1 بُطْرُس 4:2 - الكتاب المقدس بالعربي الدارجي هنا تشاد

² وَ هُو مَا يِدَوْر يِتَابِعْ شَهْوَةْ النَّاسْ بَتَّانْ، لَاكِنْ يِدَوْر يِتَابِعْ الْاللّٰهْ يِدَوْرَهْ طُولْ الْوَكِتْ الْفَضَّلْ لَيَّهْ فِي الدُّنْيَا.

1 بُطْرُس 4:2 Referenca të Kryqëzuara

1 بُطْرُس 1:14

أَعَرْفُوا كَدَرْ إِنْتُو عِيَالْ اللّٰهْ وَ تَابُعُوا دَايْماً كَلَامَهْ. آبَوْا مَا تِتَابُعُوا شَهْوَاتْكُو التَّابَعْتُوهُمْ قُبَّالْ مَا تَعَرْفُوا الْمَسِيحْ.

أفَسُس 6:6

أَخْدُمُوا لَيْهُمْ مَا فِي شَانْ هُمَّنْ قَاعِدِينْ يِشِيفُوكُو بَسْ. مَا تُخُطُّوا بَالْكُو فِي شُكُرْ النَّاسْ. لَاكِنْ خُطُّوا فِي فِكِرْكُو إِنْتُو عَبِيدْ لِلْمَسِيحْ وَ سَوُّوا الْيِدَوْرَهْ اللّٰهْ بِنِيَّةْ مُخْلِصَةْ.

رَوْمَا 6:11

وَ بِمِثِلْ دَا، أَعَرْفُوا كَدَرْ إِنْتُو كُلَ مُتُّوا وَ أَنْفَرَقْتُوا مِنْ قُدْرَةْ الذَّنِبْ وَ بَعَثْتُوا وَ بِقِيتُوا حَيِّينْ لِلّٰهْ بِعِيسَى الْمَسِيحْ.

2 كُرُنْتُس 5:15

وَ هُو مَاتْ لِكُلَّ النَّاسْ أَشَانْ النَّاسْ الْحَيِّينْ مَا يِعِيشُوا بَتَّانْ لِنُفُوسْهُمْ لَاكِنْ يِعِيشُوا لِلْمَسِيحْ الْمَاتْ وَ بَعَثْ فِي شَانْهُمْ.

أفَسُس 2:3

وَ أَوَّلْ كُلِّنَا مِنْهُمْ وَ نِتَابُعُوا شَهْوَاتْ الْإِنْسَانْ وَ نِسَوُّوا الشَّيّءْ الْجِسِمْنَا وَ أَفْكَارْنَا يِدَوْرُوهْ. أَوَّلْ أَنِحْنَ ذَاتْنَا وَاجِبْ لَيْنَا غَضَبْ اللّٰهْ مِثِلْ النَّاسْ الْآخَرِينْ.

رَوْمَا 6:2

لَا، أَبَداً! أَنِحْنَ مُتْنَا وَ مَرَقْنَا مِنْ مُلُكْ الذَّنِبْ. كِكَّيْف نِعِيشُوا فَوْقَهْ بَتَّانْ؟

أفَسُس 4:17

وَ دَاهُو نِوَصِّيكُو بِأُسُمْ الرَّبّ، أَسْمَعَوْا كَلَامِي عَدِيلْ. مَا تِعِيشُوا بَتَّانْ مِثِلْ النَّاسْ الْمَا مُؤمِنِينْ. هُمَّنْ يِتَابُعُوا الْفِكِرْ الْبَاطِلْ.

رَوْمَا 14:7

مَا فِي نَادُمْ مِنِّنَا يِعِيشْ فِي شَانْ نَفْسَهْ بَسْ وَ مَا فِي نَادُمْ مِنِّنَا يُمُوتْ فِي شَانْ نَفْسَهْ بَسْ.

1 بُطْرُس 2:1

أَشَانْ دَا، خَلُّوا مِنْكُو كُلَّ الْفَسَالَةْ وَ كُلَّ النَّجَاضَةْ وَ النِّفَاقْ وَ الْحُسُدْ وَ الْقَطِيعَةْ.

زَبُور 143:10

عَلِّمْنِي لِنِسَوِّي نِيّتَكْ أَشَانْ إِنْتَ إِلٰـهِي. خَلِّي رُوحَكْ الْعَدِيلْ يِوَدِّينِي فِي أَرْض مُسْتَوِيَةْ!

يُوحَنَّا 7:17

أَيِّ نَادُمْ كَنْ عِنْدَهْ نِيَّةْ يِسَوِّي كُلَّ شَيّءْ الْاللّٰهْ يِدَوْرَهْ، هُو يَعَرِفْ كَنْ كَلَامِي دَا جَايِ مِنْ اللّٰهْ أَوْ جَايِ مِنِّي أَنَا بَسْ.

مَرْخُوس 7:21

أَشَانْ مِنْ دَاخَلْ الْإِنْسَانْ وَ مِنْ قَلْبَهْ يَمْرُقْ الْفِكِرْ الشَّيْن مِثِلْ الشَّهْوَةْ الْفَسْلَةْ وَ السِّرْقَةْ وَ الْكَتِلْ

مَرْخُوس 3:35

وَ أَيِّ نَادُمْ الْيِسَوِّي حَسَبْ الْاللّٰهْ يِدَوْرَهْ، هُو دَا بَسْ أَخُويِ أَوْ أَخْتِي أَوْ أَمِّي.»

