1 بُطْرُس 4:14 - الكتاب المقدس بالعربي الدارجي هنا تشاد

¹⁴ كَنْ النَّاسْ يِعَيُّرُوكُو أَشَانْ إِنْتُو نَاسْ الْمَسِيحْ، خَلَاصْ عِنْدُكُو بَرَكَةْ أَشَانْ رُوحْ اللّٰهْ الْمَجِيدْ قَاعِدْ فَوْقكُو.

1 بُطْرُس 4:14 Referenca të Kryqëzuara

1 بُطْرُس 3:14

وَ كَنْ يِتَعُّبُوكُو بِسَبَبْ إِنْتُو صَالِحِينْ كُلَ، إِنْتُو مُبَارَكِينْ. مَا تَخَافَوْا مِنْهُمْ وَ مَا تِبَرْجُلُوا.

لُوقا 6:22

مَبْرُوكْ لَيْكُو إِنْتُو كَنْ النَّاسْ يَكْرَهَوْكُو وَ يَابَوْكُو وَ يِعَيُّرُوكُو وَ يِتَلُّفُوا أُسُمْكُو بِسَبَبِي أَنَا، إِبْن الْإِنْسَانْ.

يَعْقُوب 1:12

مَبْرُوكْ لِلنَّادُمْ الْيَصْبُرْ فِي التَّعَبْ الْيِجَرِّبْ إِيمَانَهْ. أَشَانْ وَكِتْ التَّجْرِبَةْ دِي كَمَّلَتْ خَلَاصْ، هُو يَلْقَى تَاجْ الْحَيَاةْ. وَ التَّاجْ دَا، هُو الْحَيَاةْ الْاللّٰهْ وَاعَدْ بَيْهَا النَّاسْ الْيِحِبُّوهْ.

مَتَّى 5:11

«مَبْرُوكْ لَيْكُو إِنْتُو وَكِتْ النَّاسْ يِعَيُّرُوكُو وَ يَطُرْدُوكُو وَ بِالْكِدِبْ يُخُطُّوا فَوْقكُو كَلَامْ شَيْن أَشَانْ إِنْتُو تَلَامِيذِي.

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

زَبُور 146:5

مَبْرُوكْ لِلْيِسَاعِدَهْ إِلٰـهْ يَعْقُوبْ لِلْيُخُطّ عَشَمَهْ فِي اللّٰهْ إِلٰـهَهْ.

2 كُرُنْتُس 12:10

أَشَانْ دَا، أَنَا نَفْرَحْ وَكِتْ أَنَا ضَعِيفْ وَ وَكِتْ يِعَيُّرُونِي وَ يِتَعُّبُونِي وَ يِعَذُّبُونِي وَ يِضَايُقُونِي فِي شَانْ أَنَا قَاعِدْ نِتَابِعْ الْمَسِيحْ. أَشَانْ وَكِتْ مَا عِنْدِي قُدْرَةْ، فِي الْبَكَانْ دَا بَسْ، الْقُدْرَةْ تَقْعُدْ فَوْقِي.

يُوحَنَّا 15:21

يِتَعُّبُوكُو إِنْتُو بِسَبَبْ أُسْمِي أَشَانْ مَا عِرْفَوْا اللّٰهْ الرَّسَّلَانِي.

يَعْقُوب 5:11

هُمَّنْ صَبَرَوْا فِي التَّعَبْ وَ أَنِحْنَ نُقُولُوا هُمَّنْ نَاسْ مُبَارَكِينْ. إِنْتُو سِمِعْتُوا بِصَبُرْ أَيُّوبْ وَ تَعَرْفُوا كَدَرْ اللّٰهْ أَنْطَاهْ بَرَكَةْ فِي الأَخِيرْ أَشَانْ اللّٰهْ هُو الرَّحْمـٰنْ الرَّحِيمْ.

أعمال الرُسُل 13:45

وَ الْيَهُودْ شَافَوْا نَاسْ كَتِيرِينْ جَايِينْ وَ حَسَدَوْا بُولُسْ وَ بَرْنَابَا. وَ أَشَانْ دَا، قَمَّوْا خَالَفَوْا كَلَامْ بُولُسْ وَ عَيَّرَوْه.

إشَعْيا 51:7

أَسْمَعَوْنِي إِنْتُو التَّعَرْفُوا الْعَدَالَةْ، إِنْتُو الشَّعَبْ الْوَصِيَّاتِي قَاعِدِينْ فِي قُلُوبْكُو! مَا تَخَافَوْا وَكِتْ النَّاسْ يِعَيُّبُوكُو وَ مَا تِنْبَهْتُوا وَكِتْ يِعَيُّرُوكُو.

زَبُور 89:51

يَا اللّٰهْ! فَكِّرْ فِي عُدْوَانَكْ الْعَيَّرَوْا خَطْوَاتْ الْمَلِكْ الْإِنْتَ مَسَحْتَهْ وَ دَرَّجْتَهْ.

2 مُلوك 2:15

وَ نَاسْ مَجْمُوعَةْ الْأَنْبِيَاء الْقَاعِدِينْ مُقَابِلِينْ أَرِيحَا شَافَوْه وَ قَالَوْا: «رُوحْ إِلِيَاسْ قَاعِدْ فِي أَلْيَسَعْ!» وَ هُمَّنْ مَشَوْا لَاقَوْه وَ وَقَعَوْا بِوُجُوهُّمْ وَ سَجَدَوْا قِدَّامَهْ.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

عِبْرَانِيِّين 11:26

هُو جَعَلْ كَدَرْ الْمُعْيَارْ الْيَجِي فَوْقَهْ فِي شَانْ الْمَسِيحْ عِنْدَهْ فَايْدَةْ كَتِيرَةْ مِنْ كُلَّ دَهَبْ مَصِرْ. وَ هُو خَطَّ فِكْرَهْ فِي الْأَجُرْ الْقِدَّامَهْ.

