1 بُطْرُس 3:4 - الكتاب المقدس بالعربي الدارجي هنا تشاد

⁴ فِي بَدَلَهْ، أَنْكَرْبَنْ فِي الْجَمَالْ الدَّخْلَانِي وَ هُو جَمَالْ النَّفَسْ الْبَارِدْ وَ الْهُدُوءْ. وَ الْجَمَالْ الدَّخْلَانِي، هُو مِثِلْ حَجَرْ غَالِي الْأَبَداً مَا يَتْلَفْ وَ قِيمْتَهْ كَبِيرَةْ قِدَّامْ اللّٰهْ.

1 بُطْرُس 3:4 Referenca të Kryqëzuara

كُلُوسِي 3:12

يَا النَّاسْ الْاللّٰهْ عَزَلَاكُو، بِقِيتُوا صَالِحِينْ وَ مَحْبُوبِينْ. أَشَانْ دَا، أَلْبَسَوْا الْمَحَنَّةْ وَ خَلِّي قُلُوبْكُو يَبْقَوْا بُيُضْ وَ نَفَسْكُو يَبْقَى بَارِدْ وَ أَبْقَوْا ضَلُولِينْ وَ صُبُورِينْ.

1 صَمُوِيل 16:7

وَ لَاكِنْ اللّٰهْ قَالْ لِصَمُوِيلْ: «أَنَا رَفَضْتَهْ. وَ خَلِّي جَمَالَهْ وَ طُولَهْ مَا يَعَجُبُوكْ! أَشَانْ أَنَا مَا نِشِيفْ الْأَشْيَاءْ مِثِلْ الْإِنْسَانْ يِشِيفْهُمْ. الْإِنْسَانْ يِشِيفْ الظَّاهِرْ بَسْ وَ لَاكِنْ أَنَا اللّٰهْ نِشِيفْ الْفِي الْقَلِبْ.»

رَوْمَا 2:29

لَاكِنْ الْيَهُودِي الصَّحِيحْ، هُو يَهُودِي فِي قَلْبَهْ وَ طَهُورْتَهْ، هِي طَهُورَةْ الْقَلِبْ الْجَايَةْ مِنْ رُوحْ اللّٰهْ. وَ طَهُورْتَهْ مَا طَهُورَةْ الْمَكْتُوبَةْ فِي كِتَابْ التَّوْرَاةْ بَسْ. الْيَهُودِي الْمِثِلْ دَا، كَنْ النَّاسْ مَا يَشْكُرُوهْ كُلَ، اللّٰهْ يَرْضَى بَيَّهْ.

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

تِيطُس 3:2

وَ خَلِّي مَا يُقُولُوا كَلَامْ فَسِلْ فِي أَيِّ نَادُمْ وَ لَا يِهَارُجُوا. وَ خَلِّي يِحَجُّوا بِنَفَسْ بَارِدْ وَ بِأَدَبْ مَعَ كُلَّ النَّاسْ.

مَتَّى 23:26

يَا الْفَرِيزِي الْعَمْيَانْ! أَوَّلْ غَسِّلْ الْكَاسْ مِنْ دَاخَلْ أَشَانْ يَبْقَى طَاهِرْ مِنْ بَرَّا كُلَ.

رَوْمَا 7:22

فِي قَلْبِي، أَنَا نِرِيدْ وَصَايَا اللّٰهْ

2 كُرُنْتُس 4:16

أَشَانْ دَا أَبَداً مَا نَكْسَلَوْا. صَحِيحْ، جِسِمْنَا قَاعِدْ يُمُوتْ وَ لَاكِنْ الْحَيَاةْ الْجَدِيدَةْ قَاعِدَةْ تِزِيدْ فِي قُلُوبْنَا كُلِّ يَوْم.

1 تَسَلونِيكِي 4:11

شِيلُوا نِيَّةْ أَشَانْ تِعِيشُوا بِحَالْ هَادِيَةْ. وَ مَا تَدْخُلُوا فِي شُؤُونْ النَّاسْ. أَخْدُمُوا بِدُرَاعْكُو مِثِلْ أَنِحْنَ وَصَّيْنَاكُو بَيَّهْ.

