1 بُطْرُس 3:3 - الكتاب المقدس بالعربي الدارجي هنا تشاد

³ مَا تِنْكَرْبَنْ فِي الْجَمَالْ الْبَرَّانِي مِثِلْ الْمُشَاطْ وَ زِينَةْ هَنَا الدَّهَبْ وَ اللُّبَاسْ السَّمَحْ.

1 بُطْرُس 3:3 Referenca të Kryqëzuara

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إرْمِيا 4:30

وَ لَاكِنْ إِنْتِ، يَا مَدِينَةْ الْقُدُسْ، بَعَدْ تَخْرَبَيْ، تِسَوِّي شُنُو؟ مَالَا تَلْبَسَيْ لُبَاسْ جَمِيلْ أَحْمَرْ تُشْو وَ تِدِسِّي زِينِتْكِ هِنْت الدَّهَبْ وَ تِكَحِّلِي عُيُونْكِ؟ إِنْتِ تِجَمِّلِي نَفِسْكِ سَاكِتْ بَسْ! أَشَانْ صُدْقَانْكِ الْجَرَوْا وَرَاكِ كُلَ، يَكْرَهَوْكِ وَ يِدَوْرُوا مَوْتكِ.

إرْمِيا 2:32

هَلْ الْبِنْت تَنْسَى زِينِتْهَا وَلَّا؟ وَلَّا الْعَرُوسْ تَنْسَى خَلَقْهَا؟ وَ لَاكِنْ نَاسْ شَعَبِي نِسَوْنِي لِمُدَّةْ أَيَّامْ.

إشَعْيا 52:1

قُمِّي! قُمِّي فَوْق! وَ أَبْقَيْ قَوِيَّةْ، يَا مَدِينَةْ صَهْيُون! أَلْبَسَيْ خُلْقَانْكِ هَنَا الشَّرَفْ، يَا مَدِينَةْ الْقُدُسْ، الْمَدِينَةْ الْمُقَدَّسَةْ! أَشَانْ بَتَّانْ مَا يَدْخُلْ فَوْقكِ الْمَا مُطَهَّرْ وَ الْمَا طَاهِرْ.

خُروج 33:4

وَ وَكِتْ الشَّعَبْ سِمْعَوْا الْكَلَامْ دَا، بِقِي لَيْهُمْ قَاسِي وَ قَمَّوْا يَبْكُوا وَ نَادُمْ مِنْهُمْ لِبِسْ زِينْتَهْ كُلَ مَا فِيهْ.

تكوين 24:53

وَ قَمَّ مَرَقْ مِنْ خُمَامَهْ خُلْقَانْ وَ أَشْيَاءْ هَنَا دَهَبْ وَ فُضَّةْ. وَ أَنْطَاهُمْ لِرِفْقَةْ. وَ أَنْطَى لِأَخُوهَا وَ أَمَّهَا هَدِيَّةْ غَالِيَةْ.

تكوين 24:47

وَ أَنَا سَأَلْتَهَا قُلْت لَيْهَا: ‹إِنْتِ بِنَيَّةْ يَاتُو؟› وَ هِي رَدَّتْ لَيِّ وَ قَالَتْ: ‹أَنَا بِنَيَّةْ بَتُوِيلْ وَ جِدِّتِي مِلْكَةْ وَ جِدِّي نَاحُورْ.› وَ خَلَاصْ، أَنَا دَسَّيْت لَيْهَا شِنِفْ فِي مُنْخَرْهَا وَ سُوَارَيْن فِي إِيدَيْنهَا.

تكوين 24:22

وَكِتْ الْجُمَالْ رِوَوْا خَلَاصْ، الْعَبِدْ أَنْطَاهَا لِلْبِنَيَّةْ شِنِفْ وَاحِدْ هَنَا دَهَبْ فَايِتْ سِيسِي وَ سُورَيْ إِتْنَيْن هَنَا دَهَبْ، أَيِّ وَاحِدْ يَوْزِنْ زِيَادَةْ مِنْ 14 جِنَيْه.

زَبُور 45:9

بَنَاتْ الْمُلُوكْ قَاعِدَاتْ جَنْبَكْ، لَابْسَاتْ زِينْتَكْ وَ الْمَلِكَةْ وَاقْفَةْ بِزَيْنَايْتَكْ، لَابْسَةْ دَهَبْ صَافِي مِنْ أُفِيرْ.