غَلاطِية 1:24

وَ شَكَرَوْا اللّٰهْ فِي شَانِي.

يُوحَنَّا 9:34

وَ رَدَّوْا لَيَّهْ وَ قَالَوْا: «إِنْتَ وِلْدَوْك وَ رَبَّوْك فِي ذُنُوبْ. مَا تَقْدَرْ تِعَلِّمْنَا شَيّءْ!» وَ خَلَاصْ، طَرَدَوْه مِنْ بَيْت الصَّلَاةْ.

يُوحَنَّا 9:28

وَ قَمَّوْا عَيَّرَوْه وَ قَالَوْا: «إِنْتَ بَسْ تِلْمِيذَهْ! أَنِحْنَ تَلَامِيذ مُوسَى!

يُوحَنَّا 8:48

وَ الْيَهُودْ رَدَّوْا لَيَّهْ وَ قَالَوْا: «كَلَامْنَا فَوْقَكْ صَحِيحْ! إِنْتَ مِنْ دَارْ السَّامِرَةْ وَ إِنْتَ مُشَوْطِنْ!»

مَتَّى 5:16

وَ مِثِلْ دَا، خَلُّوا نُورْكُو يِضَوِّي قِدَّامْ النَّاسْ. وَ خَلُّوهُمْ يِشِيفُوا خِدْمِتْكُو السَّمْحَةْ وَ يَشْكُرُوا أَبُوكُو اللّٰهْ الْقَاعِدْ فِي السَّمَاوَاتْ.

زَبُور 49:9

الْإِنْسَانْ يَقْدَرْ يِعِيشْ دَايْماً وَلَّا؟ وَ أَبَداً مَا يِشِيفْ الْقَبُرْ وَلَّا؟

1 مُلوك 10:8

مَبْرُوكْ لِنَاسَكْ وَ لِمَسَائِيلَكْ الدَّايْماً قَاعِدِينْ مَعَاكْ وَ يَسْمَعَوْا حِكْمَتَكْ.

2 بُطْرُس 2:2

وَ نَاسْ كَتِيرِينْ يِتَابُعُوهُمْ فِي فَسَادْهُمْ وَ بِسَبَبْهُمْ، النَّاسْ يُقُولُوا كَلَامْ فَسِلْ فِي دَرِبْ الْحَقّ.

أعمال الرُسُل 18:6

لَاكِنْ الْيَهُودْ أَبَوْا مَا دَوَّرَوْا شَهَادْتَهْ وَ بَدَوْا يِعَيُّرُوهْ. وَ بُولُسْ حَتَّ خَلَقَهْ مِنْهُمْ وَ قَالْ: «إِنْتُو مَسْؤُولِينْ مِنْ الْيَجِي فَوْقكُو. أَنَا بَرِي مِنْكُو. مِنْ الْيَوْم نِبَلِّغْ الْبِشَارَةْ لِلنَّاسْ الْمَا يَهُودْ.»

إشَعْيا 11:2

وَ فِي النَّادُمْ دَا، يَنْزِلْ رُوحْ اللّٰهْ وَ دَا رُوحْ الْحِكْمَةْ وَ الْمَعْرَفَةْ وَ الشَّوْرَةْ وَ الْفَحَالِيَّةْ وَ الْعِلِمْ وَ الْخَوْف مِنْ اللّٰهْ.

إشَعْيا 25:8

وَ بَيْدَا، اللّٰهْ الرَّبّ يِدَمِّرْ الْمَوْت إِلَى الْأَبَدْ وَ يُقُشّ دُمُوعْ كُلَّ الْوُجُوهْ وَ يِوَدِّرْ عَيْب شَعَبَهْ فِي كُلَّ الْأَرْض. دَا كَلَامْ اللّٰهْ الْهُو قَالَهْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

أعمال الرُسُل 28:22

لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»

2 كُرُنْتُس 4:10

الْمَسِيحْ تِعِبْ وَ مَاتْ. وَ فِي أَيِّ بَكَانْ، أَنِحْنَ كُلَ نَتْعَبَوْا مِثْلَهْ أَشَانْ حَيَاةْ عِيسَى تِنْشَافْ فِي جِسِمْنَا.

2 كُرُنْتُس 4:16

أَشَانْ دَا أَبَداً مَا نَكْسَلَوْا. صَحِيحْ، جِسِمْنَا قَاعِدْ يُمُوتْ وَ لَاكِنْ الْحَيَاةْ الْجَدِيدَةْ قَاعِدَةْ تِزِيدْ فِي قُلُوبْنَا كُلِّ يَوْم.

1 بُطْرُس 4:16

وَ لَاكِنْ كَنْ يِتَعُّبُوهْ أَشَانْ هُو مَسِيحِي بَسْ، خَلِّي مَا يَخْجَلْ. فِي بَدَلَهْ، خَلِّي يِمَجِّدْ اللّٰهْ أَشَانْ النَّاسْ جَعَلَوْه نَادُمْ هَنَا الْمَسِيحْ.