1 صَمُوِيل 1:26 - الكتاب المقدس بالعربي الدارجي هنا تشاد

²⁶ وَ حِنَّةْ قَالَتْ لَيَّهْ: «يَا سَيِّدِي، عِرِفْتِنِي وَلَّا؟ أَنَا الْمَرَةْ الْجَاتْ لَيْك يَوْم دَاكْ هِنِي سَأَلَتْ اللّٰهْ.

1 صَمُوِيل 1:26 Referenca të Kryqëzuara

2 مُلوك 4:30

وَ أَمّ الْوِلَيْد قَالَتْ: «نَحْلِفْ بِاللّٰهْ الْحَيّ وَ بِحَيَاتَكْ إِنْتَ كَدَرْ أَنَا مَا نَمْشِي بَلَاكْ إِنْتَ مِنْ الْبَكَانْ دَا.» وَ خَلَاصْ، أَلْيَسَعْ قَمَّ مَشَى مَعَاهَا.

2 مُلوك 2:6

وَ إِلِيَاسْ قَالْ لِأَلْيَسَعْ: «هَسَّعْ دَا، يَا وِلَيْدِي، أَقْعُدْ هِنِي أَشَانْ اللّٰهْ رَسَّلَانِي نَمْشِي بَحَرْ الْأُرْدُنْ.» وَ أَلْيَسَعْ رَدَّ وَ قَالْ: «يَا أَبُويِ، نَحْلِفْ بِاللّٰهْ الْحَيّ وَ بِحَيَاتَكْ إِنْتَ كَدَرْ أَنَا أَبَداً مَا نِخَلِّيكْ وِحَيْدَكْ.» وَ خَلَاصْ، أَتَّابَعَوْا تِنَيْنِتْهُمْ وَ مَشَوْا.

2 مُلوك 2:4

وَ إِلِيَاسْ قَالْ لِأَلْيَسَعْ: «هَسَّعْ دَا، يَا وِلَيْدِي، أَقْعُدْ هِنِي أَشَانْ اللّٰهْ رَسَّلَانِي نَمْشِي أَرِيحَا.» وَ أَلْيَسَعْ قَالْ: «يَا أَبُويِ، نَحْلِفْ بِاللّٰهْ الْحَيّ وَ بِحَيَاتَكْ إِنْتَ كَدَرْ أَنَا أَبَداً مَا نِخَلِّيكْ تَمْشِي وِحَيْدَكْ.» وَ خَلَاصْ، هُمَّنْ مَشَوْا سَوَا لِأَرِيحَا.

2 مُلوك 2:2

وَ وَكِتْ مَاشِينْ فِي الدَّرِبْ، إِلِيَاسْ قَالْ لِأَلْيَسَعْ: «أَقْعُدْ هِنِي أَشَانْ اللّٰهْ رَسَّلَانِي نَمْشِي بَيْت إِيلْ.» وَ لَاكِنْ أَلْيَسَعْ رَدَّ لَيَّهْ وَ قَالْ: «يَا أَبُويِ، نَحْلِفْ بِاللّٰهْ الْحَيّ وَ بِحَيَاتَكْ إِنْتَ كَدَرْ أَنَا أَبَداً مَا نِخَلِّيكْ وِحَيْدَكْ.» وَ خَلَاصْ، هُمَّنْ مَشَوْا سَوَا لِبَيْت إِيلْ.

2 صَمُوِيل 11:11

وَ أُرِيَّا رَدَّ لِدَاوُدْ وَ قَالْ: «صَنْدُوقْ اللّٰهْ وَ عَسْكَرْ بَنِي إِسْرَائِيلْ وَ بَنِي يَهُوذَا سَاكْنِينْ فِي خِيَمْ وَ سِيدِي يُوَابْ وَ نَاسَكْ الْآخَرِينْ قَاعِدِينْ بَرَّا فِي الْكَدَادَةْ. وَ بَيْدَا، كِكَّيْف نَمْشِي بَيْتِي وَ نَاكُلْ وَ نَشْرَبْ وَ نَرْقُدْ مَعَ مَرْتِي؟ دَا مَا مُمْكِنْ! نَحْلِفْ لَيْك بِحَيَاتَكْ إِنْتَ كَدَرْ شَيّءْ مِثِلْ دَا، أَبَداً مَا نِسَوِّيهْ.»

