1 بُطْرُس 4:11 - الكتاب المقدس بالعربي الدارجي هنا تشاد

¹¹ مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

1 بُطْرُس 4:11 Referenca të Kryqëzuara

1 كُرُنْتُس 10:31

وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ.

أفَسُس 6:10

وَ آخِرْ شَيّءْ، أَبْقَوْا قَوِيِّينْ فِي عَلَاقِتْكُو مَعَ الرَّبّ وَ بِقُدُرْتَهْ الْعَظِيمَةْ.

1 بُطْرُس 4:10

اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.

أعمال الرُسُل 7:38

وَ وَكِتْ جَمَاعَةْ بَنِي إِسْرَائِيلْ لَامِّينْ فِي الصَّحَرَاءْ، مُوسَى بَسْ الْوَسِيطْ أَمْبَيْن جُدُودْنَا وَ الْمَلَكْ الْكَلَّمْ مَعَايَهْ فِي جَبَلْ سِينَاء. لَيَّهْ هُو بَسْ، اللّٰهْ نَزَّلْ كَلَامْ الْحَيَاةْ أَشَانْ يَنْطِيهْ لَيْنَا.

أفَسُس 4:29

أَبَداً مَا تِحَجُّوا كَلَامْ شَيْن. وَاجِبْ تِحَجُّوا دَايْماً كَلَامْ سَمَحْ الْيِقَوِّي النَّاسْ وَ الْكَلَامْ الْمُوَافِقْ لَيْهُمْ أَشَانْ يَبْقَى بَرَكَةْ لِلنَّاسْ الْيَسْمَعَوْه.

رَوْمَا 3:2

أَيْوَى، الْيَهُودْ عِنْدُهُمْ فَايْدَةْ كَبِيرَةْ بِلْحَيْن! وَ أَوَّلْ شَيّءْ، اللّٰهْ أَمَّنَاهُمْ بِكَلَامَهْ.

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

كُلُوسِي 4:6

شِيلُوا نِيَّةْ أَشَانْ تِحَجُّوا دَايْماً بِكَلَامْ طَاعِمْ وَ عِنْدَهْ رَحْمَةْ. وَ مِثِلْ دَا، تَعَرْفُوا كِكَّيْف وَاجِبْ تُرُدُّوا لِأَيِّ نَادُمْ.

1 كُرُنْتُس 12:4

خَلَاصْ، الْعَطَايَا الْاللّٰهْ يَنْطِيهُمْ شِقْ شِقْ لَاكِنْ الرُّوحْ الْقُدُّوسْ وَاحِدْ.

1 بُطْرُس 2:5

وَ إِنْتُو كُلَ مِثِلْ حُجَارْ الْحَيِّينْ الْاللّٰهْ قَاعِدْ يَبْنِي بَيْكُو بَيْت هَنَا رُوحَهْ. وَ إِنْتُو رُجَالْ دِينْ خَاصِّيْن وَ قَاعِدِينْ تِقَدُّمُوا لِلّٰهْ ضَحَايَا بِإِذِنْ الرُّوحْ الْقُدُّوسْ الْاللّٰهْ يَرْضَى بَيْهُمْ بِوَاسِطَةْ عِيسَى الْمَسِيحْ.

يَهُوذَا 1:25

وَ الْحَمْد لِلّٰهْ الْوَاحِدْ الْيِنَجِّينَا بِعِيسَى الْمَسِيحْ رَبِّنَا. كُلَّ الْمَجْد وَ الْجَلَالْ وَ الْمُلُكْ وَ السُّلْطَةْ وَاجِبْ لَيَّهْ هُو بَسْ، مِنْ قَبُلْ كُلَّ الْوَكِتْ وَ فِي الْوَكِتْ الْحَاضِرْ وَ إِلَى الْأَبَدْ! آمِينْ.

عِبْرَانِيِّين 5:12

إِنْتُو الطَّوَّلْتُوا فِي الدَّرِبْ، وَاجِبْ تَبْقَوْا مُعَلِّمِينْ هَنَا الْإِيمَانْ لَاكِنْ بِالصَّحِيحْ، إِنْتُو حَوْجَانِينْ لِدُرُوسْ أَوَّلَانِيِّينْ هَنَا كَلَامْ اللّٰهْ. إِنْتُو بِقِيتُوا مِثِلْ الصَّغِيرْ اللِّسَّاعَهْ حَوْجَانْ لِلَبَنْ أَمَّهْ أَشَانْ هُو مَا جَاهِزْ لِلْأَكِلْ.

1 تِمُوتَاوُس 6:16

هُو وِحَيْدَهْ الْحَيّ إِلَى الْأَبَدْ وَ هُو سَاكِنْ فِي نُورْ عَظِيمْ وَ النَّاسْ مَا يَقْدَرَوْا يِقَرُّبُوا لَيَّهْ. أَبَداً مَا فِي نَادُمْ الشَّافَهْ وَ لَا يَقْدَرْ يِشِيفَهْ. وَاجِبْ لَيَّهْ كُلَّ الْإِكْرَامْ وَ الْمُلُكْ إِلَى الْأَبَدْ. آمِينْ.

