1 بُطْرُس 5:3 - الكتاب المقدس بالعربي الدارجي هنا تشاد

³ وَ مَا تَمُلْكُوا بِشِدَّةْ فِي النَّاسْ الْاللّٰهْ كَلَّفَاكُو بَيْهُمْ مِثِلْ رُعْيَانْ لَاكِنْ أَبْقَوْا لَيْهُمْ مَثَلْ لَحَدِّي يِتَابُعُوا دَرِبْكُو.

1 بُطْرُس 5:3 Referenca të Kryqëzuara

2 تَسَلونِيكِي 3:9

وَ سَوَّيْنَا مِثِلْ دَا مَا أَشَانْ مَا عِنْدِنَا حَقّ نَطُلْبُوا مِنْكُو شَيّءْ، لَاكِنْ أَشَانْ نَبْقَوْا لَيْكُو مَثَلْ التِّتَابُعُوهْ.

فِلِبِّي 3:17

يَا أَخْوَانِي، خَلِّي كُلُّكُو تِتَابُعُوا مَثَلِي وَ شِيفُوا عَدِيلْ النَّاسْ الْعَايْشِينْ مِثِلْنَا وَ فَكُّرُوا فِي حَالْهُمْ.

حِزْقِيال 34:4

وَ إِنْتُو مَا سَمَّنْتُوا الْبَاطْلَةْ وَ مَا عَالَجْتُوا الْمَرْضَانَةْ وَ مَا رَبَطْتُوا رِجِلْ الْمَكْسُورَةْ وَ مَا جِبْتُوا الْمُوَدِّرَةْ وَ مَا فَتَّشْتُوا الرَّايْحَةْ. وَ لَاكِنْ إِنْتُو قَعَدْتُوا فِي رَاسْهُمْ بِقُوءْ وَ عُنُفْ.

2 كُرُنْتُس 1:24

وَ مَا نَعَصُرُوكُو فِي الشَّيّءْ الْبُخُصّ إِيمَانْكُو أَشَانْ نَعَرْفُوا كَدَرْ إِنْتُو ثَابْتِينْ فِي الْإِيمَانْ. لَاكِنْ، أَخَيْر لَيْنَا نَخْدُمُوا مَعَاكُو أَشَانْ فَرْحِتْكُو تِزِيدْ.

تِيطُس 2:7

أَبْقَى لَيْهُمْ مَثَلْ فِي كُلِّ شَيّءْ. وَصِّفْ لَيْهُمْ بِحَالَكْ كِكَّيْف يِسَوُّوا الْخَيْر. وَ خَلِّيهُمْ يِشِيفُوا كَدَرْ إِنْتَ نَادُمْ مُخْلِصْ فِي تَعْلِيمَكْ وَ مُنْكَرِبْ فَوْقَهْ.

1 تِمُوتَاوُس 4:12

مَا تِخَلِّي نَادُمْ يَحْقِرَكْ بِسَبَبْ إِنْتَ صَغَيَّرْ فِي الْعُمُرْ. سَوِّي نَفْسَكْ مَثَلْ لِلْمُؤمِنِينْ فِي كَلَامَكْ وَ حَالَكْ. خَلِّي يِشِيفُوا فَوْقَكْ الْمَحَبَّةْ وَ الْإِيمَانْ وَ الطِّهَارَةْ.

أعمال الرُسُل 20:28

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

فِلِبِّي 4:9

وَ طَبُّقُوا دَايْماً كُلَّ شَيّءْ الْعَلَّمْتُوهْ مِنِّي وَ لِقِيتُوهْ مِنِّي، كَنْ مِنْ كَلَامِي السِّمِعْتُوهْ وَلَّا مِنْ حَالِي الشِّفْتُوهَا. وَ اللّٰهْ رَبّ السَّلَامْ يُكُونْ مَعَاكُو.

2 كُرُنْتُس 4:5

وَ الْكَلَامْ النِّبَلُّغُوهْ مَا بُخُصّ نُفُوسْنَا. لَاكِنْ نِبَلُّغُوا بِعِيسَى الْمَسِيحْ وَ نُقُولُوا هُو بَسْ الرَّبّ. وَ أَنِحْنَ خَدَّامِينْ بَسْ وَ نَخْدُمُوا لَيْكُو فِي شَانَهْ.