هُوشَع 6:7

«نَقَضَوْا الْمُعَاهَدَةْ فِي حِلَّةْ آدَمْ أَشَانْ فِي الْبَكَانْ دَا، خَانَوْنِي.

1 يُوحَنَّا 2:17

الدُّنْيَا وَ شَهْوَاتْهَا يُفُوتُوا وَ لَاكِنْ النَّاسْ الْيِسَوُّوا الْاللّٰهْ يِدَوْرَهْ يِعِيشُوا إِلَى الْأَبَدْ.

يَعْقُوب 1:18

بِوَاسِطَةْ كَلَامْ الْحَقّ، اللّٰهْ أَنْطَانَا الْحَيَاةْ الْجَدِيدَةْ بِنِيّتَهْ أَشَانْ أَنِحْنَ نَبْقَوْا مُهِمِّينْ مِنْ كُلَّ مَخْلُوقِينَهْ.

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

1 تَسَلونِيكِي 5:18

وَ أَشْكُرُوا اللّٰهْ فِي كُلِّ حَالْ. دَا بَسْ الشَّيّءْ الْاللّٰهْ يِدَوْرَهْ مِنْكُو فِي دَرِبْ عِيسَى الْمَسِيحْ.

كُلُوسِي 1:9

وَ أَشَانْ دَا مِنْ يَوْم سِمِعْنَا خَبَرْ إِيمَانْكُو، أَنِحْنَ قَاعِدِينْ نَسْأَلَوْا لَيْكُو اللّٰهْ. وَ نَسْأَلَوْا لَيْكُو اللّٰهْ أَشَانْ تَعَرْفُوا الْهُو يِدَوْرَهْ وَ تَلْقَوْا حِكْمَةْ وَ فِهِمْ مِنْ الرُّوحْ الْقُدُّوسْ.

أفَسُس 5:17

مَا تَبْقَوْا جُهَّالْ لَاكِنْ أَفْهَمَوْا الشَّيّءْ الْيِدَوْرَهْ الرَّبّ.

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

رَوْمَا 7:4

يَا أَخْوَانِي، إِنْتُو كُلَ بِقِي لَيْكُو مِثِلْ دَا. وَكِتْ كَتَلَوْا الْمَسِيحْ، إِنْتُو مُتُّوا مَعَايَهْ فِي جِسْمَهْ وَ بِقِيتُوا حُرِّينْ مِنْ شُرُوطْ التَّوْرَاةْ. وَ بَيْدَا، تَبْقَوْا هَنَا سَيِّدْ آخَرْ وَ هُو النَّادُمْ الْبَعَثْ مِنْ أُسْط الْمَيْتِينْ. وَ خَلَاصْ، كُلِّنَا نِسَوُّوا الْخَيْر الْاللّٰهْ يِدَوْرَهْ.

يُوحَنَّا 1:13

وَ يَبْقَوْا عِيَالْ اللّٰهْ مَا بِوَالُودَةْ وَ لَا بِشَهْوَةْ النَّاسْ وَ لَا بِنِيَّةْ هَنَا أَيِّ رَاجِلْ، لَاكِنْ هُمَّنْ بِقَوْا عِيَالْ اللّٰهْ بِقُدْرَةْ اللّٰهْ.

مَتَّى 21:31

«مِنْ الْإِتْنَيْن دَوْل يَاتُو سَوَّى الشَّيّءْ الْأَبُوهُمْ يِدَوْرَهْ؟» وَ الْكُبَارَاتْ قَالَوْا: «الْأَوَّلْ.» وَ عِيسَى قَالْ لَيْهُمْ: «وَ نُقُولْ لَيْكُو الْحَقّ، نَاسْ الْيِشِيلُوا مِيرِي وَ الشَّرَامِيطْ يِنْدَسَّوْا فِي مَمْلَكَةْ اللّٰهْ قِدَّامْكُو.

مَتَّى 12:50

أَشَانْ أَيِّ نَادُمْ الْيِسَوِّي حَسَبْ أَبُويِ فِي السَّمَاءْ يِدَوْرَهْ، هُو بَسْ أَخُويِ وَ أَخْتِي وَ أَمِّي.»

مَتَّى 7:21

«مَا كُلَّ النَّاسْ الْيِنَادُونِي: ‹يَا سَيِّدْنَا، يَا سَيِّدْنَا› يَدْخُلُوا فِي مَمْلَكَةْ اللّٰهْ، إِلَّا النَّاسْ الْيِسَوُّوا حَسَبْ الْأَبُويِ اللّٰهْ يِدَوْرَهْ يَدْخُلُوا.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

كُلُوسِي 3:3

أَشَانْ إِنْتُو مُتُّوا مَعَ الْمَسِيحْ وَ الْحَيَاةْ الْاللّٰهْ أَنْطَاهَا لَيْكُو، هِي لِسَّاعْ مَا تِنْشَافْ. هِي مَعَ الْمَسِيحْ فِي إِيدَيْن اللّٰهْ.

مَتَّى 20:4

وَ قَالْ لَيْهُمْ: ‹أَمْشُوا أَخْدُمُوا فِي جِنَيْنِتِي وَ نِكَفِّيكُو الْقُرُسْ الْوَاجِبْ لَيْكُو.› وَ مَشَوْا.