1 بُطْرُس 4:10 - الكتاب المقدس بالعربي الدارجي هنا تشاد

¹⁰ اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.

1 بُطْرُس 4:10 Referenca të Kryqëzuara

مَرْخُوس 10:45

أَشَانْ أَنَا إِبْن الْإِنْسَانْ، أَنَا ذَاتِي مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ أَنَا نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

1 كُرُنْتُس 15:10

لَاكِنْ هَسَّعْ، أَنَا رَسُولْ بِرَحْمَةْ اللّٰهْ وَ رَحْمَتَهْ مَا فَشَلَتْ. بِالْعَكْس، أَنَا خَدَمْت خِدْمَةْ زِيَادَةْ مِنْهُمْ كُلُّهُمْ. وَ بِالصَّحِيحْ، الْخَدَمْ عَدِيلْ مَا أَنَا لَاكِنْ رَحْمَةْ اللّٰهْ الْقَاعِدَةْ فَوْقِي.

1 كُرُنْتُس 3:10

وَ أَنَا مِثِلْ بَنَّايْ الْيَعَرِفْ خِدِمْتَهْ وَ بِالرَّحْمَةْ الْاللّٰهْ أَنْطَانِي، أَنَا خَطَّيْت أَسَاسْ الْبَيْت وَ نَادُمْ آخَرْ جَاءْ بَنَى فَوْقَهْ. وَ أَيِّ نَادُمْ الْيَبْنِي فَوْقَهْ وَاجِبْ يُخُطّ بَالَهْ فِي خِدِمْتَهْ.

أفَسُس 4:11

وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.

رَوْمَا 15:27

وَ شَالَوْا النِّيَّةْ دِي بِفَرَحْ. وَ دَا مِثِلْ دَيْن فَوْقهُمْ أَشَانْ أَوَّلْ الْيَهُودْ قَسَّمَوْا بَرَكَاتْهُمْ اللِّقَوْهُمْ مِنْ اللّٰهْ مَعَ الْمَا يَهُودْ. وَ هَسَّعْ الْمَا يَهُودْ وَاجِبْ لَيْهُمْ يِسَاعُدُوا الْيَهُودْ بِالْبَرَكَاتْ الْأَرْضِيَّةْ اللِّقَوْهُمْ.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

أفَسُس 3:8

وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

1 كُرُنْتُس 4:7

وَ نُقُولْ لِأَيِّ وَاحِدْ، يَاتُو السَّوَّاكْ أَخَيْر مِنْ أَخُوكْ؟ الشَّيّءْ الْعِنْدَكْ دَا، هُو مِنْ اللّٰهْ. وَ كَنْ اللّٰهْ بَسْ أَنْطَاهْ لَيْك، مَالَا تِسْتَكْبَرْ بَيَّهْ مِثِلْ إِنْتَ مَا لِقِيتَهْ مِنَّهْ هُو؟

لُوقا 19:13

وَ قُبَّالْ مَا يِسَافِرْ، هُو نَادَى عَشَرَةْ مِنْ عَبِيدَهْ وَ أَنْطَى لِأَيِّ وَاحِدْ جِنَيْه هَنَا دَهَبْ. وَ قَالْ لَيْهُمْ: ‹تَاجُرُوا بَيَّهْ لَحَدِّي نِقَبِّلْ.›

لُوقا 8:3

وَ جَانَا مَرِةْ خُوزَا وَكِيلْ هَنَا هِرُودُسْ الْمُحَافِظْ وَ سُوزَانَةْ وَ عَوِينْ آخَرَاتْ كَتِيرَاتْ. وَ الْعَوِينْ دَيْل قَاعِدَاتْ يِسَاعِدَنْ جَمَاعَةْ عِيسَى بِمَالْهِنْ حَلَالْهِنْ.

2 كُرُنْتُس 6:1

وَ خَلَاصْ، أَنِحْنَ نَخْدُمُوا مَعَ اللّٰهْ وَ أَشَانْ دَا نِوَصُّوكُو. أَكِيدْ قِبِلْتُوا رَحْمَةْ اللّٰهْ وَ هَسَّعْ دَا، أَكُرْبُوهَا قَوِي أَشَانْ تَلْقَوْا مِنْهَا الْفَايْدَةْ الْكَامِلَةْ.