1 كُرُنْتُس 11:11

وَ دَا كُلَّ صَحِيحْ لَاكِنْ فِي نِظَامْ رَبِّنَا. بَلَا الرَّاجِلْ، الْمَرَةْ مَا فِيهَا. وَ بَلَا الْمَرَةْ، الرَّاجِلْ مَا فِيهْ.

مِيخا 7:14

يَا رَبّ، قُودْ شَعَبَكْ الْمِثِلْ وَرَثَتَكْ مِثِلْ رَاعِي يُقُودْ غَنَمَهْ بِدُقْلَهْ. هُمَّنْ قَاعِدِينْ وِحَيْدهُمْ فِي الْغَابَةْ مُحَوَّقَةْ بِجِنَيْنَاتْ عِنَبْ. خَلِّيهُمْ يَسْرَحَوْا مِثِلْ زَمَانْ فِي مَرْعَى بَاشَانْ وَ فِي بَكَانْ هَنَا سَرْحَةْ فِي قِلْعَادْ.

زَبُور 74:2

أَذَّكَّرْ مُجْتَمَعَكْ الْإِنْتَ عَزَلْتَهْ مِنْ زَمَانْ وَ الْقَبِيلَةْ الْفَدَيْتهَا لِتُكُونْ وَرَثَتَكْ. أَذَّكَّرْ جَبَلْ صَهْيُون، الْبَكَانْ الْإِنْتَ سَوَّيْتَهْ مَسْكَنَكْ.

زَبُور 33:12

مَبْرُوكْ لِلْأُمَّةْ الْإِلٰـهَّا اللّٰهْ وَ الشَّعَبْ الْهُو عَزَلَهْ مِثِلْ وَرَثَتَهْ.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

تَثْنِية 32:9

أَشَانْ قِسِمْ اللّٰهْ، هُو شَعَبَهْ بَنِي إِسْرَائِيلْ وَ ذُرِّيَّةْ يَعْقُوبْ كَمَانْ، هُمَّنْ وَرَثَتَهْ.

1 كُرُنْتُس 3:9

وَ خَلَاصْ، أَنِحْنَ أَخْوَانْ فِي خِدْمَةْ اللّٰهْ وَ إِنْتُو بِقِيتُوا جِنَيْنَةْ هَنَا اللّٰهْ. أَوْ بِمَثَلْ آخَرْ، إِنْتُو بِقِيتُوا الْبَيْت الْاللّٰهْ قَاعِدْ يَبْنِيهْ.

1 كُرُنْتُس 3:5

وَ أَبُلُوسْ هُو يَاتُو؟ وَ أَنَا بُولُسْ كُلَ يَاتُو؟ أَنِحْنَ خَدَّامِينْ بَسْ وَ بِسَبَبْ كَلَامْنَا إِنْتُو آمَنْتُوا. أَيِّ وَاحِدْ مِنِّنَا سَوَّى الْخِدْمَةْ الرَّبِّنَا كَلَّفَهْ بَيْهَا.

عَدد 18:7

وَ إِنْتَ هَارُونْ وَ أَوْلَادَكْ أَحْفَضَوْا خِدْمَةْ رُجَالْ الدِّينْ وَ أَخْدُمُوا فِي أَيِّ شَيّءْ الْبُخُصّ الْمَدْبَحْ وَ الْبَكَانْ الْمُقَدَّسْ مَرَّةْ وَاحِدْ الْقَاعِدْ غَادِي لِلسِّتَارْ. وَ خِدْمَةْ رُجَالْ الدِّينْ دِي، أَنَا أَنْطَيْتهَا لَيْكُو إِنْتُو بَسْ. وَ أَيِّ نَادُمْ آخَرْ كَنْ يِقَرِّبْ لِلْخِدْمَةْ دِي يُمُوتْ.»

يُوحَنَّا 13:15

الشَّيّءْ الْأَنَا سَوَّيْتَهْ دَا مَثَلْ لَيْكُو أَشَانْ إِنْتُو كُلَ تِسَوُّوا مِثِلْ أَنَا سَوَّيْتَهْ لَيْكُو.

1 تَسَلونِيكِي 1:7

وَ بَيْدَا، إِنْتُو بِقِيتُوا مَثَلْ عَدِيلْ لِكُلَّ الْمُؤمِنِينْ الْفِي بُلْدَانْ مَقِدُونِيَةْ وَ أَخَايَةْ.