1 صَمُوِيل 1:23 - الكتاب المقدس بالعربي الدارجي هنا تشاد

²³ وَ رَاجِلْهَا قَالْ: «سَوِّي الشَّيّءْ التِّدَوْرَهْ. وَ أَقْعُدِي لَحَدِّي تَفُرْدِيهْ. وَ اللّٰهْ بَسْ يِحَقِّقْ كَلَامَهْ.» وَ خَلَاصْ، حِنَّةْ قَعَدَتْ فِي الْبَيْت وَ كَرَبَتْ وِلَيْدهَا لَحَدِّي فَرَدَتَهْ.

1 صَمُوِيل 1:23 Referenca të Kryqëzuara

2 صَمُوِيل 7:25

وَ هَسَّعْ دَا، يَا اللّٰهْ إِلٰـهِي، الْكَلَامْ الْقُلْتَهْ فَوْقِي أَنَا عَبْدَكْ وَ فَوْق عَايِلْتِي دَا، خَلِّي يِلْحَقَّقْ إِلَى الْأَبَدْ. وَ تَمِّمْ كُلَّ شَيّءْ الْقُلْتَهْ.

لُوقا 11:27

وَ وَكِتْ هُو قَاعِدْ يِحَجِّي لِلنَّاسْ، مَرَةْ وَاحِدَةْ فِي أُسُطْهُمْ نَادَتْ وَ قَالَتْ: «مَبْرُوكْ لِلْمَرَةْ الْوِلْدَتَكْ وَ رَبَّتَكْ.»

مَتَّى 24:19

فِي الْوَكِتْ دَا، يَبْقَى قَاسِي مَرَّةْ وَاحِدْ لِلْعَوِينْ الْغَلْبَانَاتْ وَ الْعَوِينْ الْيِرَضِّعَنْ.

إشَعْيا 44:26

أَنَا نِحَقِّقْ كَلَامْ عَبْدِي وَ نِتِمّ خِطَّةْ رُسُلِي. نُقُولْ لِمَدِينَةْ الْقُدُسْ: ‹خَلِّي يَسْكُنُوهَا!› وَ لِحِلَّالْ بَلَدْ يَهُوذَا: ‹خَلِّي يَبْنُوهُمْ مِنْ جَدِيدْ!› وَ نِقَوِّمْ دَرَادِرْهُمْ الدَّفَّقَوْا.

زَبُور 22:9

إِنْتَ بَسْ الْمَرَقْتِنِي مِنْ بَطُنْ أَمِّي وَ خَطَّيْتنِي فِي صَدُرْهَا بِأَمَانْ.

1 صَمُوِيل 1:17

وَ عَالِي رَدَّ لَيْهَا وَ قَالْ: «أَمْشِي بِالسَّلَامَةْ. وَ خَلِّي اللّٰهْ إِلٰـهْ بَنِي إِسْرَائِيلْ يَنْطِيكِ الشَّيّءْ السَّأَلْتِيهْ مِنَّهْ.»

عَدد 30:12

وَ لَاكِنْ كَنْ رَاجِلْهَا يِبَطِّلْ كَلَامْهَا فِي نَفْس الْيَوْم وَكِتْ هُو سِمِعْ، خَلَاصْ هِي مَا عِنْدَهَا نَذِرْ وَ لَا عِنْدَهَا حَلِيفَةْ أَشَانْ رَاجِلْهَا بَطَّلَاهُمْ وَ اللّٰهْ يَغْفِرْ لَيْهَا.

1 صَمُوِيل 14:36

وَ شَاوُولْ قَالْ: «خَلِّي اللَّيْلَةْ دِي نَمْشُوا وَرَاءْ الْفِلِسْطِيِّينْ وَ نَقْلَعَوْا خُمَامْهُمْ لَحَدِّي الْفَجُرْ. وَ مَا نِخَلُّوا وَاحِدْ كُلَ مِنْهُمْ يِفَضِّلْ.» وَ الْعَسْكَرْ رَدَّوْا لَيَّهْ وَ قَالَوْا: «سَوِّي كُلَّ شَيّءْ التِّدَوْرَهْ.» وَ لَاكِنْ رَاجِلْ الدِّينْ قَالْ: «خَلِّي هِنِي بَسْ نَسْأَلَوْا الرَّبّ.»

1 صَمُوِيل 14:40

وَ هُو قَالْ لِكُلَّ بَنِي إِسْرَائِيلْ: «أَقِيفُوا إِنْتُو بِهِنَاكْ وَ أَنَا وَ وِلَيْدِي يُونَتَانْ نَقِيفُوا بِهِنِي.» وَ الْعَسْكَرْ قَالَوْا لِشَاوُولْ: «سَوِّي كُلَّ شَيّءْ التِّدَوْرَهْ.»

1 مُلوك 3:21

وَ بِفَجُرْ وَكِتْ قَمَّيْت نِرَضِّعْ وِلَيْدِي، لِقِيتَهْ مَيِّتْ. وَ وَكِتْ الصَّبَاحْ أَصْبَحْ، أَنَا أَكَّدْت الْوِلَيْد دَا عَدِيلْ وَ عِرِفْت كَدَرْ دَا مَا وِلَيْدِي الْأَنَا وِلِدْتَهْ.»