رَوْمَا 15:25

لَاكِنْ هَسَّعْ دَا، أَنَا مَاشِي مَدِينَةْ الْقُدُسْ أَشَانْ نِسَاعِدْ الصَّالِحِينْ.

مَتَّى 25:44

«وَ النَّاسْ دَوْل كُلَ يُرُدُّوا لَيَّهْ وَ يُقُولُوا: ‹يَا رَبِّنَا، مَتَى شِفْنَاكْ جِيعَانْ وَلَّا عَطْشَانْ وَلَّا ضَيْف وَلَّا عَرْيَانْ وَلَّا مَرْضَانْ وَلَّا فِي السِّجِنْ وَ أَنِحْنَ مَا عَاوَنَّاكْ؟›

مَتَّى 20:28

سَوُّوا مِثْلِي أَنَا، إِبْن الْإِنْسَانْ. أَنَا مَا جِيتْ أَشَانْ النَّاسْ يَخْدُمُوا لَيِّ لَاكِنْ أَشَانْ نَخْدِمْ لِلنَّاسْ. وَ جِيتْ أَشَانْ نَفْدَى نَاسْ كَتِيرِينْ بِرُوحِي.»

2 تِمُوتَاوُس 1:18

وَ نَسْأَلْ رَبِّنَا لِوَانِي سِفِرُسْ أَشَانْ يَلْقَى رَحْمَةْ مِنْ اللّٰهْ فِي الْيَوْم الْأَخِيرْ. وَ إِنْتَ تَعَرِفْ هُو سَاعَدَانِي كَتِيرْ وَكِتْ أَنَا قَاعِدْ فِي حِلَّةْ أَفَسُسْ كُلَ.

مَتَّى 24:45

«يَاتُو مِنْكُو يَبْقَى عَبِدْ أَمِينْ وَ فَاهِمْ؟ السِّيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ أَكِلْ فِي الْوَكِتْ الْوَاجِبْ.

مَتَّى 24:14

وَ يِبَلُّغُوا بِشَارَةْ مَمْلَكَةْ اللّٰهْ فِي كُلَّ الدُّنْيَا وَ يَشْهَدَوْا لَيْهَا لِكُلَّ الْأُمَمْ وَ بَعَدْ دَا بَسْ، كُمَالَةْ الدُّنْيَا.

2 كُرُنْتُس 9:1

وَ بِالصَّحِيحْ، مَا وَاجِبْ لَيِّ نَكْتِبْ لَيْكُو فِي الشَّيّءْ الْبُخُصّ الْمُسَاعَدَةْ النِّدَوْرُوا نِوَدُّوهَا لِلْأَخْوَانْ الصَّالِحِينْ الْفِي مَدِينَةْ الْقُدُسْ.

مَتَّى 24:21

فِي الْوَكِتْ دَاكْ، التَّعَبْ يَبْقَى شَدِيدْ بِلْحَيْن. وَ مَا فِي تَعَبْ مِثْلَهْ مِنْ اللّٰهْ خَلَقْ الدُّنْيَا لَحَدِّي الْيَوْم. وَ تَعَبْ شَدِيدْ مِثِلْ دَا أَبَداً مَا يُكُونْ بَتَّانْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

1 بُطْرُس 5:12

وَ أَنَا كَتَبْت لَيْكُو الْجَوَابْ الْقِصَيِّرْ دَا مَعَ أَخُونَا سِيلَا وَ نَشْهَدْ لَيَّهْ، هُو أَخُو صَادِقْ. وَ كَتَبْتَهْ لَيْكُو أَشَانْ نِشَجِّعْكُو وَ نَشْهَدْ لَيْكُو كَدَرْ عِنْدُكُو نِعْمَةْ اللّٰهْ الصَّحِيحَةْ وَ إِنْتُو قَاعِدِينْ ثَابْتِينْ فَوْقهَا.

مَتَّى 25:17

وَ الْخَدَّامْ الْعِنْدَهْ 200 جِنَيْه سَوَا نَفْس الشَّيّءْ وَ لِقِي مَكْسَبْ 200 جِنَيْه زِيَادَةْ.