1 بُطْرُس 3:22 - الكتاب المقدس بالعربي الدارجي هنا تشاد

²² وَ الْمَسِيحْ هُو الْمَشَى فَوْق فِي السَّمَاوَاتْ وَ هَسَّعْ قَاعِدْ جَنْب اللّٰهْ فِي نُصَّهْ الزَّيْنَايْ. وَ تِحْتَهْ الْمَلَائِكَةْ وَ حُكَّامْ وَ كُبَارَاتْ الْأَرْوَاحْ.

1 بُطْرُس 3:22 Referenca të Kryqëzuara

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

عِبْرَانِيِّين 10:12

لَاكِنْ عِيسَى الْمَسِيحْ قَدَّمْ ضَحِيَّةْ وَاحِدَةْ بَسْ لِكُلَّ الذُّنُوبْ وَ بَعَدْ دَا، هُو قَعَدْ جَنْب اللّٰهْ إِلَى الْأَبَدْ فِي نُصَّهْ الزَّيْنَايْ.

مَرْخُوس 16:19

وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ.

عِبْرَانِيِّين 8:1

وَ دِي هِي زِبْدَةْ الْكَلَامْ. أَنِحْنَ عِنْدِنَا رَاجِلْ دِينْ كَبِيرْ مِثِلْ الْفَسَّرْنَا بَيَّهْ لَيْكُو. هُو قَعَدْ جَنْب عَرْش اللّٰهْ الْعَظِيمْ فِي نُصَّهْ الزَّيْنَايْ فَوْق فِي السَّمَاوَاتْ.

عِبْرَانِيِّين 6:20

أَيْوَى، عِيسَى دَخَلْ فِي بَيْت اللّٰهْ السَّمَاوِي فِي شَانَّا مِثِلْ قِيدْ أَشَانْ هُو بِقِي رَاجِلْ دِينْ كَبِيرْ دَايِمْ مِثِلْ مَلْكِصَادِقْ.

كُلُوسِي 3:1

أَكِيدْ لِقِيتُوا حَيَاةْ جَدِيدَةْ فِي بُعَاثْ الْمَسِيحْ وَ أَشَانْ دَا، خُطُّوا بَالْكُو فِي الْأَشْيَاءْ الْقَاعِدِينْ فِي السَّمَاءْ مَعَ الْمَسِيحْ الْقَاعِدْ جَنْب اللّٰهْ فِي نُصَّهْ الزَّيْنَايْ.

رَوْمَا 8:38

وَ نُقُولْ لَيْكُو أَكِيدْ، مَا فِي شَيّءْ الْيَقْدَرْ يَفْرُقْنَا مِنْ مَحَبَّةْ اللّٰهْ لَيْنَا. وَ لَا الْمَوْت وَ لَا الْحَيَاةْ، وَ لَا الْمَلَائِكَةْ وَ لَا كُبَارَاتْ الشَّوَاطِينْ وَ لَا شَيّءْ هَنَا الزَّمَنْ الْحَاضِرْ وَ لَا شَيّءْ هَنَا الزَّمَنْ الْجَايِ

رَوْمَا 8:34

يَاتُو الْيِعَاقِبْهُمْ؟ مَا فِي! الْمَسِيحْ عِيسَى مَا يِعَاقِبْهُمْ. بِالْعَكْس، هُو بَسْ الْمَاتْ فِي شَانَّا. وَ زِيَادَةْ مِنْ دَا، هُو بَعَثْ وَ قَاعِدْ جَنْب اللّٰهْ فِي نُصَّهْ الزَّيْنَايْ وَ بِقِي لَيْنَا وَسِيطْ.

مَتَّى 22:44

‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>›

عِبْرَانِيِّين 1:3

وَ إِبْن اللّٰهْ هُو نُورْ اللّٰهْ الْمَجِيدْ وَ صُورَةْ طَبِيعْتَهْ وَ هُو يَحْفَضْ كُلَّ شَيّءْ بِقُدْرَةْ كَلَامَهْ. وَ وَكِتْ هُو طَهَّرْ النَّاسْ مِنْ ذُنُوبْهُمْ خَلَاصْ، هُو طَلَعْ فِي الْبَكَانْ الْعَالِي وَ قَاعِدْ جَنْب اللّٰهْ الْعَظِيمْ فِي نُصَّهْ الزَّيْنَايْ.

1 كُرُنْتُس 15:24

وَ دَا بَسْ الْوَكِتْ الْأَخِيرْ. الْمَسِيحْ يِدَمِّرْ قُدْرَةْ أَيِّ رَئِيسْ وَ سُلْطَانْ وَ حَاكِمْ وَ خَلَاصْ يِسَلِّمْ الْمَمْلَكَةْ لِأَبُوهْ اللّٰهْ.

أعمال الرُسُل 3:21

وَاجِبْ يَقْعُدْ فِي السَّمَاءْ لَحَدِّي يَوْم الْفَوْقَهْ اللّٰهْ يِجَدِّدْ كُلَّ شَيّءْ. وَ دَا مِثِلْ هُو قَالَهْ مِنْ زَمَانْ بِوَاسِطَةْ الْأَنْبِيَاء الصَّالِحِينْ الرَّسَّلَاهُمْ.

أعمال الرُسُل 1:11

وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»

مَرْخُوس 12:36

دَاوُدْ ذَاتَهْ كَلَّمْ بِقُدْرَةْ الرُّوحْ الْقُدُّوسْ وَ قَالْ: ‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>›

زَبُور 110:1

اللّٰهْ حَجَّى لِسِيدِي الْمَلِكْ وَ قَالْ: «أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.»

عِبْرَانِيِّين 1:13

وَ أَبَداً مَا فِي مَلَكْ الْاللّٰهْ قَالْ لَيَّهْ: <أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.>

لُوقا 20:42

نَسْأَلْكُو أَشَانْ فِي كِتَابْ الزَّبُورْ، دَاوُدْ ذَاتَهْ قَالْ: ‹اللّٰهْ حَجَّى لِسِيدِي الْمَلِكْ وَ قَالْ: <أَقْعُدْ بِنُصِّي الزَّيْنَايْ

مَتَّى 28:18

وَ عِيسَى جَاءْ وَ حَجَّى لَيْهُمْ وَ قَالْ: «اللّٰهْ أَنْطَانِي كُلَّ السُّلْطَةْ فِي السَّمَاءْ وَ فِي الْأَرْض.

عِبْرَانِيِّين 1:6

وَ لَاكِنْ وَكِتْ اللّٰهْ رَسَّلْ إِبْنَهْ الْبِكِرْ فِي الدُّنْيَا، هُو قَالْ: <خَلِّي كُلَّ مَلَائِكَةْ اللّٰهْ يَسْجُدُوا لَيَّهْ.>

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

يُوحَنَّا 13:32

وَ كَنْ بَيَّهْ هُو مَجْد اللّٰهْ يِبِينْ، أَكِيدْ اللّٰهْ يِمَجِّدْ إِبْن الْإِنْسَانْ مَعَايَهْ وَ يِمَجِّدَهْ طَوَّالِي.