1 بُطْرُس 5:2 - الكتاب المقدس بالعربي الدارجي هنا تشاد

² أَسْرَحَوْا بِالْمُؤمِنِينْ الْمِثِلْ غَنَمْ أَشَانْ اللّٰهْ كَلَّفَاكُو بَيْهُمْ مِثِلْ رُعْيَانْ. وَ شِيلُوا الْمَسْؤُولِيَّةْ فَوْقهُمْ مَا مِثِلْ جَبَرَوْكُو لَاكِنْ بِنِيِّتْكُو قِدَّامْ اللّٰهْ وَ مَا أَشَانْ تِدَوْرُوا مِنْهُمْ رِبَا الْمَا وَاجِبْ لَاكِنْ شِيلُوا الْمَسْؤُولِيَّةْ دِي بِفَرَحْ.

1 بُطْرُس 5:2 Referenca të Kryqëzuara

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

1 تِمُوتَاوُس 3:8

وَ نَفْس الشَّيّءْ لِلْمُعَاوِنِينْ. وَاجِبْ يَبْقَوْا نَاسْ مُحْتَرَمِينْ الْعِنْدُهُمْ كَلَامْ وَاحِدْ وَ مَا إِتْنَيْن وَ مَا سَكَّارَى وَ مَا يِحِبُّوا رِبَا الْحَرَامْ.

تِيطُس 3:1

ذَكِّرْ الْأَخْوَانْ أَشَانْ يَسْمَعَوْا كَلَامْ الْحَكُومَةْ وَ الْكُبَارَاتْ وَ يِتَابُعُوا كَلَامْهُمْ. وَ خَلِّي يَبْقَوْا جَاهِزِينْ لِيِسَوُّوا الْخَيْر فِي كُلِّ حَالْ.

1 تِمُوتَاوُس 3:3

وَاجِبْ مَا يَبْقَى سَكَّارِي وَ لَا دَاوَاسِي لَاكِنْ وَاجِبْ يَبْقَى نَادُمْ عِنْدَهْ نَفَسْ بَارِدْ وَ مَا سِيدْ مَشَاكِلْ وَ لَا طَمَّاعْ.

1 كُرُنْتُس 9:7

وَيْن الْعَسْكَرِي الْيِكَفِّي نَفْسَهْ؟ وَيْن النَّادُمْ الْيِمَقِّنْ جِنَيْنَةْ هَنَا عِنَبْ وَ مَا يَاكُلْ مِنْ فَوَاكِهَّا؟ وَيْن الرَّاعِي الْيَسْرَحْ بِالْغَنَمْ وَ مَا يَشْرَبْ لَبَنْهُمْ؟

2 بُطْرُس 2:3

طَمَعْهُمْ كَتِيرْ لِلْمَالْ وَ يَكْدُبُوا لَيْكُو وَ يِشِيلُوا مِنْكُو بِكَلَامْ غَشّ. وَ مِنْ زَمَانْ، اللّٰهْ قَرَّرْ لَيْهُمْ الْعَذَابْ وَ أَكِيدْ الْهَلَاكْ الْيَجِي فَوْقهُمْ جَاهِزْ.

عِبْرَانِيِّين 12:15

أَنْقَرْعُوا أَشَانْ نَادُمْ مِنْكُو مَا يَدْحَرْ نَفْسَهْ مِنْ نِعْمَةْ اللّٰهْ. أَنْقَرْعُوا أَشَانْ نَادُمْ أَمْبَيْنَاتْكُو مَا يِتَلِّفْ نَفْسَهْ وَ لَا يِتَلِّفْ الْجَمَاعَةْ مِثِلْ شَدَرَةْ فِي أُسُطْكُو الْعِيَالْهَا عِنْدُهُمْ سَمّ.

حِزْقِيال 34:31

وَ إِنْتُو شَعَبِي الْمِثِلْ غَنَمِي الْأَنَا نَسْرَحْ بَيْكُو وَ أَنَا إِلٰـهْكُو.» وَ دَا كَلَامْ اللّٰهْ الرَّبّ.

تِيطُس 1:11

وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.

لُوقا 12:32

«يَا غِنَيْمَاتِي، مَا تَخَافَوْا. أَبُوكُو اللّٰهْ عِنْدَهْ نِيَّةْ يَنْطِيكُو الْمَمْلَكَةْ.

مَلاخِـي 1:10

أَخَيْر تِسِدُّوا بِيبَانْ بَيْتِي أَشَانْ مَا تِقَبُّضُوا نَارْ فِي مَدْبَحِي لِتِقَدُّمُوا ضَحَايَا بَلَا فَايْدَةْ! أَنَا مَا نَرْضَى بَيْكُو وَ مَا نَقْبَلْ مِنْ إِيدَيْكُو أَيِّ ضَحِيَّةْ.» وَ دَا، اللّٰهْ الْقَادِرْ بَسْ قَالَهْ.