خُروج 38:8

وَ صَنَعَوْا حَوْط لِلْوَضُوءْ مِنْ نَحَاسْ وَ قَعَرَهْ مِنْ نَحَاسْ. وَ النَّحَاسْ دَا هَنَا أَمْ شَوَّافَاتْ الْجَابَنْهُمْ الْعَوِينْ الْقَاعِدَاتْ يَخْدِمَنْ فِي مَدَخَلْ خَيْمَةْ الْإِجْتِمَاعْ.

خُروج 32:2

وَ هَارُونْ رَدَّ لَيْهُمْ وَ قَالْ: «سِلُّوا الْخُرُوس هَنَا الدَّهَبْ الْفِي أُدْنَيْ عَوِينْكُو وَ أَوْلَادْكُو وَ بَنَاتْكُو وَ جِيبُوهُمْ لَيِّ.»

حِزْقِيال 23:40

«وَ بَتَّانْ رَسَّلَنْ يِفَتِّشَنْ رُجَالْ الْيَجُوا مِنْ بَعِيدْ. وَ مِنْ لِقَوْا الْمُرْسَالْ، الرُّجَالْ دَوْل جَوْا لَيْهِنْ. وَ هِنَّ أَلْبَرَّدَنْ وَ أَلْكَحَّلَنْ وَ أَلْجَمَّلَنْ لَيْهُمْ بِزِينِتْهِنْ.

أسْتِير 5:1

وَ وَكِتْ التَّلَاتَةْ يَوْم كَمَّلَوْا خَلَاصْ، أَسْتِيرْ لِبْسَتْ خُلْقَانْهَا هَنَا الْمَمْلَكَةْ وَ مَشَتْ وَقَفَتْ فِي الْفَضَايْ الدَّخْلَانِيَّةْ هَنَا قَصِرْ الْمَلِكْ الْمُقَابِلْ الْبَيْت. وَ الْمَلِكْ قَاعِدْ فِي كُرْسِيهْ هَنَا الْمُلُكْ فِي الْقَصِرْ مُقَابِلْ مَدَخَلْ الْبَيْت.

خُروج 35:22

وَ كُلَّ النَّاسْ جَوْا عَوِينْ وَ رُجَالْ أَنْطَوْا هَدِيَّةْ بِجُودْ وَ كَرَمْ. وَ أَيِّ نَادُمْ عِنْدَهْ قَلِبْ كَرِيمْ أَنْطَى خُرُوس أَوْ شِنِفْ أَوْ خَاتِمْ أَوْ حَفِيضَةْ أَوْ أَيِّ شَيّءْ آخَرْ هَنَا دَهَبْ. أَيِّ نَادُمْ مِنْهُمْ قَدَّمْ دَهَبْ هَدِيَّةْ مَرْفُوعَةْ لِلّٰهْ.

خُروج 3:22

فِي الْيَوْم دَا، أَيِّ مَرَةْ مِنْ بَنِي إِسْرَائِيلْ تَسْأَلْ مَرَةْ مَصْرِيَّةْ السَّاكْنَةْ مَعَاهَا أَوْ جَارِتْهَا تَنْطِيهَا خُمَامْ هَنَا فُضَّةْ وَ دَهَبْ وَ خُلْقَانْ التِّلَبُّسُوهُمْ لِعِيَالْكُو. وَ بَيْدَا، تَنْهَبَوْا الْمَصْرِيِّينْ مَرَّةْ وَاحِدْ.»

2 مُلوك 9:30

وَ وَكِتْ يَاهُو جَايِ دَاخِلْ فِي حِلَّةْ يَزْرَعِيلْ، إِزَبِيلْ سِمْعَتْ بَيَّهْ. وَ هِي كَحَّلَتْ عُيُونْهَا وَ جَمَّلَتْ رَاسْهَا وَ قَاعِدَةْ تِشِيفْ مِنْ شُبَّاكْ الْقَصِرْ.

1 بُطْرُس 3:2

أَشَانْ يِشِيفُوا فَوْقهِنْ الْإِحْتِرَامْ وَ الْحَالْ الصَّالْحَةْ.