1 بُطْرُس 4:3 - الكتاب المقدس بالعربي الدارجي هنا تشاد

³ كَفَاكُو! أَشَانْ مِنْ زَمَانْ، إِنْتُو قَعَدْتُوا وَكِتْ طَوِيلْ فِي عَمَلْ الْقَاعِدِينْ يِسَوُّوا النَّاسْ الْمَا مُؤمِنِينْ. هُمَّنْ قَاعِدِينْ يِسَوُّوا الْفَسَادْ وَ شَهْوَاتْهُمْ الشَّيْنِينْ وَ السَّكَرْ وَ حَفْلَاتْ الزِّنَى وَ السَّفَاهَةْ. وَ يَعَبُدُوا الْأَصْنَامْ الْاللّٰهْ حَرَّمَاهُمْ.

1 بُطْرُس 4:3 Referenca të Kryqëzuara

1 كُرُنْتُس 6:11

وَ نَاسْ وَاحِدِينْ مِنْكُو أَوَّلْ قَاعِدِينْ يِسَوُّوا الذُّنُوبْ دَوْل. لَاكِنْ اللّٰهْ غَسَّلَاكُو وَ سَوَّاكُو خَاصِّينْ لَيَّهْ وَ جَعَلَاكُو صَالِحِينْ بِأُسُمْ رَبِّنَا عِيسَى الْمَسِيحْ وَ بِقُدْرَةْ رُوحْ اللّٰهْ إِلٰـهْنَا.

أفَسُس 5:18

مَا تَسْكَرَوْا بِالْخَمَرْ أَشَانْ الْخَمَرْ يِسَبِّبْ إِلَّا الْفَسَادْ. لَاكِنْ خَلِّي اللّٰهْ يَمْلَاكُو بِالرُّوحْ الْقُدُّوسْ.

1 تَسَلونِيكِي 4:5

مَا تِخَلُّوا شَهْوَاتْكُو يَمُلْكُوا فَوْقكُو. مَا تَبْقَوْا مِثِلْ النَّاسْ الْمَا مُؤمِنِينْ الْمَا يَعَرْفُوا اللّٰهْ.

1 بُطْرُس 1:14

أَعَرْفُوا كَدَرْ إِنْتُو عِيَالْ اللّٰهْ وَ تَابُعُوا دَايْماً كَلَامَهْ. آبَوْا مَا تِتَابُعُوا شَهْوَاتْكُو التَّابَعْتُوهُمْ قُبَّالْ مَا تَعَرْفُوا الْمَسِيحْ.

غَلاطِية 5:21

وَ الطَّمَعْ وَ السَّكَرْ وَ السَّفَاهَةْ وَ شَيّءْ آخَرْ الْمِثِلْهُمْ. نُقُولْ لَيْكُو مِثِلْ أَوَّلْ قُلْتَهْ لَيْكُو، النَّاسْ الْيِسَوُّوا الْأَشْيَاءْ دَوْل مَا يَوْرُثُوا شَيّءْ فِي مَمْلَكَةْ اللّٰهْ.

غَلاطِية 5:19

وَ خَلَاصْ، الذُّنُوبْ الْيَجُوا مِنْ قَلِبْ الْإِنْسَانْ مَعْرُوفِينْ. هُمَّنْ الزِّنَى وَ الْخَبَاثَةْ وَ الْفَسَادْ

حِزْقِيال 45:9

وَ دَاهُو اللّٰهْ الرَّبّ قَالْ: «يَا مُلُوكْ بَنِي إِسْرَائِيلْ، كَفَاكُو! خَلُّوا مِنْكُو الْعُنُفْ وَ النَّهِبْ! سَوُّوا الْحَقّ وَ الْعَدَالَةْ وَ أَرْفَعَوْا الظُّلُمْ مِنْ شَعَبِي. وَ دَا كَلَامْ اللّٰهْ الرَّبّ.