زَكَرِيَّا 11:17

الْعَذَابْ لِلرَّاعِي الْمَا عَدِيلْ الْيِخَلِّي الْغَنَمْ! خَلِّي السَّيْف يَضْرُبْ إِيدَهْ وَ يِقِدّ عَيْنَهْ الزَّيْنَةْ! خَلِّي إِيدَهْ تَيْبَسْ وَ عَيْنَهْ الزَّيْنَةْ تُمُوتْ!»

مِيخا 7:14

يَا رَبّ، قُودْ شَعَبَكْ الْمِثِلْ وَرَثَتَكْ مِثِلْ رَاعِي يُقُودْ غَنَمَهْ بِدُقْلَهْ. هُمَّنْ قَاعِدِينْ وِحَيْدهُمْ فِي الْغَابَةْ مُحَوَّقَةْ بِجِنَيْنَاتْ عِنَبْ. خَلِّيهُمْ يَسْرَحَوْا مِثِلْ زَمَانْ فِي مَرْعَى بَاشَانْ وَ فِي بَكَانْ هَنَا سَرْحَةْ فِي قِلْعَادْ.

مِيخا 5:4

وَ هُو يُقُمّ وَ يُقُودْهُمْ مِثِلْ رَاعِي بِقُدْرَةْ اللّٰهْ وَ بِعَظَمَةْ أُسُمْ اللّٰهْ إِلٰـهَهْ. وَ شَعَبَهْ يَسْكُنُوا بِأَمَانْ أَشَانْ قُدُرْتَهْ تِلْوَسَّعْ لَحَدِّي آخِرْ الْأَرْض.

مِيخا 3:11

وَ الْقُضْيَاءْ يَقْطَعَوْا شَرِيعَةْ بِالرَّشْوَةْ وَ رُجَالْ الدِّينْ يِعَلُّمُوا كَلَامْ اللّٰهْ لِيَلْقَوْا فَايْدَةْ وَ الْأَنْبِيَاء يِتْنَبَّأَوْا لِيَلْقَوْا فُضَّةْ. هُمَّنْ يِتْوَكَّلَوْا عَلَيْ اللّٰهْ وَ يُقُولُوا: «اللّٰهْ مَا قَاعِدْ فِي أُسُطْنَا وَلَّا؟ الْفَسَالَةْ أَبَداً مَا تَلْحَقْنَا!»

حِزْقِيال 34:23

وَ نِجِيبْ لِغَنَمِي رَاعِي وَاحِدْ الْيَسْرَحْ بَيْهُمْ. وَ هُو يَبْقَى مِثِلْ عَبْدِي دَاوُدْ. يَسْرَحْ بَيْهُمْ وَ يَبْقَى لَيْهُمْ رَاعِي.

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

إرْمِيا 6:13

مِنْ الضَّعِيفْ لَحَدِّي الْقَادِرْ، كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

إشَعْيا 63:11

بَعَدْ دَا، شَعَبَهْ أَذَّكَّرَوْا الْوَكِتْ الْفَاتْ، الْوَكِتْ هَنَا مُوسَى. وَ قَالَوْا: «وَيْن هُو الْمَرَقْ شَعَبَهْ مِنْ الْبَحَرْ مَعَ رُعْيَانْ غَنَمَهْ؟ وَ وَيْن هُو الْخَطَّ فَوْقهُمْ رُوحَهْ الْمُقَدَّسْ؟

إشَعْيا 56:11

هُمَّنْ مِثِلْ كُلابْ أَكَّالِينْ الْمَا يَعَرْفُوا الشَّبَعْ. وَ هُمَّنْ رُعْيَانْ الْمَا يَعَرْفُوا شَيّءْ. أَيِّ وَاحِدْ شَايِلْ دَرْبَهْ وَ يِفَتِّشْ فَايْدِتَهْ بِكُلَّ نِيّتَهْ.

إشَعْيا 40:11

مِثِلْ الرَّاعِي، يَرْعَا غَنَمَهْ وَ بِإِيدَهْ، يِلِمّ حُمْلَانَهْ. وَ يِشِيلْهُمْ فِي حُضْنَهْ وَ يِوَدِّي الشَّوَايِلْ بِهُدُوءْ.»

إشَعْيا 6:8

وَ أَنَا سِمِعْت حِسّ الرَّبّ قَالْ: «يَاتُو النِّرَسِّلَهْ؟ وَ يَاتُو الْيَمْشِي لَيْنَا؟» وَ أَنَا قُلْت: «دَاهُونِي أَنَا! رَسِّلْنِي!»

