1 بُطْرُس 4:12 - الكتاب المقدس بالعربي الدارجي هنا تشاد

¹² يَا أَخْوَانِي النِّحِبُّكُو، مَا تِعَجُّبُوا مِنْ التَّعَبْ الشَّدِيدْ الْيَجِي فَوْقكُو أَشَانْ يِجَرِّبْكُو. مَا تُقُولُوا دَا شَيّءْ مَا مَعْرُوفْ جَاءْ فَوْقكُو.

1 بُطْرُس 4:12 Referenca të Kryqëzuara

2 تِمُوتَاوُس 3:12

وَ أَكِيدْ أَيِّ نَادُمْ الْيِدَوْر يِنْكَرِبْ فِي التَّقْوَى فِي دَرِبْ الْمَسِيحْ عِيسَى، يِتَعُّبُوهْ.

1 بُطْرُس 5:9

أَقْعُدُوا ثَابْتِينْ فِي إِيمَانْكُو وَ أَقِيفُوا ضِدّ إِبْلِيسْ. أَعَرْفُوا كَدَرْ أَخْوَانْكُو فِي أَيِّ بَكَانْ فِي الدُّنْيَا قَاعِدِينْ يَحْمَلَوْا نَفْس التَّعَبْ مِثِلْكُو.

دَنْيال 11:35

وَ النَّاسْ الْعِنْدُهُمْ حِكْمَةْ، كَتِيرِينْ مِنْهُمْ يُمُوتُوا وَ مَوْتهُمْ دَا يِطَهِّرْ الشَّعَبْ وَ يِصَفِّيهُمْ وَ يِجَهِّزْهُمْ لِلْوَكِتْ الْأَخِيرْ الْمُحَدَّدْ.

1 كُرُنْتُس 10:13

مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.

1 كُرُنْتُس 3:13

وَ الْخِدْمَةْ الْأَيِّ نَادُمْ خَدَمْهَا تِنْعَرِفْ أَشَانْ يَوْم الْحِسَابْ يِوَصِّفْهَا بِنَارْ. وَ النَّارْ تِجَرِّبْ خِدْمَةْ أَيِّ نَادُمْ كَنْ عَدِيلَةْ وَلَّا مَا عَدِيلَةْ.

1 بُطْرُس 4:4

وَ هُمَّنْ يِعَجُّبُوا مِنْكُو أَشَانْ مَا تِلِمُّوا مَعَاهُمْ فِي فَسَادْهُمْ الْمَا عِنْدَهْ حَدّ وَ أَشَانْ دَا يِعَيُّرُوكُو.

إشَعْيا 28:21

بِأَكِيدْ، اللّٰهْ يُقُمّ مِثِلْ قَمَّ فِي جَبَلْ فَرَاصِيمْ وَ يَغْضَبْ مِثِلْ غِضِبْ فِي وَادِي قِبْعُونْ. وَ دَا لِيِسَوِّي خِدِمْتَهْ وَ هِي خِدِمْتَهْ الْعَجِيبَةْ وَ يِحَقِّقْ عَمَلَهْ وَ هُو عَمَلَهْ الْغَرِيبْ.

جامِعة 5:8

وَ كَنْ إِنْتَ شِفْت فِي بَلَدْ وَاحِدَةْ يَظُلْمُوا الْمِسْكِينْ وَ يَدْحَرَوْه مِنْ الْحَقّ وَ الْعَدَالَةْ، مَا تِلْعَجَّبْ مِنْ الشَّيّءْ دَا. أَشَانْ الْمَسْؤُولْ يَحْمِي الْمَسْؤُولْ وَ فِي مَسَائِيلْ آخَرِينْ كُبَارْ مِنْهُمْ.

1 بُطْرُس 2:11

يَا أَخْوَانِي النِّحِبُّكُو الْعَايْشِينْ فِي الدُّنْيَا مِثِلْ أَجَانِبْ وَ ضِيفَانْ، نُقُولْ لَيْكُو أَنْقَرْعُوا. شَهْوَاتْ الْإِنْسَانْ عَدُو. آبَوْا مَا تِتَابُعُوهُمْ.