1 تِمُوتَاوُس 1:17

وَ الْحَمْد وَ الْمَجْد لِلّٰهْ دَايْماً وَ إِلَى الْأَبَدْ. هُو بَسْ الْمَلِكْ الدَّايِمْ الْأَبَداً مَا يُمُوتْ وَ لَا يِنْشَافْ، اللّٰهْ الْوَاحِدْ. آمِينْ.

1 كُرُنْتُس 3:10

وَ أَنَا مِثِلْ بَنَّايْ الْيَعَرِفْ خِدِمْتَهْ وَ بِالرَّحْمَةْ الْاللّٰهْ أَنْطَانِي، أَنَا خَطَّيْت أَسَاسْ الْبَيْت وَ نَادُمْ آخَرْ جَاءْ بَنَى فَوْقَهْ. وَ أَيِّ نَادُمْ الْيَبْنِي فَوْقَهْ وَاجِبْ يُخُطّ بَالَهْ فِي خِدِمْتَهْ.

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

دَنْيال 7:14

وَ أَنْطَوْا لِإِبْن الْإِنْسَانْ دَا سُلْطَةْ وَ مَجْد وَ مُلُكْ أَشَانْ يَعَبُدُوهْ كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ. وَ سُلْطِتَهْ هِي سُلْطَةْ دَايْمَةْ وَ مَمْلَكَتَهْ أَبَداً مَا تِدَّمَّرْ.

إشَعْيا 8:20

خَلَاصْ، رُدُّوا لَيْهُمْ وَ قُولُوا: «النَّاسْ الْمَا يِتَابُعُوا التَّعْلِيمْ وَ الشَّهَادَةْ مَا يِشِيفُوا نُورْ الصَّبَاحْ.»

زَبُور 145:13

وَ مَمْلَكَتَكْ تَقْعُدْ فِي كُلَّ وَكِتْ وَ سُلْطِتَكْ دَايْمَةْ مِنْ ذُرِّيَّةْ لِذُرِّيَّةْ. اللّٰهْ يِتِمّ كُلَّ كَلِمَاتَهْ، هُو أَمِينْ فِي كُلَّ أَعْمَالَهْ.

1 بُطْرُس 5:11

وَ الْمُلُكْ وَاجِبْ لَيَّهْ هُو بَسْ إِلَى الْأَبَدْ. آمِينْ.

يَعْقُوب 1:26

النَّادُمْ الْيِفَكِّرْ هُو يِتَابِعْ الدِّينْ عَدِيلْ وَ لَاكِنْ مَا يَلْزَمْ لِسَانَهْ، هُو دَا قَاعِدْ يُغُشّ نَفْسَهْ وَ دِينَهْ مَا يَنْفَعْ.

فِلِبِّي 2:11

وَ لَحَدِّي أَيِّ وَاحِدْ يَشْهَدْ وَ يُقُولْ كَدَرْ عِيسَى الْمَسِيحْ هُو الرَّبّ وَ يِمَجِّدْ اللّٰهْ أَبُوهْ.

أفَسُس 5:20

أَشْكُرُوا اللّٰهْ أَبُونَا فِي كُلَّ وَكِتْ وَ فِي كُلَّ شَيّءْ بِأُسُمْ رَبِّنَا عِيسَى الْمَسِيحْ.

1 كُرُنْتُس 6:20

هُو فَدَاكُو بِتَمَنْ غَالِي. أَشَانْ دَا، خَلِّي كُلَّ شَيّءْ التِّسَوُّوا بِجِسِمْكُو يِمَجِّدْ اللّٰهْ.

رَوْمَا 11:36

أَشَانْ كُلَّ شَيّءْ جَايِ مِنْ اللّٰهْ وَ مَوْجُودْ بَيَّهْ هُو وَ لَيَّهْ هُو. وَ الْحَمْدُ للّٰهْ إِلَى الْأَبَدْ. آمِينْ.

دَنْيال 4:34

وَ نَبُوخَدْنَصَرْ قَالْ: «بَعَدْ السَّبْعَةْ سِنِينْ الْمُحَدَّدِينْ، أَنَا رَفَعْت عُيُونِي لِلسَّمَاءْ وَ عَقْلِي جَاءْ فَوْقِي بَتَّانْ. وَ خَلَاصْ، أَنَا شَكَرْت اللّٰهْ الْعَالِي وَ غَنَّيْت بِأُسْمَهْ وَ مَجَّدْتَهْ هُو اللّٰهْ الْحَيّ الدَّايِمْ. هُو يَمْلُكْ دَايْماً وَ إِلَى الْأَبَدْ وَ مُلْكَهْ قَاعِدْ مِنْ ذُرِّيَّةْ لِذُرِّيَّةْ.

دَنْيال 4:3

وَ عَلَامَاتَهْ كُبَارْ وَ عَجَايْبَهْ قَوِيِّينْ. وَ مُلْكَهْ يُدُومْ إِلَى الْأَبَدْ وَ سُلْطِتَهْ تَقْعُدْ مِنْ ذُرِّيَّةْ لِذُرِّيَّةْ.

