1 بُطْرُس 5:12 - الكتاب المقدس بالعربي الدارجي هنا تشاد

¹² وَ أَنَا كَتَبْت لَيْكُو الْجَوَابْ الْقِصَيِّرْ دَا مَعَ أَخُونَا سِيلَا وَ نَشْهَدْ لَيَّهْ، هُو أَخُو صَادِقْ. وَ كَتَبْتَهْ لَيْكُو أَشَانْ نِشَجِّعْكُو وَ نَشْهَدْ لَيْكُو كَدَرْ عِنْدُكُو نِعْمَةْ اللّٰهْ الصَّحِيحَةْ وَ إِنْتُو قَاعِدِينْ ثَابْتِينْ فَوْقهَا.

1 بُطْرُس 5:12 Referenca të Kryqëzuara

عِبْرَانِيِّين 13:22

يَا أَخْوَانِي، نَشْحَدْكُو أَشَانْ تَسْمَعَوْا بِصَبُرْ الْكَلَامْ النِّرَسِّلَهْ لَيْكُو لِنِشَجِّعْكُو. كَتَبْت لَيْكُو كَلَامْ شِيَّةْ بَسْ.

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

2 كُرُنْتُس 1:19

أَشَانْ إِبْن اللّٰهْ عِيسَى الْمَسِيحْ الْأَنَا وَ أَخْوَانِي سِيلَا وَ تِمُوتَاوُسْ بَلَّغْنَاكُو بَيَّهْ، أَبَداً مَا يِخَلْبِطْ «أَيْوَى» وَ «لَا». كَلَامَهْ دَايْماً، أَيْوَى.

1 كُرُنْتُس 15:1

يَا أَخْوَانِي، نِدَوْر نِذَكِّرْكُو بِبِشَارَةْ الْمَسِيحْ الْبَلَّغْتَهَا لَيْكُو. الْبِشَارَةْ دِي، إِنْتُو قِبِلْتُوهَا وَ بِسَبَبْهَا بَسْ، إِنْتُو مُؤمِنِينْ.

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

2 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، شَعَبْ هَنَا اللّٰهْ أَبُونَا وَ رَبِّنَا عِيسَى الْمَسِيحْ.

1 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، إِنْتُو شَعَبْ اللّٰهْ أَبُونَا وَ رَبِّنَا عِيسَى الْمَسِيحْ. عَلَيْكُمْ السَّلَامْ وَ الرَّحْمَةْ.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

3 يُوحَنَّا 1:12

وَ كُلَّ الْأَخْوَانْ يَشْهَدَوْا لِدِمِتْرِي كَدَرْ هُو نَادُمْ عَدِيلْ وَ الْحَقّ الْبِنْشَافْ فَوْقَهْ كُلَ يَشْهَدْ لَيَّهْ. أَنِحْنَ كُلَ نَشْهَدَوْا لَيَّهْ وَ تَعَرِفْ شَهَادِتْنَا صَحِيحَةْ.

2 بُطْرُس 2:15

هُمَّنْ مَرَقَوْا مِنْ الدَّرِبْ الْعَدِيلْ وَ وَدَّرَوْا مَرَّةْ وَاحِدْ. تَابَعَوْا دَرِبْ بَلْعَامْ وِلَيْد بَعُورْ الْفِرِحْ بِالرِّبَا اللِّقِيهْ مِنْ الْفَسَالَةْ السَّوَّاهَا.

2 بُطْرُس 1:12

أَكِيدْ تَعَرْفُوا الْكَلَامْ دَا وَ قَاعِدِينْ ثَابْتِينْ فِي الْحَقّ الْبَلَّغَوْه لَيْكُو. وَ لَاكِنْ نِدَوْر دَايْماً نِذَكِّرْكُو بَيَّهْ.

كُلُوسِي 4:9

وَ رَسَّلْت مَعَايَهْ الْفَايِدْ وَ هُو أَخُونَا الْأَمِينْ النِّرِيدُوهْ وَ هُو نَادُمْ مِنْ حِلِّتْكُو. النَّاسَيْن دَوْل يِأَوْرُوكُو بِكُلَّ شَيّءْ الْبِقِي فَوْقنَا هِنِي.

