1 بُطْرُس 5:5 - الكتاب المقدس بالعربي الدارجي هنا تشاد

⁵ وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.

1 بُطْرُس 5:5 Referenca të Kryqëzuara

يَعْقُوب 4:6

النِّعْمَةْ الْاللّٰهْ يَنْطِيهَا لَيْنَا كَبِيرَةْ زِيَادَةْ. وَ أَشَانْ دَا، الْكِتَابْ بُقُولْ: <اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.>

أمْثال 3:34

يِشَّمَّتْ لِلشَّمَّاتِينْ وَ لَاكِنْ يَرْضَى لِلْمَسَاكِينْ.

أفَسُس 5:21

أَبْقَوْا ضَلُولِينْ أَمْبَيْنَاتْكُو وَ خَلِّي أَيِّ وَاحِدْ يِكَرِّمْ الْآخَرْ فِي شَانْ الْمَسِيحْ.

رَوْمَا 12:10

أَرَّايَدَوْا أَمْبَيْنَاتْكُو مِثِلْ أَخْوَانْ وَ خَلِّي أَيِّ وَاحِدْ يِشِيلْ نِيَّةْ أَشَانْ يِحِبّ أَخُوهْ بِإِحْتِرَامْ.

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

كُلُوسِي 3:12

يَا النَّاسْ الْاللّٰهْ عَزَلَاكُو، بِقِيتُوا صَالِحِينْ وَ مَحْبُوبِينْ. أَشَانْ دَا، أَلْبَسَوْا الْمَحَنَّةْ وَ خَلِّي قُلُوبْكُو يَبْقَوْا بُيُضْ وَ نَفَسْكُو يَبْقَى بَارِدْ وَ أَبْقَوْا ضَلُولِينْ وَ صُبُورِينْ.

إشَعْيا 66:2

أَشَانْ كُلَّ الْأَشْيَاءْ دَوْل، إِيدِي بَسْ سَوَّتْهُمْ وَ مِثِلْ دَا بَسْ، هُمَّنْ مَوْجُودِينْ. دَاهُو النَّادُمْ الْأَنَا نَرْضَى بَيَّهْ، هُو الْمِسْكِينْ وَ رُوحَهْ مُحَطَّمَةْ وَ يَرْجِفْ مِنْ كَلَامِي.» وَ دَا كَلَامْ اللّٰهْ.

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

1 بُطْرُس 4:5

لَاكِنْ فِي الأَخِيرْ رَبِّنَا يِحَاسِبْهُمْ فِي فِعِلْهُمْ. هُو جَاهِزْ أَشَانْ يِحَاسِبْ الْحَيِّينْ وَ الْمَيْتِينْ.

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

عِبْرَانِيِّين 13:17

أَسْمَعَوْا كُبَارَاتْكُو وَ تَابُعُوا كَلَامْهُمْ عَدِيلْ. أَشَانْ هُمَّنْ قَاعِدِينْ يِفَكُّرُوا فَوْقكُو وَ يَعَرْفُوا كَدَرْ هُمَّنْ مَسْؤُولِينْ مِنْكُو قِدَّامْ اللّٰهْ الْيِحَاسِبْهُمْ. خَلِّي خِدْمِتْهُمْ دِي تَبْقَى لَيْهُمْ فَرْحَةْ. كَنْ تَبْقَى لَيْهُمْ قَاسِيَةْ، إِنْتُو كُلَ مَا تَلْقَوْا مِنْهَا فَايْدَةْ.

لاوِيِّين 19:32

«قُمّ لِسِيَادْ الصُّوفْ الْأَبْيَضْ وَ أَحْتَرِمْ الشِّيَّابْ. وَ بَيْدَا، تِوَصِّفْ خَوْفَكْ مِنِّي أَنَا إِلٰـهَكْ. وَ أَنَا بَسْ اللّٰهْ.

1 بُطْرُس 4:1

وَ بِمِثِلْ دَا، تَعَرْفُوا كَدَرْ الْمَسِيحْ لِقِي تَعَبْ فِي جِسْمَهْ. وَ قَوُّوا نُفُوسْكُو بِفِكِرْ مِثِلْ فِكْرَهْ أَشَانْ النَّادُمْ الْقِبِلْ تَعَبْ الْجِسِمْ خَلَّى مِنَّهْ الذُّنُوبْ.

