1 صَمُوِيل 1:21 - الكتاب المقدس بالعربي الدارجي هنا تشاد

²¹ وَ بَعَدْ دَا، أَلِقَانَى وَ كُلَّ عَايِلْتَهْ دَوَّرَوْا يَمْشُوا فِي شِيلَوْه أَشَانْ يِقَدِّمْ الضَّحِيَّةْ هَنَا السَّنَةْ دِي لِلّٰهْ وَ يِقَدِّمْ الضَّحِيَّةْ الْهُو وَاعَدْ بَيْهَا فِي نَذْرَهْ.

1 صَمُوِيل 1:21 Referenca të Kryqëzuara

1 صَمُوِيل 1:3

وَ كُلِّ سَنَةْ أَلِقَانَى يَمْرُقْ مِنْ حِلِّتَهْ يَطْلَعْ وَ يَمْشِي لِحِلَّةْ شِيلَوْه أَشَانْ يَسْجُدْ وَ يِقَدِّمْ ضَحِيَّةْ لِلّٰهْ الْقَادِرْ. وَ دَا الْبَكَانْ الْقَاعِدِينْ فَوْقَهْ رُجَالْ الدِّينْ الْإِتْنَيْن حُفْنِي وَ فِينْحَاسْ أَوْلَادْ عَالِي. وَ هُمَّنْ مَسْؤُولِينْ مِنْ الضَّحِيَّةْ الْيِقَدُّمُوهَا لِلّٰهْ.

تَثْنِية 12:11

وَ اللّٰهْ إِلٰـهْكُو يَعَزِلْ بَكَانْ لِيُخُطّ فَوْقَهْ أُسْمَهْ. وَ فِي الْبَكَانْ دَا بَسْ، تِقَدُّمُوا كُلَّ شَيّءْ النَّامُرْكُو بَيَّهْ مِثِلْ ضَحَايَاكُو الْمُحَرَّقِينْ وَ ضَحَايَاكُو الْآخَرِينْ وَ عُشُورْكُو وَ زَكَاتْكُو. وَ تِقَدُّمُوا كُلَّ الْهَدَايَا الْعَزَلْتُوهُمْ لِنَذِرْكُو السَّوَّيْتُوهْ لِلّٰهْ.

يَشُوع 24:15

وَ لَاكِنْ كَنْ مَا تِدَوْرُوا تَعَبُدُوا اللّٰهْ، أَعَزُلُوا الْيَوْم الْإِلٰـهْ التِّدَوْرُوا تَعَبُدُوهْ. مُمْكِنْ تِشِيلُوا إِلٰـهَاتْ الْعَبَدَوْهُمْ جُدُودْكُو غَادِي لِبَحَرْ الْفُرَاتْ، وَلَّا تِشِيلُوا إِلٰـهَاتْ الْأَمُورِيِّينْ مِنْ الْبَلَدْ الْإِنْتُو سَاكْنِينْ فَوْقهَا. وَ لَاكِنْ أَنَا وَ عَايِلْتِي كَمَانْ، أَنِحْنَ نَعَبُدُوا اللّٰهْ!»

زَبُور 101:2

أَنَا نِدَوْر نَمْشِي قِدَّامَكْ بِالتَّمَامْ. مَتَى تَجِي لَيِّ؟ فِي بَيْتِي، نَعَرِفْ كِكَّيْف نَمْشِي بِقَلِبْ تَمَامْ.

تكوين 18:19

أَنَا عَزَلْتَهْ لِيِوَصِّي عِيَالَهْ وَ ذُرِّيّتَهْ لِيِتَابُعُوا دَرِبْ اللّٰهْ وَ يِسَوُّوا الْحَقّ وَ الْعَدَالَةْ. وَ بِمِثِلْ دَا، أَنَا اللّٰهْ نِحَقِّقْ الشَّيّءْ الْقُلْت نِسَوِّيهْ لِإِبْرَاهِيمْ.»

1 صَمُوِيل 2:19

وَ أَمَّهْ تِسَوِّي لَيَّهْ جَلَّابِيَّةْ صَغَيْرَةْ وَ تِوَدِّيهَا لَيَّهْ كُلِّ سَنَةْ وَكِتْ هِي تَمْشِي مَعَ رَاجِلْهَا لِيِقَدِّمْ ضَحِيَّةْ السَّنَةْ.

تَثْنِية 12:6

وَ فِي الْبَكَانْ دَا بَسْ، إِنْتُو تِقَدُّمُوا ضَحَايَاكُو الْمُحَرَّقِينْ وَ ضَحَايَاكُو الْآخَرِينْ وَ عُشُورْكُو وَ زَكَاتْكُو. وَ تِقَدُّمُوا نَذِرْكُو وَ الْهَدِيَّةْ التَّنْطُوهَا بِنِيِّتْكُو وَ أَوْلَادْ الْبِكِرْ هَنَا بَقَرْكُو وَ غَنَمْكُو.