إرْمِيا 23:22

وَ كَنْ أَوَّلْ حِضْرَوْا فِي مَجْلَسِي، هُمَّنْ يَقْدَرَوْا يِخَبُّرُوا شَعَبِي بِكَلَامِي. وَ يِقَبُّلُوهُمْ مِنْ دَرِبْهُمْ الْهَوَانْ وَ يِرَجُّعُوهُمْ مِنْ عَمَلْهُمْ الْفَسِلْ.»

فِلِبِّي 1:11

وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

2 كُرُنْتُس 9:13

وَ نَاسْ كَتِيرِينْ يِمَجُّدُوا اللّٰهْ. أَشَانْ الْخِدْمَةْ دِي، هِي الدَّلِيلْ الْيِوَصِّفْ كَدَرْ إِنْتُو مُؤمِنِينْ بِبِشَارَةْ الْمَسِيحْ وَ تِتَابُعُوهْ عَدِيلْ. وَ يِمَجُّدُوا اللّٰهْ أَشَانْ أَنْطَيْتُوهُمْ وَ أَنْطَيْتُوا لِنَاسْ آخَرِينْ بِجُودْ.

رَوْمَا 16:27

وَ الْحَمْد وَاجِبْ لِلّٰهْ الْوَاحِدْ الْحَكِيمْ، بِأُسُمْ عِيسَى الْمَسِيحْ إِلَى الْأَبَدْ. آمِينْ.

يُوحَنَّا 13:31

وَ وَكِتْ يَهُوذَا مَرَقْ خَلَاصْ، عِيسَى حَجَّى لَيْهُمْ وَ قَالْ: «هَسَّعْ مَجْد إِبْن الْإِنْسَانْ يِبِينْ. وَ بَيَّهْ هُو، مَجْد اللّٰهْ يِبِينْ.

رَوْمَا 12:3

وَ بِالنِّعْمَةْ الْاللّٰهْ أَنْطَاهَا لَيِّ، نِوَصِّي أَيِّ وَاحِدْ مِنْكُو مَا يِسْتَكْبَرْ. خَلِّي أَيِّ وَاحِدْ مَا يِنْغَشَّ لَاكِنْ يِشِيفْ نَفْسَهْ حَسَبْ قُدْرَةْ الْإِيمَانْ الْاللّٰهْ أَنْطَاهْ لَيَّهْ.

2 كُرُنْتُس 2:17

نَاسْ كَتِيرِينْ قَاعِدِينْ يِخَلْبُطُوا كَلَامْ اللّٰهْ وَ يِتَاجُرُوا بَيَّهْ وَ أَنِحْنَ مَا مِثِلْهُمْ. أَنِحْنَ نِكَلُّمُوا بِنِيَّةْ مُخْلِصَةْ. أَنِحْنَ نَاسْ الْمَسِيحْ وَ اللّٰهْ رَسَّلَانَا وَ قِدَّامْ اللّٰهْ نِكَلُّمُوا لِلنَّاسْ.

أفَسُس 1:19

وَ تَعَرْفُوا قُدُرْتَهْ الْمَا عِنْدَهَا حَدّ الْقَاعِدَةْ تَخْدِمْ لَيْنَا أَنِحْنَ الْمُؤمِنِينْ. الْقُدْرَةْ دِي عَظِيمَةْ وَ هِي الْقُدْرَةْ

1 تَسَلونِيكِي 2:4

بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

تِيطُس 2:1

لَاكِنْ إِنْتَ، عَلِّمْ الْأَخْوَانْ الْحَالْ الْمُوَافْقَةْ مَعَ التَّعْلِيمْ الْعَدِيلْ.

تِيطُس 2:15

وَ خَلَاصْ كُلَّ الْكَلَامْ دَا، أَوْرِيهُمْ بَيَّهْ بِكَلَامْ وَاضِحْ. عِنْدَكْ فَوْقهُمْ حَقّ أَشَانْ تِشَجِّعْهُمْ وَ تَهْرِجْهُمْ حَسَبْ حَالْهُمْ. مَا تِخَلِّي نَادُمْ يَحْقِرَكْ.

عِبْرَانِيِّين 13:7

فَكُّرُوا عَدِيلْ فِي كُبَارَاتْكُو الْأَوَّلْ بَلَّغَوْا لَيْكُو كَلَامْ اللّٰهْ. فَكُّرُوا فَوْقهُمْ كِكَّيْف هُمَّنْ عَاشَوْا وَ مَاتَوْا. وَ خَلِّي إِيمَانْكُو يَبْقَى مِثِلْ إِيمَانْهُمْ.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

1 بُطْرُس 4:16

وَ لَاكِنْ كَنْ يِتَعُّبُوهْ أَشَانْ هُو مَسِيحِي بَسْ، خَلِّي مَا يَخْجَلْ. فِي بَدَلَهْ، خَلِّي يِمَجِّدْ اللّٰهْ أَشَانْ النَّاسْ جَعَلَوْه نَادُمْ هَنَا الْمَسِيحْ.