1 صَمُوِيل 1:3 - الكتاب المقدس بالعربي الدارجي هنا تشاد

³ وَ كُلِّ سَنَةْ أَلِقَانَى يَمْرُقْ مِنْ حِلِّتَهْ يَطْلَعْ وَ يَمْشِي لِحِلَّةْ شِيلَوْه أَشَانْ يَسْجُدْ وَ يِقَدِّمْ ضَحِيَّةْ لِلّٰهْ الْقَادِرْ. وَ دَا الْبَكَانْ الْقَاعِدِينْ فَوْقَهْ رُجَالْ الدِّينْ الْإِتْنَيْن حُفْنِي وَ فِينْحَاسْ أَوْلَادْ عَالِي. وَ هُمَّنْ مَسْؤُولِينْ مِنْ الضَّحِيَّةْ الْيِقَدُّمُوهَا لِلّٰهْ.

1 صَمُوِيل 1:3 Referenca të Kryqëzuara

لُوقا 2:41

وَ كُلِّ سَنَةْ، أَهَلْ عِيسَى يَمْشُوا فِي مَدِينَةْ الْقُدُسْ أَشَانْ يِعَيُّدُوا عِيدْ الْفِصْحَ.

يَشُوع 18:1

وَ بَعَدْ خَطَّوْا كُلَّ الْبَلَدْ تِحِتْ حُكُمْهُمْ، كُلَّ مُجْتَمَعْ بَنِي إِسْرَائِيلْ لَمَّوْا فِي شِيلَوْه وَ بَنَوْا خَيْمَةْ الْإِجْتِمَاعْ.

خُروج 34:23

تَلَاتَةْ مَرَّاتْ فِي السَّنَةْ، أَيِّ دَكَرْ مِنْكُو يَجِي قِدَّامِي لِيَعَبُدْنِي أَنَا اللّٰهْ الرَّبّ إِلٰـهْ بَنِي إِسْرَائِيلْ.

خُروج 23:14

«عَيُّدُوا لَيِّ تَلَاتَةْ مَرَّاتْ فِي السَّنَةْ.

1 صَمُوِيل 1:21

وَ بَعَدْ دَا، أَلِقَانَى وَ كُلَّ عَايِلْتَهْ دَوَّرَوْا يَمْشُوا فِي شِيلَوْه أَشَانْ يِقَدِّمْ الضَّحِيَّةْ هَنَا السَّنَةْ دِي لِلّٰهْ وَ يِقَدِّمْ الضَّحِيَّةْ الْهُو وَاعَدْ بَيْهَا فِي نَذْرَهْ.

1 صَمُوِيل 1:9

وَ يَوْم وَاحِدْ بَعَدْ مَا أَكَلَوْا وَ شِرْبَوْا فِي شِيلَوْه، حِنَّةْ قَمَّتْ. وَ فِي الْوَكِتْ دَا، رَاجِلْ الدِّينْ الْأُسْمَهْ عَالِي قَاعِدْ فِي كُرْسِيهْ جَنْب بَابْ بَيْت اللّٰهْ.

تَثْنِية 16:16

تَلَاتَةْ مَرَّاتْ فِي السَّنَةْ، أَيِّ دَكَرْ مِنْكُو يَجِي قِدَّامْ اللّٰهْ إِلٰـهْكُو فِي الْبَكَانْ الْهُو يَعَزِلَهْ. وَ دَا، فِي وَكِتْ عِيدْ الْخُبْزَةْ بَلَا تَوَّارَةْ وَ عِيدْ الْقَطِعْ وَ عِيدْ اللَّقَادِيبْ. وَ أَبَداً مَا تَجُوا قِدَّامْ اللّٰهْ إِلٰـهْكُو إِيدَيْكُو يَابْسِينْ.

قُضياء 18:31

وَ الصَّنَمْ الصَّنَعَهْ مِيكَا قَاعِدْ فِي بَكَانَهْ فِي كُلَّ الْمُدَّةْ الْقَاعِدْ فَوْقهَا بَيْت اللّٰهْ فِي شِيلَوْه.

