوِيل 20:19

وَ أَنَا مِنْ النَّاسْ الْهَادِيِينْ وَ أَمِينِينْ فِي بَلَدْ إِسْرَائِيلْ. وَ إِنْتَ قَاعِدْ تِفَتِّشْ دَرِبْ التَّهْلِكْ حِلِّتْنَا الْمُهِمَّةْ فِي إِسْرَائِيلْ. مَالَا تِدَوْر تِدَمِّرْ الْوَرَثَةْ الْأَنْطَاهَا لَيْنَا اللّٰهْ؟»

2 مُلوك 9:12

وَ لَاكِنْ هُمَّنْ قَالَوْا لَيَّهْ: «كَلَامَكْ دَا مَا صَحِيحْ! أَوْرِينَا الْكَلَامْ الْهُو قَالَهْ لَيْك.» وَ هُو قَالْ لَيْهُمْ: «دَاهُو الْكَلَامْ الْكَلَّمَانِي. هُو قَالْ: ‹دَاهُو اللّٰهْ قَالْ: ”بِصَبِّينْ دِهِنْ فِي رَاسَكْ دَا، أَنَا دَرَّجْتَكْ مَلِكْ فِي مَمْلَكَةْ إِسْرَائِيلْ.“›»