يَهُوذَا 1:4

أَشَانْ فِي نَاسْ وَاحِدِينْ فَسْلِينْ أَنْدَسَّوْا أَمْبَيْنَاتْكُو بِعَشِيرْ. وَ هُمَّنْ قَاعِدِينْ يِعَوُّجُوا كَلَامْ رَحْمَةْ اللّٰهْ لِيِحَلُّلُوا بَيَّهْ الْمُحَرَّمَاتْ. وَ بَيْدَا، يَنْكُرُوا عِيسَى الْمَسِيحْ الْهُو بَسْ سَيِّدْنَا وَ رَبِّنَا. وَ مِنْ زَمَانْ، الْكِتَابْ حَجَّى بِالْعَذَابْ الْيَرْجَاهُمْ.

أعمال الرُسُل 17:30

«اللّٰهْ مَا حَاسَبْ النَّاسْ فِي زَمَنْ الْجَهَلْ وَ لَاكِنْ هَسَّعْ اللّٰهْ يِنَادِي كُلَّ النَّاسْ فِي أَيِّ بَكَانْ أَشَانْ يُتُوبُوا مِنْ ذُنُوبْهُمْ.

حِزْقِيال 44:6

«وَ قُولْ لِبَنِي إِسْرَائِيلْ الْعَاصِيِينْ: ‹دَاهُو اللّٰهْ الرَّبّ قَالْ: ”يَا بَنِي إِسْرَائِيلْ! كَفَاكُو مِنْ كُلَّ مُحَرَّمَاتْكُو!

إشَعْيا 28:7

وَ لَاكِنْ النَّاسْ دَوْل، هُمَّنْ كُلَ يِتَّرْتَعَوْا بِسَبَبْ الْخَمَرْ وَ يِوَدُّرُوا بِسَبَبْ الْمَرِيسَةْ. وَ رُجَالْ الدِّينْ وَ الْأَنْبِيَاء يِتَّرْتَعَوْا بِسَبَبْ الْمَرِيسَةْ وَ يِبَرْجُلُوا بِسَبَبْ الْخَمَرْ. وَ يِوَدُّرُوا بِسَبَبْ الْمَرِيسَةْ وَ يِخَلْبُطُوا الرُّؤْيَةْ وَ يِتَّرْتَعَوْا فِي الشَّرِيعَةْ.

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

2 كُرُنْتُس 12:21

أَكُونْ وَكِتْ نَجِيكُو، اللّٰهْ يِجِيبْ لَيِّ بَتَّانْ الْعَيْب قِدَّامْكُو. وَ نَحْزَنْ فِي شَانْ النَّاسْ الْكَتِيرِينْ الْأَوَّلْ أَذْنَبَوْا وَ مَا تَابَوْا مِنْ الْحَالْ الْخَبِيثَةْ وَ الزِّنَى وَ الْفَسَادْ الْأَوَّلْ سَوَّوْهُمْ.

1 كُرُنْتُس 12:2

تَعَرْفُوا كَدَرْ أَوَّلْ إِنْتُو مَا مُؤمِنِينْ، غَشَّوْكُو وَ وَدَّوْكُو لَحَدِّي عَبَدْتُوا الْأَصْنَامْ الْمَا يُقُولُوا شَيّءْ.

رَوْمَا 13:13

خَلِّي حَالْنَا تُكُونْ حَالْ هَنَا عِيَالْ النُّورْ. وَ خَلِّي مَا نَمْشُوا فِي السَّفَاهَةْ وَ السَّكَرْ، وَ لَا فِي الزِّنَى وَ الْفَسَادْ، وَ لَا فِي الدُّوَاسْ وَ الْحُسُدْ.

مَرْخُوس 7:22

وَ الزِّنَى وَ الطَّمَعْ وَ الْفَسَالَةْ وَ الْغَشّ وَ الْفَسَادْ وَ عَيْن النَّاسْ وَ الْقَطِيعَةْ وَ الْإِسْتِكْبَارْ وَ الْعَمَلْ الْبَلَا فِكِرْ.

