1 بُطْرُس 4:18 - الكتاب المقدس بالعربي الدارجي هنا تشاد

¹⁸ <كَنْ يَبْقَى قَاسِي لِلنَّادُمْ الصَّالِحْ لِيَلْقَى النَّجَاةْ، كِكَّيْف يَبْقَى لِلْعَاصِي وَ الْمُذْنِبْ؟>

1 بُطْرُس 4:18 Referenca të Kryqëzuara

أمْثال 11:31

أَيْوَى، الصَّالِحْ يَلْقَى أُجُرْتَهْ فِي الدُّنْيَا دِي. وَ زِيَادَةْ مِنْ دَا، الْعَاصِي وَ الْمُذْنِبْ كُلَ يَلْقَوْا جَزَاهُمْ.

حِزْقِيال 18:24

وَ لَاكِنْ كَنْ الصَّالِحْ يِخَلِّي عَدَالْتَهْ وَ يِسَوِّي الظُّلُمْ وَ يِسَوِّي كُلَّ الْمُحَرَّمَاتْ السَّوَّاهُمْ الْعَاصِي، هَلْ يَحْيَى وَلَّا؟ وَ كُلَّ الْعَدَالَةْ السَّوَّاهَا أَوَّلْ، مَا يِذَّكَّرَوْهَا بَتَّانْ. هُو يُمُوتْ بِسَبَبْ الْخِيَانَةْ وَ الذُّنُوبْ السَّوَّاهُمْ.

لُوقا 23:31

فَكِّرَنْ فِي الشَّيّءْ الْيِسَوُّوهْ لَيِّ. كَنْ يِسَوُّوا مِثِلْ دَا لِلْحَطَبْ اللَّيِّنْ، شُنُو الْيَبْقَى لِلْحَطَبْ الْيَابِسْ؟»

يَهُوذَا 1:15

أَشَانْ يِشَارِعْ كُلَّ النَّاسْ وَ يِعَاقِبْ كُلَّ الْفَسْلِينْ فِي أَيِّ فَسَالَةْ السَّوَّوْهَا. وَ هُو يِعَاقِبْ الْمُذْنِبِينْ الْفَسْلِينْ فِي أَيِّ كَلَامْ الْفَسِلْ الْحَجَّوْه فِي اللّٰهْ.»

1 كُرُنْتُس 10:12

وَ فِي شَانْ دَا، خَلِّي كُلِّ نَادُمْ الْيُقُولْ هُو ثَابِتْ فِي الْإِيمَانْ يِنْقَرِعْ أَشَانْ مَا يَمْرُقْ مِنْ الدَّرِبْ.

رَوْمَا 1:18

اللّٰهْ بَيَّنْ غَضَبَهْ الْيِنَزِّلَهْ مِنْ السَّمَاءْ فِي كُلَّ ذَنِبْ وَ فَسَالَةْ بَنِي آدَم. هُمَّنْ قَاعِدِينْ يِخَالُفُوا الْحَقّ بِعَمَلْهُمْ الْفَسِلْ.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

2 بُطْرُس 3:7

وَ بِكِلْمَةْ اللّٰهْ بَتَّانْ السَّمَاوَاتْ وَ الْأَرْض الْقَاعِدِينْ حَالِيّاً مَضْمُومِينْ أَشَانْ يَرْجَوْا النَّارْ. اللّٰهْ قَاعِدْ يَحْفَضْهُمْ لَحَدِّي يَوْم الْحِسَابْ الْيَهْلَكَوْا فَوْقَهْ النَّاسْ الْفَسْلِينْ.

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

رَوْمَا 5:8

لَاكِنْ دَاهُو كِكَّيْف اللّٰهْ وَصَّفْ لَيْنَا مَحَبِّتَهْ الْكَبِيرَةْ. وَكِتْ أَنِحْنَ لِسَّاعْنَا مُذْنِبِينْ، الْمَسِيحْ مَاتْ فِي شَانَّا.

