1 بُطْرُس 5:8 - الكتاب المقدس بالعربي الدارجي هنا تشاد

⁸ خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

1 بُطْرُس 5:8 Referenca të Kryqëzuara

أفَسُس 6:11

أَلْبَسَوْا سِلَاحْ اللّٰهْ الْكَامِلْ أَشَانْ تَقْعُدُوا بَيَّهْ ثَابْتِينْ وَ نَجَاضَةْ إِبْلِيسْ مَا تِنَّصِرْ فَوْقكُو.

يَعْقُوب 4:7

فِي شَانْ دَا، أَسْمَعَوْا كَلَامْ اللّٰهْ وَ أَقِيفُوا ضِدّ إِبْلِيسْ وَ إِبْلِيسْ يَجْرِي بَعِيدْ مِنْكُو.

أيُّوب 2:2

وَ اللّٰهْ قَالْ لِإِبْلِيسْ: «إِنْتَ جَايِ مِنْ وَيْن؟» وَ إِبْلِيسْ رَدَّ لِلّٰهْ وَ قَالْ: «لَفَّيْت فِي كُلَّ الْأَرْض وَ رُغْت فَوْقهَا.»

أفَسُس 4:27

أَشَانْ مَا تَنْطُوا فُرْصَةْ لِإِبْلِيسْ.

1 بُطْرُس 1:13

أَشَانْ دَا، خُطُّوا بَالْكُو. أَقْعُدُوا ثَابْتِينْ. خُطُّوا عَشَمْكُو كُلَّ كَيْ فِي النِّعْمَةْ التَّلْقَوْهَا فِي الْيَوْم الْعِيسَى الْمَسِيحْ يِبِينْ فَوْقَهْ.

1 بُطْرُس 4:7

كُمَالَةْ كُلَّ شَيّءْ قَرِيبْ. أَشَانْ دَا، خُطُّوا بَالْكُو وَ أَقْعُدُوا ثَابْتِينْ دَايْماً أَشَانْ تَقْدَرَوْا تِصَلُّوا فِي أَيِّ وَكِتْ.

لُوقا 21:36

أَبْقَوْا دَايْماً وَاعِيِّينْ وَ أَسْأَلَوْا قُدْرَةْ مِنْ اللّٰهْ أَشَانْ تَنْجَوْا مِنْ كُلَّ الْأَشْيَاءْ الْيَبْقَوْا دَوْل وَ فِي الأَخِيرْ تَقِيفُوا قِدَّامْ إِبْن الْإِنْسَانْ.»

لُوقا 22:31

وَ عِيسَى قَالْ: «يَا سِمْعَانْ، يَا سِمْعَانْ. أَسْمَعْ. إِبْلِيسْ سَأَلْ إِذِنْ أَشَانْ يِجَرِّبْ إِيمَانْكُو وَ يِغَرْبِلْكُو مِثِلْ غَلَّةْ.

تِيطُس 2:12

وَ هِي تِدَرِّبْنَا أَشَانْ نِخَلُّوا مِنِّنَا الْكُفُرْ وَ شَهْوَاتْ الدُّنْيَا وَ نِعِيشُوا فِي الدُّنْيَا بِحَالْ عَاقْلَةْ وَ صَالْحَةْ وَ تَقِيَّةْ.

رُؤية 12:12

يَا السَّمَاوَاتْ وَ كُلَّ سُكَّانْكُو، أَفْرَحَوْا! لَاكِنْ يَا الْأَرْض وَ الْبَحَرْ، التَّعَبْ يَرْجَاكُو أَشَانْ إِبْلِيسْ دَلَّى لَيْكُو وَ هُو زَعْلَانْ بِلْحَيْن أَشَانْ هُو يَعَرِفْ وَكْتَهْ ضَيِّقْ.»

يُوحَنَّا 8:44

أَبُوكُو هُو إِبْلِيسْ وَ إِنْتُو عِيَالَهْ وَ تِدَوْرُوا تِسَوُّوا الشَّيّءْ الْهُو يِدَوْرَهْ. هُو كَتَّالْ دِمَمْ مِنْ الْبِدَايَةْ وَ أَبَداً مَا دَوَّرْ الْحَقّ أَشَانْ فِي قَلْبَهْ، الْحَقّ مَا فِيهْ. كَلَامْ الْكِدِبْ بِقِي لَيَّهْ لُغِّتَهْ أَشَانْ هُو كَدَّابْ وَ كُلَّ الْكَلَامْ الْكِدِبْ، هُو أَبُوهْ.

