1 بُطْرُس 4:16 - الكتاب المقدس بالعربي الدارجي هنا تشاد

¹⁶ وَ لَاكِنْ كَنْ يِتَعُّبُوهْ أَشَانْ هُو مَسِيحِي بَسْ، خَلِّي مَا يَخْجَلْ. فِي بَدَلَهْ، خَلِّي يِمَجِّدْ اللّٰهْ أَشَانْ النَّاسْ جَعَلَوْه نَادُمْ هَنَا الْمَسِيحْ.

1 بُطْرُس 4:16 Referenca të Kryqëzuara

فِلِبِّي 1:29

أَشَانْ اللّٰهْ أَنْطَاكُو رَحْمَةْ وَ بِالرَّحْمَةْ دِي، إِنْتُو مَا تِآمُنُوا بِالْمَسِيحْ بَسْ لَاكِنْ تَتْعَبَوْا فِي شَانَهْ كُلَ.

1 بُطْرُس 4:19

وَ بِمِثِلْ دَا، خَلِّي النَّاسْ الْيَتْعَبَوْا حَسَبْ الْاللّٰهْ يِدَوْرَهْ يِسَوُّوا دَايْماً الْخَيْر وَ يِتْوَكَّلَوْا عَلَيْ خَالِقْهُمْ الصَّادِقْ.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

فِلِبِّي 1:20

وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

إشَعْيا 50:7

لَاكِنْ اللّٰهْ الرَّبّ فَزَعْنِي وَ بَيْدَا، أَنَا مَا لِقِيتْ إِهَانَةْ. وَ أَلْحَمَّلْت وَ بِقِيتْ ثَابِتْ مِثِلْ الْحَجَرْ أَشَانْ نَعَرِفْ مَا نَلْقَى الْعَيْب.

أعمال الرُسُل 26:28

وَ أَغْرِيبَاسْ رَدَّ لِبُولُسْ وَ قَالْ: «فِي فِكْرَكْ، عَجَلَةْ كَيْ تَقْدَرْ تِسَوِّينِي مَسِيحِي وَلَّا؟»

إشَعْيا 54:4

مَا تَخَافَيْ أَشَانْ الْعَيْب مَا يَكْرُبْكِ وَ مَا تَخْجَلَيْ أَشَانْ مَا تَلْقَيْ الْإِهَانَةْ. وَ لَاكِنْ تَنْسَيْ الْعَيْب هَنَا صُبَاكِ وَ مَا تِذَّكَّرَيْ إِهَانِتْكِ وَكِتْ إِنْتِ أَرْمَلَةْ.

إشَعْيا 24:15

مَجُّدُوا اللّٰهْ فِي الصَّبَاحْ! مَجُّدُوا أُسُمْ اللّٰهْ إِلٰـهْ بَنِي إِسْرَائِيلْ فِي جَزَايِرْ الْبَحَرْ!

أعمال الرُسُل 11:26

وَ لِقِيهْ وَ قَبَّلْ بَيَّهْ فِي أَنْطَاكِيَةْ. وَ مُدَّةْ سَنَةْ كَامِلَةْ، بَرْنَابَا وَ شَاوُولْ قَاعِدِينْ يِلِمُّوا مَعَ جَمَاعَةْ الْمُؤمِنِينْ وَ يِعَلُّمُوا نَاسْ كَتِيرِينْ. وَ أَوَّلْ مَرَّةْ فِي أَنْطَاكِيَةْ بَسْ النَّاسْ خَطَّوْا لِتَلَامِيذ عِيسَى، أُسُمْ الْمَسِيحِيِّينْ.

أعمال الرُسُل 28:22

لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»

يَعْقُوب 2:7

دَوْل هُمَّنْ بَسْ الْيِعَيُّرُوا الْأُسُمْ الْكَرِيمْ هَنَا رَبُّكُو.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

1 بُطْرُس 4:14

كَنْ النَّاسْ يِعَيُّرُوكُو أَشَانْ إِنْتُو نَاسْ الْمَسِيحْ، خَلَاصْ عِنْدُكُو بَرَكَةْ أَشَانْ رُوحْ اللّٰهْ الْمَجِيدْ قَاعِدْ فَوْقكُو.