أفَسُس 4:2

سَوُّوا كُلَّ شَيّءْ بِنَفَسْ بَارِدْ وَ أَبْقَوْا ضَلُولِينْ وَ صُبُورِينْ وَ أَلْحَمَّلَوْا الْوَاحِدِينْ لِلْآخَرِينْ بِمَحَبَّةْ.

1 بُطْرُس 3:15

لَاكِنْ خُطُّوا فِي قُلُوبْكُو كَدَرْ الْمَسِيحْ، هُو قُدُّوسْ وَ هُو رَبُّكُو. أَقْعُدُوا دَايْماً جَاهِزِينْ أَشَانْ تُرُدُّوا لِأَيِّ نَادُمْ الْيَطْلُبْ مِنْكُو دَلِيلْ هَنَا الْعَشَمْ الْعِنْدُكُو.

1 تِمُوتَاوُس 2:2

خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ.

لُوقا 11:40

يَا الْجُهَّالْ، إِنْتُو مَا تَعَرْفُوا كَدَرْ اللّٰهْ الْخَلَقْ النُّصّ الْبَرَّانِي خَلَقْ النُّصّ الدَّخْلَانِي كُلَ؟

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

زَبُور 25:9

وَ هُو يُقُودْ الْمَسَاكِينْ فِي الْعَدَالَةْ وَ يِعَلِّمْهُمْ دَرْبَهْ.

يَعْقُوب 1:21

أَشَانْ دَا، خَلُّوا مِنْكُو كُلَّ شَيّءْ الْيِنَجِّسْكُو وَ كُلَّ شَيّءْ الْفَسِلْ وَ أَقْبَلَوْا بِمَسْكَنَةْ الْكَلَامْ الْاللّٰهْ خَطَّاهْ فِي قُلُوبْكُو. الْكَلَامْ دَا عِنْدَهْ قُدْرَةْ أَشَانْ يِنَجِّيكُو.

2 تِمُوتَاوُس 2:25

بِنَفَسْ بَارِدْ، هُو يِوَصِّفْ الْحَقّ لِلنَّاسْ الْيِخَالُفُوهْ وَ هُو يِدَوْر كَدَرْ اللّٰهْ يَهْدِيهُمْ لِلتَّوْبَةْ وَ يَعَرْفُوا الْحَقّ.

2 تَسَلونِيكِي 3:12

النَّاسْ الْمِثِلْ دَوْل، نَطُلْبُوا مِنْهُمْ وَ نَامُرُوهُمْ بِأُسُمْ رَبِّنَا عِيسَى الْمَسِيحْ أَشَانْ يَخْدُمُوا بِالسَّلَامْ وَ يَكْسَبَوْا رِزِقْهُمْ.

مَتَّى 5:5

مَبْرُوكْ لِلنَّاسْ الضَّلُولِينْ أَشَانْ هُمَّنْ يَوْرُثُوا الْأَرْض.

إشَعْيا 29:19

وَ الْمَسَاكِينْ يَفْرَحَوْا زِيَادَةْ بِاللّٰهْ وَ فَقْرَانِينْ الشَّعَبْ يِنْبَسْطُوا بِقُدُّوسْ إِسْرَائِيلْ.

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

زَبُور 147:6

اللّٰهْ يِسَاعِدْ الْمَسَاكِينْ وَ يَرْمِي الْعَاصِيِينْ فِي التُّرَابْ.

رَوْمَا 6:6

نَعَرْفُوا كَدَرْ جِسِمْنَا الْإِنْسَانِي الْقَدِيمْ مَاتْ مَعَ الْمَسِيحْ فِي الصَّلِيبْ وَ بَيْدَا، الْجِسِمْ الْمُذْنِبْ أَدَّمَّرْ. وَ أَنِحْنَ مَا نَبْقَوْا بَتَّانْ عَبِيدْ لِلذَّنِبْ

لُوقا 16:15

وَ هُو رَدَّ لَيْهُمْ وَ قَالْ: «إِنْتُو تِسَوُّوا نُفُوسْكُو صَالِحِينْ قِدَّامْ النَّاسْ وَ لَاكِنْ مَا تَقْدَرَوْا تُغُشُّوا اللّٰهْ وَ هُو يَعَرِفْ قُلُوبْكُو. أَيْوَى، الشَّيّءْ النَّاسْ يَشْكُرُوكُو فَوْقَهْ دَا، اللّٰهْ يَجْعَلَهْ حَرَامْ.