مَتَّى 13:39

وَ الْعَدُو التَّيْرَبْ السِّعِدْ يِمَثِّلْ إِبْلِيسْ. وَ وَكْت الْقَطِعْ دَا، يِمَثِّلْ كُمَالَةْ الدُّنْيَا وَ الْخَدَّامِينْ الْيَقْطَعَوْا السِّعِدْ وَ الْقَمَحْ، هُمَّنْ الْمَلَائِكَةْ.

رُؤية 12:9

وَ الْغُولْ الْكَبِيرْ رَمَوْه وَ هُو بَسْ الدَّابِي الْقَاعِدْ مِنْ زَمَانْ وَ أُسْمَهْ إِبْلِيسْ وَ الشَّيْطَانْ وَ هُو الْكَدَّابْ الْغَشَّ نَاسْ الدُّنْيَا كُلُّهُمْ. وَ هُو رَمَوْه فِي الْأَرْض وَ مَلَائِكَتَهْ كُلَ رَمَوْهُمْ مَعَايَهْ.

مَتَّى 24:42

وَ خَلَاصْ، أَقْعُدُوا وَاعِيِّينْ أَشَانْ إِنْتُو مَا تَعَرْفُوا يَوْم جَيَّةْ رَبُّكُو.

رُؤية 20:10

وَ إِبْلِيسْ الْأَوَّلْ غَشَّاهُمْ رَمَوْه فِي بَحَرْ هَنَا نَارْ وَ كِبْرِيتْ أَصْفَرْ. وَ دَا نَفْس الْبَكَانْ الْأَوَّلْ رَمَوْا فَوْقَهْ الْحَيْوَانْ الْفَسِلْ وَ الْكَدَّابْ السَّوَّى نَفْسَهْ نَبِي. وَ يِعَذُّبُوهُمْ لَيْل وَ نَهَارْ دَايْماً وَ إِلَى الْأَبَدْ.

لُوقا 21:34

«خُطُّوا بَالْكُو فِي نُفُوسْكُو. أَشَانْ كَنْ تِخَلُّوا قُلُوبْكُو يِنْشَغْلُوا بِالسَّفَاهَةْ وَ السَّكَرْ وَ كَنْ تِنْشَغْلُوا بِهُمُومْ الدُّنْيَا، الْيَوْم دَا يَجِي فَجْأَةً

زَكَرِيَّا 3:1

وَ بَعَدْ دَا، اللّٰهْ شَوَّفَانِي يَشُوعْ كَبِيرْ رُجَالْ الدِّينْ وَاقِفْ قِدَّامْ مَلَكْ اللّٰهْ. وَ إِبْلِيسْ التَّهَّامْ وَاقِفْ بِنُصّ الزَّيْنَةْ هَنَا يَشُوعْ لِيَتْهَمَهْ.

تِيطُس 1:8

لَاكِنْ وَاجِبْ يَبْقَى نَادُمْ كَرِيمْ لِلضِّيفَانْ وَ يِرِيدْ الْخَيْر وَ عَاقِلْ وَ عَادِلْ وَ صَالِحْ وَ يِثَبِّتْ نَفْسَهْ.

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

عَمُوس 3:8

الدُّودْ كَنْ كَرَّ، يَاتُو الْمَا يَخَافْ؟ اللّٰهْ الرَّبّ كَنْ كَلَّمْ، يَاتُو الْمَا يِبَلِّغْ كَلَامَهْ؟

تِيطُس 2:6

وَ وَصِّي الصُّبْيَانْ أَشَانْ يِثَبُّتُوا نُفُوسْهُمْ.

تِيطُس 2:2

وَصِّي الشِّيَّابْ أَشَانْ يَبْقَوْا عَاقْلِينْ وَ مُحْتَرَمِينْ وَ خَلِّي بَالْهُمْ يَبْقَى وَسِيعْ. وَ خَلِّي يَبْقَوْا ثَابْتِينْ فِي الْإِيمَانْ وَ الْمَحَبَّةْ وَ الصَّبُرْ.