زَكَرِيَّا 13:9

وَ التِّلِتْ الْفَضَّلْ دَا، نُخُطَّهْ فِي النَّارْ وَ نِصَفِّيهْ مِثِلْ يِصَفُّوا الْفُضَّةْ وَ نَكْشِفَهْ مِثِلْ يَكْشُفُوا الدَّهَبْ. وَ هُمَّنْ يِنَادُوا أُسْمِي وَ أَنَا نُرُدّ لَيْهُمْ. وَ أَنَا نُقُولْ لَيْهُمْ: ‹إِنْتُو تَبْقَوْا شَعَبِي.› وَ هُمَّنْ يُقُولُوا: ‹اللّٰهْ بَسْ يَبْقَى إِلٰـهْنَا.›»

إرْمِيا 25:29

أَشَانْ دَاهُو أَنَا نِجِيبْ الْفَسَالَةْ أَوَّلاً كَيْ فِي مَدِينْتِي الْفَوْقهَا أُسْمِي. هَلْ إِنْتُو تَحْسُبُوا نَجْعَلْكُو بَرِيِّينْ وَلَّا؟ لَا! أَبَداً مَا نَجْعَلْكُو بَرِيِّينْ وَكِتْ قَاعِدْ نِجِيبْ الْحَرِبْ فِي كُلَّ سُكَّانْ الْأَرْض.“›» وَ دَا كَلَامْ اللّٰهْ الْقَادِرْ.

عِبْرَانِيِّين 4:1

وَعَدْ اللّٰهْ الْبُخُصّ الدَّخُولْ فِي رَاحْتَهْ لِسَّاعْ قَاعِدْ. أَنْقَرْعُوا! خَلِّي أَيِّ نَادُمْ مِنْكُو يَدْخُلْ فِي الرَّاحَةْ دِي بَلَا فَشَلْ.

رَوْمَا 5:6

أَيْوَى، أَشَانْ فِي الْيَوْم الْاللّٰهْ قَطَعَهْ وَكِتْ أَنِحْنَ مَا عِنْدِنَا قُدْرَةْ نِنَجُّوا نُفُوسْنَا، الْمَسِيحْ مَاتْ فِي شَانْ الْخَاطِيِّينْ.

تكوين 13:13

وَ نَاسْ سَدُومْ هُمَّنْ فَسْلِينْ زِيَادَةْ وَ مُذْنِبِينْ قِدَّامْ اللّٰهْ.

أعمال الرُسُل 27:24

وَ قَالْ: ‹يَا بُولُسْ، مَا تَخَافْ. لَابُدَّ تَقِيفْ قِدَّامْ سُلْطَانْ الرَّوْمَانِيِّينْ. وَ اللّٰهْ أَنْطَاكْ الشَّيّءْ الطَّلَبْتَهْ مِنَّهْ. مَا فِي نَادُمْ مِنْ النَّاسْ الْمُسَافِرِينْ مَعَاكْ يُمُوتْ.›

لُوقا 15:1

وَ النَّاسْ الْيِلِمُّوا الْمِيرِي وَ مُذْنِبِينْ آخَرِينْ جَايِينْ لِعِيسَى أَشَانْ يَسْمَعَوْا كَلَامَهْ.

1 صَمُوِيل 15:18

وَ اللّٰهْ كَلَّفَاكْ وَ قَالْ لَيْك: ‹أَمْشِي وَ دَمِّرْ كُلَّ الْعَمَالِقْ الْمُذْنِبِينْ وَ حَارِبْهُمْ لَحَدِّي تِكَمِّلْهُمْ مَرَّةْ وَاحِدْ.›

أعمال الرُسُل 27:31

لَاكِنْ بُولُسْ حَجَّى لِلْعَسْكَرْ وَ لِمَسْؤُولْهُمْ وَ قَالْ: «كَنْ الرُّجَالْ دَوْل مَا يَقْعُدُوا مَعَانَا فِي السَّفِينَةْ، إِنْتُو مَا تَنْجَوْا.»

1 تِمُوتَاوُس 1:9

وَاجِبْ نَفْهَمَوْا كَدَرْ اللّٰهْ أَنْطَى شُرُوطْ التَّوْرَاةْ مَا لِلصَّالِحِينْ بَسْ لَاكِنْ أَنْطَاهُمْ لِلْمُجْرِمِينْ وَ الْعَاصِيِينْ وَ الْكُفَّارْ وَ الْمُذْنِبِينْ وَ النَّاسْ النِّجْسِينْ وَ الْبَكْرَهَوْا الدِّينْ وَ النَّاسْ الْيَكْتُلُوا أَبَّهَاتْهُمْ وَ الْيَكْتُلُوا أَمَّهَاتْهُمْ وَ كُلَّ كَتَّالِينْ الدِّمَمْ.

يَعْقُوب 5:6

إِنْتُو بَسْ حَاكَمْتُوا وَ كَتَلْتُوا عَبْد اللّٰهْ الصَّالِحْ. وَ هُو مَا يُقُمّ ضِدُّكُو وَلَّا؟