زَبُور 132:9

خَلِّي نَاسَكْ رُجَالْ الدِّينْ يَلْبَسَوْا الْعَدَالَةْ مِثِلْ يَلْبَسَوْا خُلْقَانْهُمْ. وَ خَلِّي نَاسَكْ الصَّالِحِينْ يِغَنُّوا مِنْ فَرَحْهُمْ.

أيُّوب 29:14

نَلْبَسْ الْعَدَالَةْ وَ هِي تَكْسِينِي وَ الْحَقّ مِثِلْ خَلَقْ وَ كَدْمُولْ لَيِّ.

أيُّوب 22:29

وَ كَنْ نَاسْ وَاحِدِينْ يِلْمَسْكَنَوْا، إِنْتَ تُقُولْ: «قُمُّوا فَوْق!» أَشَانْ الرَّبّ يِنَجِّي الْمِسْكِينْ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

2 أخبار 6:41

وَ هَسَّعْ دَا، يَا اللّٰهْ الرَّبّ، قُمّ وَ تَعَالْ لِمَسْكَنَكْ، إِنْتَ وَ صَنْدُوقْ الْمُعَاهَدَةْ الْهُو عَلَامَةْ قُدُرْتَكْ. خَلِّي نَاسَكْ رُجَالْ الدِّينْ يَلْبَسَوْا النَّجَاةْ مِثِلْ يَلْبَسَوْا خُلْقَانْهُمْ. وَ خَلِّي نَاسَكْ الصَّالِحِينْ يَفْرَحَوْا بِخَيْرهُمْ.

زَبُور 132:16

نِلَبِّسْ نَاسْهَا رُجَالْ الدِّينْ بِخُلْقَانْ النَّجَاةْ وَ نَاسْهَا الصَّالِحِينْ يِغَنُّوا مِنْ فَرَحْهُمْ.

زَبُور 138:6

اللّٰهْ قَاعِدْ فِي الْعَالِي وَ يِشِيفْ الْمِسْكِينْ وَ مِنْ بَعِيدْ، يَعَرِفْ الْمُسْتَكْبِرْ.»

حِزْقِيال 26:16

كُلَّ مُلُوكْ هَنَا خَشُمْ الْبَحَرْ يَنْزُلُوا مِنْ كَرَاسِيهُمْ وَ يِسِلُّوا لُبَاسْهُمْ هَنَا الْمُلُوكْ وَ خُلْقَانْهُمْ الْمُكَلَّفِينْ. الْخَوْف يَكْرُبْهُمْ وَ يَقْعُدُوا فِي التُّرَابْ وَ يَرْجُفُوا فِي كُلَّ وَكِتْ وَ يِنْبَهْتُوا بِسَبَبْكِ.

لُوقا 22:26

لَاكِنْ مَا يَبْقَى مِثِلْ دَا أَمْبَيْنَاتْكُو. خَلِّي الْكَبِيرْ مِنْكُو يَبْقَى مِثِلْ الصَّغَيَّرْ وَ الْيُقُودْكُو مِثِلْ الْيَخْدِمْ لَيْكُو.

1 تِمُوتَاوُس 5:1

مَا تِكِشّ لِأَيِّ شَايِبْ لَاكِنْ حَجِّي لَيَّهْ بِأَدَبْ مِثِلْ هُو أَبُوكْ. وَ حَجِّي لِلصُّبْيَانْ مِثِلْ هُمَّنْ أَخْوَانَكْ.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

أمْثال 25:7

أَخَيْر يُقُولُوا لَيْك: «تَعَالْ فَوْق هِنِي» مِنْ يِعَيُّبُوكْ قِدَّامْ الْمَسْؤُولْ.

دَنْيال 11:12

وَ يَكْرُبْ الْعَسْكَرْ دَوْل وَ يَكْتُلْ مِنْهُمْ عَشَرَاتْ الْأُلُوفْ وَ يُقُمّ يِكَوْلِفْ وَ لَاكِنْ قُدُرْتَهْ دِي مَا تِطَوِّلْ.