هُوشَع 11:10

«نَاسْ الْفِي الْغُرْبَةْ يُقُمُّوا يِتَابُعُونِي وَكِتْ أَنَا اللّٰهْ نِكِرّ مِثِلْ الدُّودْ. أَيْوَى، أَنَا نَهْرِجْ وَ عِيَالِي يَرْجُفُوا وَ يَجُوا مِنْ غَادِي لِلْبَحَرْ.

إشَعْيا 50:8

الْيِبَرِّينِي قَرِيبْ! يَاتُو الْيَشْكِينِي؟ خَلِّي نَقِيفُوا قِدَّامْ الشَّرِيعَةْ! يَاتُو الْيَتْهَمْنِي؟ خَلِّي يِقَرِّبْ لَيِّ!

أمْثال 20:2

غَضَبْ الْمَلِكْ مِثِلْ قَرْقَرَانْ الدُّودْ. كَنْ تَلْعَبْ بَيَّهْ، تُمُوتْ.

زَبُور 104:21

الدِّيدَانْ يِكِرُّوا لِيَلْقَوْا فَرِيسِتْهُمْ وَ يِفَتُّشُوا أَكِلْهُمْ مِنَّكْ إِنْتَ، يَا رَبّ!

1 تِمُوتَاوُس 2:15

وَ لَاكِنْ الْمَرَةْ تَنْجَى بِوَالُودَةْ الْوِلَيْد. وَ خَلَاصْ، الْعَوِينْ يَنْجَنْ كَنْ يَقْعُدَنْ ثَابْتَاتْ فِي الْإِيمَانْ وَ الْمَحَبَّةْ وَ الْحَالْ الصَّالْحَةْ مَعَ الْأَدَبْ.

رُؤية 20:2

وَ هُو كَرَبْ الْغُولْ وَ جَنْزَرَهْ أَشَانْ يَقْعُدْ مُجَنْزَرْ مُدَّةْ أَلِفْ سَنَةْ. وَ الْغُولْ، هُو الدَّابِي الْقَاعِدْ مِنْ زَمَانْ وَ هُو بَسْ إِبْلِيسْ وَ الشَّيْطَانْ.

تِيطُس 2:4

وَ بِمِثِلْ دَا، يِشَجِّعَنْ الشَّابَّاتْ أَشَانْ يِرِيدَنْ رُجَالْهِنْ وَ عِيَالْهِنْ

1 تِمُوتَاوُس 3:11

وَ نَفْس الشَّيّءْ لِعَوِينْهُمْ. وَاجِبْ مَرِةْ الْمُعَاوِنْ تَبْقَى مُحْتَرَمَةْ وَ مَا قَوَّالَةْ لَاكِنْ عَاقْلَةْ وَ أَمِينَةْ فِي كُلِّ شَيّءْ.

يُوِيل 3:16

مِنْ صَهْيُون، اللّٰهْ يَهْرِجْ وَ مِنْ مَدِينَةْ الْقُدُسْ حِسَّهْ يِنْسَمِعْ وَ السَّمَاءْ وَ الْأَرْض يَرْجُفُوا. وَ لَاكِنْ اللّٰهْ هُو مَلْجَأْ لِشَعَبَهْ وَ مَسْكَنْ قَوِي لِبَنِي إِسْرَائِيلْ.

1 تِمُوتَاوُس 2:9

وَ نِدَوْر كَدَرْ كُلِّ مَرَةْ تَلْبَسْ لُبَاسْ عَادِي الْيِغَطِّي جِسِمْهَا مِثِلْ الْوَاجِبْ. خَلِّي الْمَرَةْ مَا تِلْجَمَّلْ بِالْمُشَاطْ الْمَا بِشَابِهْ وَ لَا بِدَهَبْ وَ لَا مَرَجَانْ وَ لَا لُبَاسْ هَنَا فَشَارْ،

مَتَّى 4:1

وَ الرُّوحْ الْقُدُّوسْ وَدَّى عِيسَى فِي الْخَلَاءْ أَشَانْ إِبْلِيسْ يِجَرِّبَهْ.