زَبُور 51:6

لَاكِنْ إِنْتَ تَفْرَحْ بِالْحَقّ الْفِي دَاخَلْ الْقَلِبْ. فِي دَاخِلِي، عَرِّفْنِي الْحِكْمَةْ.

زَبُور 45:13

خَلَاصْ بِكُلَّ عَظَمَةْ، بِنْت الْمَلِكْ دَخَلَتْ، لَابْسَةْ خَلَقْهَا الْمُدَهَّبْ.

1 بُطْرُس 1:23

بِقِيتُوا مَوْلُودِينْ مِنْ جَدِيدْ وَ دَا مَا مِنْ وَالْدَيْنكُو الْيُمُوتُوا لَاكِنْ هِي مِنْ كَلَامْ اللّٰهْ وَ الْكَلَامْ دَا، أَبَداً مَا يُمُوتْ.

كُلُوسِي 3:3

أَشَانْ إِنْتُو مُتُّوا مَعَ الْمَسِيحْ وَ الْحَيَاةْ الْاللّٰهْ أَنْطَاهَا لَيْكُو، هِي لِسَّاعْ مَا تِنْشَافْ. هِي مَعَ الْمَسِيحْ فِي إِيدَيْن اللّٰهْ.

غَلاطِية 5:23

وَ النَّفَسْ الْبَارِدْ وَ ثَبِّتِينْ النَّفْس. الْأَشْيَاءْ دَوْل، مَا فِي شَرْط وَاحِدْ ضِدُّهُمْ.

زَبُور 131:2

وَ لَاكِنْ بِالْعَكْس، نَفْسِي هَدَأَتْ وَ سَكَتَتْ مِثِلْ الْمَفْرُودْ فِي حُضُنْ أَمَّهْ. وَ نَفْسِي بِقَتْ مِثِلْ الْمَفْرُودْ دَا.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

مَتَّى 21:5

<قُولُوا لِنَاسْ جَبَلْ صَهْيُون الْمِثِلْ بِنَيَّةْ: «دَاهُو مَلِكُّو جَايِ لَيْكُو. وَ هُو مِسْكِينْ وَ رَاكِبْ فِي حُمَارْ. أَيْوَى، هُو رَاكِبْ فِي دَحَشْ وِلَيْد حُمَارَةْ.»>

إشَعْيا 11:4

وَ يَحْكِمْ لِلْفَقْرَانِينْ بِالْعَدَالَةْ وَ يِقَرِّرْ بِالْعَدِلْ لِمَسَاكِينْ الْبَلَدْ. وَ كَلَامَهْ، مِثِلْ بِعَصَاةْ يَضْرُبْ الْبَلَدْ وَ بِكِلْمَةْ وَاحِدَةْ، يَكْتُلْ الْعَاصِي.

إرْمِيا 51:59

النَّبِي إِرْمِيَا كَلَّمْ لِسَرَايَا وِلَيْد نَرِيَّا وِلَيْد مَحْسِيَّا وَكِتْ هُو مَاشِي بَابِلْ مَعَ صِدْقِيَّا مَلِكْ يَهُوذَا فِي السَّنَةْ الرَّابْعَةْ هَنَا حُكُمْ صِدْقِيَّا. وَ سَرَايَا دَا، هُو مَسْؤُولْ مِنْ قَصِرْ الْمَلِكْ.

رَوْمَا 1:23

أَبَوْا مَا يَعَبُدُوا اللّٰهْ الْمَجِيدْ الْمَا يُمُوتْ أَبَداً. وَ قَمَّوْا يَعَبُدُوا فِي بَدَلَهْ، أَصْنَامْ فِي صُورَةْ الْإِنْسَانْ الْأَكِيدْ يُمُوتْ وَلَّا صُورَةْ طَيْر وَلَّا صُورَةْ حَيْوَانَاتْ وَلَّا صُورَةْ زَوَاحِفْ.