إرْمِيا 16:18

وَ أَوَّلْ شَيّءْ، أَنَا نِلْكَفَّى مِنْهُمْ مَرَّتَيْن تَمَنْ الْخَطَا وَ الذَّنِبْ الْهُمَّنْ سَوَّوْه. أَشَانْ هُمَّنْ مَا أَحْتَرَمَوْا بَلَدِي وَ مَلَوْهَا بِتَمَاثِيلْهُمْ الْمَكْرُوهِينْ. وَ أَرْض وَرَثَتِي مَلَوْهَا بِمُحَرَّمَاتْهُمْ.»

إشَعْيا 65:4

الشَّعَبْ دَوْل يَسْكُنُوا فِي الْقُبُورْ وَ يِسَاهُرُوا طُولْ اللَّيْل فِي بَكَانْ سِرِّي. هُمَّنْ يَاكُلُوا لَحَمْ الْخِنْزِيرْ وَ مَوَاعِينْهُمْ مَلَانِينْ بِأَكِلْ حَرَامْ.

إشَعْيا 5:11

الْعَذَابْ لِلْيُقُمُّوا بَدْرِي وَ يِفَتُّشُوا الْمَرِيسَةْ وَ لِلْيِدَفُّوا جِسِمْهُمْ بِالْخَمَرْ فِي آخِرْ اللَّيْل.

2 أخبار 15:8

وَ وَكِتْ آسَا سِمِعْ كَلَامْ التَّنَبُّؤ هَنَا النَّبِي عُدَيْد، هُو قَمَّ بِشِدَّةْ وَ دَمَّرْ الْمُحَرَّمَاتْ مِنْ كُلَّ بَلَدْ يَهُوذَا وَ بَنْيَامِينْ وَ كُلَّ الْحِلَّالْ الشَّالَوْهُمْ فِي جِبَالْ أَفْرَايِمْ. وَ هُو جَدَّدْ مَدْبَحْ اللّٰهْ الْقَاعِدْ قِدَّامْ بَيْت اللّٰهْ.

1 مُلوك 21:26

هُو سَوَّى شَيّءْ مُحَرَّمْ، تَابَعْ الْأَصْنَامْ مِثِلْ سَوَّوْه الْأَمُورِيِّينْ هُمَّنْ الْاللّٰهْ قَلَعْ مِنْهُمْ أَرْضُهُمْ وَ أَنْطَاهَا لِبَنِي إِسْرَائِيلْ.

2 صَمُوِيل 13:28

وَ أَبْشَلُومْ أَنْطَاهْ أَمُرْ لِخَدَّامِينَهْ وَ قَالْ: «فَكُّرُوا عَدِيلْ فِي أَمْنُونْ. وَكِتْ شِفْتُوهْ سِكِرْ وَ أَنَا قُلْت لَيْكُو أَضُرْبُوهْ، قُمُّوا أَكْتُلُوهْ. مَا تَخَافَوْا أَشَانْ أَنَا بَسْ أَنْطَيْتكُو الْأَمُرْ دَا. شِدُّوا حَيْلكُو وَ أَبْقَوْا فَحَلِينْ!»

إرْمِيا 16:11

وَ خَلَاصْ، إِنْتَ رُدّ وَ قُولْ لَيْهُمْ: ‹أَشَانْ جُدُودْكُو أَبَوْنِي أَنَا اللّٰهْ وَ جَرَوْا وَرَاءْ إِلٰـهَاتْ آخَرِينْ لِيَعَبُدُوهُمْ وَ يَسْجُدُوا قِدَّامْهُمْ. وَ لَيِّ أَنَا كَمَانْ، أَبَوْنِي وَ وَصِيَّاتِي كُلَ مَا كَرَبَوْهُمْ قَوِي. وَ دَا كَلَامْ اللّٰهْ.