هُوشَع 13:8

نَهْجِمْكُو مِثِلْ مَرْفَعِينْ الْوَدَّرْ عِيَالَهْ وَ نُشُقّ صُدُورْكُو. فِي الْبَكَانْ دَا، نَاكُلْكُو مِثِلْ مَرْة الدُّودْ وَ حَيْوَانَاتْ الْكَدَادَةْ الْخَطِيرِينْ يِشَرُّطُوكُو.

1 تِمُوتَاوُس 3:2

وَ أَشَانْ دَا، خَلِّي أَيِّ نَادُمْ الْمَسْؤُولْ فِي الْمُؤمِنِينْ يَبْقَى نَادُمْ الْمَا عِنْدَهْ أَيِّ عَيْب. وَاجِبْ يَبْقَى رَاجِلْ مَرْتَهْ وَاحِدَةْ بَسْ وَ عَاقِلْ وَ مُلْتَزِمْ وَ مُكَرَّمْ وَ كَرِيمْ لِلضِّيفَانْ وَ قَادِرْ فِي الْعَلِّمِينْ.

مَتَّى 25:41

«وَ بَتَّانْ، يِحَجِّي لِلنَّاسْ الْقَاعِدِينْ فِي نُصَّهْ الْإِسْرَايْ وَ يُقُولْ: ‹كِسُّوا بَعِيدْ مِنِّي، إِنْتُو الْمَلْعُونِينْ! أَمْشُوا فِي النَّارْ الْأَبَدِيَّةْ الْاللّٰهْ جَهَّزَاهَا لِإِبْلِيسْ وَ خَدَّامِينَهْ.

مَتَّى 4:11

وَ خَلَاصْ إِبْلِيسْ خَلَّاهْ وَ مَلَائِكَةْ جَوْا لِعِيسَى وَ سَاعَدَوْه.

عَمُوس 3:4

الدُّودْ يَقْدَرْ يِكِرّ فِي الْغَابَةْ كَنْ مَا كَتَلْ وَلَّا؟ وَلْد الدُّودْ حِسَّهْ يِنْسَمِعْ فِي نُقُرْتَهْ كَنْ مَا لِقِي أَكِلْ وَلَّا؟

دَنْيال 6:24

وَ الْمَلِكْ أَمَرْ يِجِيبُوا الرُّجَالْ الشَّكَوْا دَنْيَالْ. وَ جَابَوْهُمْ وَ رَمَوْهُمْ فِي نُقْرَةْ الدِّيدَانْ، هُمَّنْ وَ عِيَالْهُمْ وَ عَوِينْهُمْ. وَ مَا لِحْقَوْا قَعَرْ النُّقْرَةْ كَيْ بَسْ، الدِّيدَانْ خَطَفَوْهُمْ وَ كَسَّرَوْا عُضَامْهُمْ.

حِزْقِيال 22:25

وَ أَنْبِيَائْهَا قَاعِدِينْ يِلآمَرَوْا فِي أُسُطْهَا. مِثِلْ دُودْ الْكَتَلْ صَيْدِتَهْ وَ قَاعِدْ يِكِرّ، النَّاسْ يَكْتُلُوا دِمَّةْ وَ يَنْهَبَوْا الْغُنَى وَ الْأَشْيَاءْ الْغَالِيِّينْ وَ يِكَتُّرُوا الْأَرَامِلْ فِي أُسْط الْمَدِينَةْ.

أمْثال 19:12

غَضَبْ الْمَلِكْ مِثِلْ قَرْقَرَانْ الدُّودْ لَاكِنْ رِضَايَهْ مِثِلْ الْمَطَرْ لِلْقَشّ.

أسْتِير 7:6

وَ أَسْتِيرْ قَالَتْ: «الْعَدُو وَ الْخَصِيمْ، هُو هَمَانْ الْفَسِلْ دَا!» وَ خَلَاصْ فِي الْبَكَانْ دَا، هَمَانْ قَاعِدْ يَرْجِفْ مِنْ الْخَوْف قِدَّامْ الْمَلِكْ وَ الْمَلِكَةْ.

قُضياء 14:5

وَ خَلَاصْ، شَمْشُونْ مَشَى تِمْنَةْ مَعَ أَبُوهْ وَ أَمَّهْ. وَ وَكِتْ وَصَّلَوْا فِي جِنَيْنَاتْ الْعِنَبْ هَنَا تِمْنَةْ، شَمْشُونْ شَافْ فَرْخ هَنَا دُودْ قَاعِدْ يِكِرّ جَارِي جَايِ لَيَّهْ.