نشيد 1:8

مَا تَعَرْفِيهْ، إِنْتِ الْأَجْمَلْ مِنْ الْعَوِينْ؟ تَابْعِي دَرِبْ غَنَمَهْ وَ أَسْرَحَيْ بِعِنْزَيْكِ جَنْب ضَرَا أَنِحْنَ الرُّعْيَانْ.

فِلِمُون 1:14

لَاكِنْ مَا دَوَّرْت نِسَوِّي أَيِّ شَيّءْ الْبُخُصَّهْ إِلَّا كَنْ إِنْتَ قَصَّدْت بَيَّهْ. وَ مِثِلْ دَا، تِسَوِّي الْخَيْر مَا أَشَانْ أَنَا عَصَرْتَكْ لَيَّهْ لَاكِنْ أَشَانْ إِنْتَ شِلْت نِيَّةْ لَيَّهْ بِنَفْسَكْ.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

رَوْمَا 1:15

وَ أَشَانْ دَا، عِنْدِي نِيَّةْ أَشَانْ نِبَشِّرْكُو إِنْتُو الْفِي رَوْمَا كُلَ بِبِشَارَةْ الْمَسِيحْ.

أعمال الرُسُل 21:13

وَ لَاكِنْ هُو رَدَّ لَيْنَا وَ قَالْ: «مَالْكُو تَبْكُوا مِثِلْ دَا؟ تِدَوْرُوا تِوَجُّعُوا قَلْبِي وَلَّا؟ أَنَا مَاشِي لِمَدِينَةْ الْقُدُسْ. أَنَا مَا جَاهِزْ لِيَرْبُطُونِي بَسْ لَاكِنْ فِي شَانْ أُسُمْ رَبِّنَا عِيسَى أَنَا جَاهِزْ لِلْمَوْت.»

إرْمِيا 13:20

«يَا مَدِينَةْ الْقُدُسْ، أَرْفَعَيْ رَاسْكِ وَ شِيفِي، دَاهُو الْعَدُو جَايِ مِنْ مُنْشَاقْ. وَيْن سُكَّانْكِ الْأَمَّنْتُهُمْ لَيْكِ، الْمِثِلْ الْغَنَمْ السَّمْحِينْ؟

إرْمِيا 8:10

وَ اللّٰهْ قَالْ: «وَ بِسَبَبْ دَا، نَنْطِي عَوِينْهُمْ لِنَاسْ آخَرِينْ وَ زِرَاعِتْهُمْ كُلَ لِلْيِشِيلُوهُمْ. أَشَانْ مِنْ الضَّعِيفْ لَحَدِّي الْقَادِرْ كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

عَدد 18:7

وَ إِنْتَ هَارُونْ وَ أَوْلَادَكْ أَحْفَضَوْا خِدْمَةْ رُجَالْ الدِّينْ وَ أَخْدُمُوا فِي أَيِّ شَيّءْ الْبُخُصّ الْمَدْبَحْ وَ الْبَكَانْ الْمُقَدَّسْ مَرَّةْ وَاحِدْ الْقَاعِدْ غَادِي لِلسِّتَارْ. وَ خِدْمَةْ رُجَالْ الدِّينْ دِي، أَنَا أَنْطَيْتهَا لَيْكُو إِنْتُو بَسْ. وَ أَيِّ نَادُمْ آخَرْ كَنْ يِقَرِّبْ لِلْخِدْمَةْ دِي يُمُوتْ.»

أعمال الرُسُل 20:29

وَ أَنَا نَعَرِفْ كَدَرْ بَعَدْ أَنَا مَشَيْت خَلَاصْ، نَاسْ فَسْلِينْ يَدْخُلُوا فِي أُسُطْكُو مِثِلْ الْمَرَافْعِينْ يِنْدَسَّوْا فِي أُسْط الْغَنَمْ وَ يَاكُلُوهُمْ.

2 مُلوك 12:6

وَ لَاكِنْ فِي سَنِةْ 23 هَنَا حُكُمْ يُوَاشْ، رُجَالْ الدِّينْ لِسَّاعْ مَا عَدَّلَوْا الشُّقُوقْ هَنَا بَيْت اللّٰهْ.

حِزْقِيال 46:24

وَ الرَّاجِلْ قَالْ لَيِّ: «دَوْل اللَّدَايْ الْفَوْقهُمْ خَدَّامِينْ بَيْت اللّٰهْ يِرَكُّبُوا الضَّحَايَا هَنَا الشَّعَبْ.»