1 بُطْرُس 5:10 - الكتاب المقدس بالعربي الدارجي هنا تشاد

¹⁰ تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

1 بُطْرُس 5:10 Referenca të Kryqëzuara

2 كُرُنْتُس 4:17

وَ التَّعَبْ الْعِنْدِنَا هَسَّعْ دَا، هُو خَفِيفْ وَ مَا يِطَوِّلْ. لَاكِنْ التَّعَبْ دَا يِجَهِّزْنَا لِلْمَجْد الْعَظِيمْ الْأَبَداً مَا يِكَمِّلْ.

2 تَسَلونِيكِي 3:3

لَاكِنْ رَبِّنَا هُو صَادِقْ وَ هُو يِقَوِّيكُو وَ يَحْفَضْكُو مِنْ إِبْلِيسْ الشَّرِيرْ.

يَهُوذَا 1:24

اللّٰهْ قَادِرْ وَ يَقْدَرْ يَحْفَضْكُو أَشَانْ مَا تَقَعَوْا. هُو بَسْ يِوَدِّيكُو فِي حَضَرَتَهْ الْمَجِيدَةْ بَلَا أَيِّ عَيْب، فَرْحَانِينْ فَرْحَةْ شَدِيدَةْ.

زَبُور 138:7

وَكِتْ أَنَا نَمْشِي فِي أُسْط الضِّيقَةْ، إِنْتَ تِحَيِّينِي. تِنَزِّلْ إِيدَكْ فِي عُدْوَانِي وَ إِيدَكْ الزَّيْنَةْ تِنَجِّينِي.

1 تِمُوتَاوُس 6:12

جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.

2 تَسَلونِيكِي 2:17

خَلِّي يِشَجِّعْكُو بِزِيَادَةْ وَ يَنْطِيكُو قُدْرَةْ أَشَانْ تِسَوُّوا دَايْماً الْخَيْر فِي كَلَامْكُو وَ عَمَلْكُو.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

1 كُرُنْتُس 1:9

اللّٰهْ هُو صَادِقْ فِي وَعَدَهْ. وَ هُو بَسْ النَّادَاكُو أَشَانْ تَدْخُلُوا فِي الْعَلَاقَةْ الْعِنْدُكُو مَعَ إِبْنَهْ عِيسَى الْمَسِيحْ رَبِّنَا.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

زَكَرِيَّا 10:12

نِشَدِّدْ شَعَبِي بِقُدُرْتِي أَنَا اللّٰهْ وَ بِأُسْمِي، يِعِيشُوا وَ يَعَبُدُونِي.» وَ دَا كَلَامْ اللّٰهْ.

زَكَرِيَّا 10:6

«أَنَا نِقَوِّي بَنِي يَهُوذَا وَ نِنَجِّي ذُرِّيَّةْ يُوسُفْ. وَ نِقَبِّلْهُمْ فِي بَلَدْهُمْ أَشَانْ حَنَّيْت فَوْقهُمْ مِثِلْ أَوَّلْ أَبَداً مَا أَبَيْتهُمْ. أَشَانْ أَنَا اللّٰهْ إِلٰـهُّمْ وَ نَقْبَلْ صَلَاتْهُمْ.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

1 بُطْرُس 1:15

لَاكِنْ، مِثِلْ اللّٰهْ النَّادَاكُو هُو قُدُّوسْ، إِنْتُو كُلَ أَبْقَوْا خَاصِّيْن فِي كُلَّ شَيّءْ التِّسَوُّوهْ.

فِلِبِّي 4:13

نَقْدَرْ نِلْحَمَّلْ أَيِّ شَيّءْ بِالْمَسِيحْ وَ هُو يَنْطِينِي قُدْرَةْ.

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

2 تَسَلونِيكِي 2:14

وَ فِي شَانْ دَا، اللّٰهْ نَادَاكُو بِالْبِشَارَةْ الْبَلَّغْنَاهَا لَيْكُو لِتَدْخُلُوا فِي مَجْد رَبِّنَا عِيسَى الْمَسِيحْ.

لُوقا 22:32

لَاكِنْ أَنَا سَأَلْت لَيْك اللّٰهْ أَشَانْ إِيمَانَكْ مَا يَنْقُصْ. وَ وَكِتْ إِنْتَ بِقِيتْ بَتَّانْ قَوِي فِي الْإِيمَانْ، ثَبِّتْ أَخْوَانَكْ.»

زَبُور 86:5

يَا رَبّ، إِنْتَ زَيْن وَ غَفُورْ وَ رَحْمَتَكْ كَبِيرَةْ لِكُلَّ الْيِنَادُوكْ.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

زَبُور 86:15

وَ لَاكِنْ إِنْتَ، يَا رَبّ، إِنْتَ اللّٰهْ الرَّحْمـٰنْ الرَّحِيمْ وَ الصَّبُورْ وَ الْمُحِبّ وَ الْأَمِينْ.

كُلُوسِي 2:7

خَلِّي يَبْقَى لَيْكُو الْقَعَرْ وَ الْأَسَاسْ وَ أَقْعُدُوا ثَابْتِينْ فَوْقَهْ بِإِيمَانْكُو مِثِلْ أَوَّلْ عَلَّمَوْكُو لَيَّهْ. وَ أَشْكُرُوا اللّٰهْ كَتِيرْ فِي كُلِّ وَكِتْ.

رَوْمَا 15:5

اللّٰهْ يَنْطِي الصَّبُرْ وَ الشَّجَاعَةْ وَ خَلِّي يَنْطِيكُو كُلُّكُو فِكِرْ وَاحِدْ لِتِتَابُعُوا دَرِبْ الْمَسِيحْ عِيسَى

1 يُوحَنَّا 2:25

وَ الشَّيّءْ الْاللّٰهْ وَاعَدَانَا بَيَّهْ، هُو الْحَيَاةْ الْأَبَدِيَّةْ.

عِبْرَانِيِّين 9:15

وَ فِي شَانْ دَا، الْمَسِيحْ هُو وَسِيطْ هَنَا الْمُعَاهَدَةْ الْجَدِيدَةْ الْبَيْهَا النَّاسْ الْاللّٰهْ نَادَاهُمْ يَلْقَوْا الْوَرَثَةْ الْأَبَدِيَّةْ الْهُو وَاعَدْ بَيْهَا. أَشَانْ الْمَسِيحْ مَاتْ لِيَفْدَى النَّاسْ مِنْ خَطَايَاهُمْ السَّوَّوْهُمْ فِي وَكِتْ الْمُعَاهَدَةْ الْأَوَّلْ.

رَوْمَا 15:13

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

رَوْمَا 9:11

لَاكِنْ قُبَّالْ التِّيمَانْ مَا يَلْدَوْهُمْ وَ قُبَّالْ هُمَّنْ مَا يِسَوُّوا شَيّءْ وَ لَا زَيْن وَ لَا فَسِلْ، اللّٰهْ شَالْ نِيَّةْ وَ عَزَلْ وَاحِدْ مِنْهُمْ أَشَانْ نِيَّةْ اللّٰهْ تِتِمّ بِالْإِخْتِيَارْ.

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

رَوْمَا 9:24

وَ دَوْل أَنِحْنَ الْاللّٰهْ نَادَانَا، مَا مِنْ أُسْط الْيَهُودْ بَسْ لَاكِنْ مِنْ كُلَّ الْأُمَمْ.

زَبُور 119:28

دُمُوعِي جَرَوْا مِنْ الْحِزِنْ، قَوِّمْنِي حَسَبْ كَلَامَكْ.

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

1 بُطْرُس 4:10

اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.