1 صَمُوِيل 20:3

وَ دَاوُدْ حَلَفْ لِيُونَتَانْ وَ قَالْ: «أَبُوكْ يَعَرِفْ عَدِيلْ كَدَرْ إِنْتَ رَضْيَانْ بَيِّ. وَ قَالْ فِي نَفْسَهْ: ‹خَلِّي يُونَتَانْ مَا يَسْمَعْ بِالشَّيّءْ دَا أَشَانْ دَا مَا يَبْقَى لَيَّهْ قَاسِي!› وَ لَاكِنْ أَنَا نَحْلِفْ لَيْك بِاللّٰهْ الْحَيّ وَ بِحَيَاتَكْ إِنْتَ، مَا فَضَّلْ بَيْنِي وَ بَيْن الْمَوْت إِلَّا شِبِرْ بَسْ!»

1 صَمُوِيل 17:55

وَ وَكِتْ دَاوُدْ مَشَى لِيِلَاقِي الْفِلِسْطِي، شَاوُولْ شَافَهْ وَ سَأَلْ أَبْنِيرْ قَايِدْ الدَّيْش وَ قَالْ: «يَا أَبْنِيرْ، الْوِلَيْد دَا هَنَا يَاتُو؟» وَ أَبْنِيرْ قَالْ: «اللّٰهْ يَنْصُرَكْ، يَا الْمَلِكْ! أَنَا مَا نَعَرْفَهْ.»

2 صَمُوِيل 14:19

وَ الْمَلِكْ قَالْ لَيْهَا: «هَلْ كُلَّ الْكَلَامْ دَا مَا جَايِ مِنْ يُوَابْ وَلَّا؟» وَ الْمَرَةْ قَالَتْ: «نَحْلِفْ بِحَيَاتَكْ إِنْتَ، يَا سِيدِي الْمَلِكْ. أَنَا مَا نَقْدَرْ نَكْدِبْ لَيْك، يَا سِيدِي الْمَلِكْ. بِأَكِيدْ، عَبْدَكْ يُوَابْ بَسْ كَلَّفَانِي بِالْكَلَامْ دَا.

تكوين 42:15

لَاكِنْ نِجَرِّبْكُو كَنْ كَلَامْكُو دَا صَحِيحْ. وَ بِحَيَاةْ فِرْعَوْن، كَنْ أَخُوكُو الصَّغَيَّرْ دَا مَا جِبْتُوهْ لَيِّ، إِنْتُو مَا تَمُرْقُوا مِنْ هِنِي.

1 صَمُوِيل 25:26

وَ هَسَّعْ، يَا سَيِّدِي، نَحْلِفْ لَيْك بِاللّٰهْ الْحَيّ وَ بِحَيَاتَكْ إِنْتَ كَدَرْ اللّٰهْ دَحَرَكْ مِنْ دَفِّقِينْ الدَّمّ وَ كَفِّينْ التَّارْ. خَلِّي عُدْوَانَكْ وَ كُلَّ النَّاسْ الْيِدَوْرُوا لَيْك الْفَسَالَةْ يَبْقَوْا مِثِلْ نَابَالْ، يَا سَيِّدِي!

1 أخبار 4:10

يَعْبِيصْ سَأَلْ اللّٰهْ وَ قَالْ: «يَا اللّٰهْ إِلٰـهْ بَنِي إِسْرَائِيلْ، بَارِكْنِي وَ وَسِّعْ أَرْضِي وَ أَحْفَضْنِي وَ طَرِّفْ مِنِّي الشَّرّ وَ التَّعَبْ.» وَ اللّٰهْ أَنْطَاهْ لِيَعْبِيصْ كُلَّ شَيّءْ الْهُو سَأَلَهْ.