زَكَرِيَّا 11:3

أَسْمَعَوْا! الرُّعْيَانْ يَبْكُوا بِحِزِنْ أَشَانْ بَكَانْهُمْ الْعَظِيمْ خِرِبْ. أَسْمَعَوْا! الدِّيدَانْ يِكِرُّوا أَشَانْ غَابَةْ الْأُرْدُنْ خِرْبَتْ.

حِزْقِيال 19:7

هُو دَمَّرْ قُصُورْهُمْ الْقَوِيِّينْ وَ خَرَبْ مُدُنْهُمْ. وَ الْبَلَدْ قَعَدَتْ خَرَابْ مِنْ سُكَّانْهَا بِسَبَبْ حِسّ قَرْقَرَانَهْ.

إرْمِيا 51:38

وَ نَاسْ بَابِلْ يِكِرُّوا مِثِلْ الدِّيدَانْ الصُّبْيَانْ وَ يَهَرْجُوا مِثِلْ عِيَالْ الدُّودْ.

إرْمِيا 2:15

عُدْوَانْهُمْ مِثِلْ دِيدَانْ الْيِكِرُّوا وَ حِسُّهُمْ أَنْسَمَعْ. خَرَبَوْا بَلَدْهُمْ وَ تَشَّوْا مُدُنْهُمْ وَ طَرَدَوْا سُكَّانْهُمْ.

زَبُور 109:6

وَ يُقُولُوا: «قَوِّمْ ضِدَّهْ شَرِيرْ وَ خَلِّي الْعَدُو يَقْعُدْ بِزَيْنَايْتَهْ.

عَمُوس 1:2

وَ عَمُوسْ قَالْ: «مِنْ صَهْيُون، اللّٰهْ غِضِبْ زِيَادَةْ. وَ مِنْ مَدِينَةْ الْقُدُسْ، حِسَّهْ أَنْسَمَعْ مِثِلْ قَرْقَرَانْ الدُّودْ. وَ كُلَّ مَرْعَى الرُّعْيَانْ جَفَّ وَ رَاسْ جَبَلْ الْكَرْمَلْ يِبِسْ.»

أمْثال 28:15

الْحَاكِمْ الْفَسِلْ لِشَعَبَهْ الْمِسْكِينْ هُو مِثِلْ دُودْ الْيِكِرّ وَ نِمِرْ الْيِفِرّ.

مَرْخُوس 4:15

وَ التَّيْرَابْ الْوَقَعْ فِي الدَّرِبْ، هُو يِمَثِّلْ النَّاسْ الْيَسْمَعَوْا كَلَامْ اللّٰهْ وَ طَوَّالِي شَيْطَانْ يَجِي وَ يِشِيلْ مِنْ قُلُوبْهُمْ الْكَلَامْ الْبَلَّغَوْه لَيْهُمْ.

2 كُرُنْتُس 2:11

وَ سَامَحْتَهْ أَشَانْ إِبْلِيسْ مَا يِنَّصِرْ فَوْقنَا. أَشَانْ أَنِحْنَ نَعَرْفُوا نِيَّةْ إِبْلِيسْ.

رُؤية 12:10

وَ أَنَا سِمِعْت حِسّ شَدِيدْ كَلَّمْ فِي السَّمَاءْ وَ قَالْ: «النَّجَاةْ الْاللّٰهْ جَهَّزَاهَا جَاتْ. وَ هَسَّعْ هُو وَصَّفْ قُدُرْتَهْ خَلَاصْ. مَمْلَكَةْ رَبِّنَا اللّٰهْ جَاتْ وَ الْمَسِيحْ الْاللّٰهْ خَطَّاهْ فَوْقهَا بَدَا يَحْكِمْ بِقُدْرَةْ. أَكِيدْ، رَمَوْه إِبْلِيسْ التَّاهِمْ أَخْوَانَّا الْمُؤمِنِينْ. أَوَّلْ هُو قَاعِدْ يَتْهَمْهُمْ قِدَّامْ اللّٰهْ لَيْل وَ نَهَارْ وَ خَلَاصْ هُو رَمَوْه.