زَبُور 78:60

هُو أَبَى مَسْكَنْ الْعِبَادَةْ فِي شِيلَوْه وَ دِي الْخَيْمَةْ الْهُو سَكَنْ فَوْقهَا فِي أُسْط النَّاسْ.

1 صَمُوِيل 4:11

وَ كَنْ لِصَنْدُوقْ الرَّبّ، الْفِلِسْطِيِّينْ شَالَوْه. وَ أَوْلَادْ عَالِي الْإِتْنَيْن حُفْنِي وَ فِينْحَاسْ كُلَ مَاتَوْا.

1 صَمُوِيل 4:4

وَ خَلَاصْ، رَسَّلَوْا نَاسْ فِي حِلَّةْ شِيلَوْه وَ جَابَوْا صَنْدُوقْ مُعَاهَدَةْ اللّٰهْ الْقَادِرْ، هُو الْقَاعِدْ فِي الْعَرْشَهْ أَمْبَيْن الْمَخْلُوقِينْ السَّمَاوِيِّينْ. وَ أَوْلَادْ عَالِي الْإِتْنَيْن حُفْنِي وَ فِينْحَاسْ، هُمَّنْ كُلَ مَشَوْا مَعَ صَنْدُوقْ مُعَاهَدَةْ الرَّبّ.

1 صَمُوِيل 3:13

وَ أَنَا قُلْت لَيَّهْ نِعَاقِبْ ذُرِّيّتَهْ عِقَابْ دَايِمْ. وَ دَا، بِسَبَبْ الْحُقْرَةْ الْأَوْلَادَهْ قَاعِدِينْ يِسَوُّوهَا وَ هُو مَا عَاقَبَاهُمْ.

1 صَمُوِيل 2:34

وَ نَنْطِيكْ عَلَامَةْ وَ الْعَلَامَةْ دِي تَبْقَى مَوْت عِيَالَكْ حُفْنِي وَ فِينْحَاسْ فِي يَوْم وَاحِدْ.

خُروج 23:17

وَ تَلَاتَةْ مَرَّاتْ فِي السَّنَةْ، أَيِّ دَكَرْ مِنْكُو يَجِي قِدَّامِي أَنَا اللّٰهْ الرَّبّ لِيَعَبُدْنِي.

قُضياء 21:19

وَ بَعَدْ دَا، قَالَوْا: «كُلِّ سَنَةْ فِيَّهْ عِيدْ لِلّٰهْ فِي شِيلَوْه الْقَاعِدَةْ مُنْشَاقْ لِبَيْت إِيلْ وَ وَطِي لِلَبُونَةْ وَ صَبَاحْ لِلدَّرِبْ الْيَمْشِي مِنْ بَيْت إِيلْ لِشَكِيمْ.»

1 صَمُوِيل 2:19

وَ أَمَّهْ تِسَوِّي لَيَّهْ جَلَّابِيَّةْ صَغَيْرَةْ وَ تِوَدِّيهَا لَيَّهْ كُلِّ سَنَةْ وَكِتْ هِي تَمْشِي مَعَ رَاجِلْهَا لِيِقَدِّمْ ضَحِيَّةْ السَّنَةْ.

1 صَمُوِيل 14:3

وَ فِيَّهْ رَاجِلْ وَاحِدْ أُسْمَهْ أَخِيَّا وِلَيْد أَخِطُوبْ أَخُو إِكَبُودْ وِلَيْد فِينْحَاسْ وِلَيْد عَالِي الْهُو رَاجِلْ الدِّينْ هَنَا اللّٰهْ فِي حِلَّةْ شِيلَوْه. وَ أَخِيَّا دَا، هُو بَسْ كَبِيرْ رُجَالْ الدِّينْ وَ لَابِسْ الْفَرْمَلَةْ. وَ كُلَّ الْعَسْكَرْ مَا عِرْفَوْا كَدَرْ يُونَتَانْ مَا فِيهْ.