كُلُوسِي 4:7

وَ خَلَاصْ، أَخُونَا تِشِيكُسْ يِأَوْرِيكُو بِكُلَّ خَبَرِي. هُو أَخُونَا النِّحِبُّوهْ وَ يَخْدِمْ مَعَانَا لِرَبِّنَا بِأَمَانْ.

كُلُوسِي 1:7

وَ إِنْتُو سِمِعْتُوا بِشَارَةْ الْمَسِيحْ مِنْ خَشُمْ حَبِيبْنَا أَبْفُرَاسْ الْهُو عَبْد الْمَسِيحْ مِثِلْنَا. هُو قَاعِدْ يَخْدِمْ لِلْمَسِيحْ بِأَمَانْ وَ يِمَثِّلْنَا فِي أُسُطْكُو.

أفَسُس 6:21

وَ خَلَاصْ، أَخُونَا تِشِيكُسْ يِأَوْرِيكُو بِكُلَّ خَبَرِي. هُو أَخُونَا النِّحِبُّوهْ وَ يَخْدِمْ لِرَبِّنَا بِأَمَانْ.

أفَسُس 3:3

وَ خِدِمْتِي تُخُصّ سِرّ اللّٰهْ الْبَيَّنَهْ لَيِّ فِي رُؤْيَةْ. وَ أَوَّلْ كَتَبْت لَيْكُو مِنَّهْ.

2 كُرُنْتُس 1:24

وَ مَا نَعَصُرُوكُو فِي الشَّيّءْ الْبُخُصّ إِيمَانْكُو أَشَانْ نَعَرْفُوا كَدَرْ إِنْتُو ثَابْتِينْ فِي الْإِيمَانْ. لَاكِنْ، أَخَيْر لَيْنَا نَخْدُمُوا مَعَاكُو أَشَانْ فَرْحِتْكُو تِزِيدْ.

رَوْمَا 5:2

وَ بِالْمَسِيحْ بَسْ، قِدِرْنَا دَخَلْنَا فِي النِّعْمَةْ دِي بِالْإِيمَانْ الْأَنِحْنَ ثَابْتِينْ فَوْقهَا. وَ نَفْرَحَوْا بِالْعَشَمْ الْعِنْدِنَا أَشَانْ نَلْقَوْا مَجْد اللّٰهْ.

يُوحَنَّا 21:21

وَ بُطْرُسْ شَافْ عِيسَى وَ قَالْ: «يَا سَيِّدْنَا، تُقُولْ شُنُو فِي النَّادُمْ دَا؟»

أعمال الرُسُل 15:22

وَ خَلَاصْ الرُّسُلْ وَ الْكُبَارَاتْ وَ جَمَاعَةْ الْمُؤمِنِينْ كُلُّهُمْ أَسْتَفَقَوْا وَ عَزَلَوْا رُجَالْ إِتْنَيْن مِنْ الْأَخْوَانْ أَشَانْ يِرَسُّلُوهُمْ فِي أَنْطَاكِيَةْ مَعَ بُولُسْ وَ بَرْنَابَا. وَ عَزَلَوْا يَهُوذَا الْبِنَادُوهْ بَارْ سَابَا وَ عَزَلَوْا مَعَايَهْ سِيلَا. هُمَّنْ رُجَالْ الْكُلَّ الْأَخْوَانْ بِكَرُّمُوهُمْ.

1 بُطْرُس 1:13

أَشَانْ دَا، خُطُّوا بَالْكُو. أَقْعُدُوا ثَابْتِينْ. خُطُّوا عَشَمْكُو كُلَّ كَيْ فِي النِّعْمَةْ التَّلْقَوْهَا فِي الْيَوْم الْعِيسَى الْمَسِيحْ يِبِينْ فَوْقَهْ.

1 بُطْرُس 4:10

اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.