1 بُطْرُس 3:21 - الكتاب المقدس بالعربي الدارجي هنا تشاد

²¹ وَ دَا مَثَلْ هَنَا الْغَطِّسِينْ الْهَسَّعْ يِنَجِّيكُو. وَ الْمُهِمّ فِي الْغَطِّسِينْ مَا غَسُولْ الْجِلِدْ مِنْ الْوَسَخْ لَاكِنْ هُو الْعَهَدْ التِّسَوُّوهْ مَعَ اللّٰهْ بِنِيَّةْ مُخْلِصَةْ. وَ الْغَطِّسِينْ يِنَجِّيكُو بِسَبَبْ بُعَاثْ عِيسَى الْمَسِيحْ.

1 بُطْرُس 3:21 Referenca të Kryqëzuara

مَرْخُوس 16:16

وَ أَيِّ نَادُمْ الْيِآمِنْ بَيِّ وَ يِغَطُّسُوهْ، يَنْجَى. وَ أَيِّ نَادُمْ الْمَا يِآمِنْ بَيِّ، اللّٰهْ يِعَاقِبَهْ.

أعمال الرُسُل 2:38

وَ بُطْرُسْ رَدَّ لَيْهُمْ وَ قَالْ: «تُوبُوا مِنْ ذُنُوبْكُو وَ أَيِّ وَاحِدْ مِنْكُو يِغَطُّسُوهْ بِأُسُمْ عِيسَى الْمَسِيحْ. وَ اللّٰهْ يَغْفِرْ لَيْكُو ذُنُوبْكُو وَ يَنْطِيكُو الرُّوحْ الْقُدُّوسْ.

غَلاطِية 3:27

كُلُّكُو أَشْتَرَكْتُوا مَعَ الْمَسِيحْ وَ بِالْغَطِّسِينْ، إِنْتُو أَنْرَبَطْتُوا مَعَايَهْ.

أعمال الرُسُل 22:16

وَ هَسَّعْ تَرْجَى شُنُو بَتَّانْ؟ قُمّ أَدْعِي بِأُسُمْ الرَّبّ وَ نِغَطُّسُوكْ وَ اللّٰهْ يَغْفِرْ لَيْك ذُنُوبَكْ.›

أفَسُس 5:26

أَشَانْ هِي تَبْقَى أُمَّةْ خَاصَّةْ. هُو طَهَّرَاهَا بِغَطِّسِينْ فِي أَلْمِي وَ بِكَلَامْ اللّٰهْ

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

1 كُرُنْتُس 12:13

أَشَانْ غَطَّسَوْنَا كُلِّنَا بِالرُّوحْ الْقُدُّوسْ الْوَاحِدْ لِنَبْقَوْا جِسِمْ وَاحِدْ وَ دَا جِسِمْ الْمَسِيحْ. وَ سَوَّى نَفْس الشَّيّءْ لَيْنَا كُلِّنَا كَنْ أَنِحْنَ يَهُودْ أَوْ مَا يَهُودْ، وَ كَنْ أَنِحْنَ عَبِيدْ أَوْ حُرِّينْ. وَ الرُّوحْ الْقُدُّوسْ بِقِي لَيْنَا مِثِلْ الشَّرَابْ الْوَاحِدْ الْكُلِّنَا كَيْ شِرِبْنَا مِنَّهْ.

كُلُوسِي 2:12

وَ وَكِتْ إِنْتُو غَطَّسَوْكُو، شَارَكْتُوا مَعَايَهْ فِي مَوْتَهْ وَ شَارَكْتُوا فِي بُعَاثَهْ بِإِيمَانْكُو بِقُدْرَةْ اللّٰهْ الْبَعَثَهْ مِنْ أُسْط الْمَيْتِينْ.

مَتَّى 28:19

أَشَانْ دَا، أَمْشُوا نَادُوا نَاسْ هَنَا كُلَّ الْأُمَمْ أَشَانْ يَبْقَوْا تَلَامِيذِي وَ غَطُّسُوهُمْ فِي أَلْمِي بِأُسُمْ اللّٰهْ الْأَبُو وَ إِبْنَهْ الْمَسِيحْ وَ الرُّوحْ الْقُدُّوسْ.

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

1 تِمُوتَاوُس 6:12

جَاهِدْ جِهَادْ عَدِيلْ فِي دَرِبْ الْإِيمَانْ. أَكْرُبْ قَوِي الْحَيَاةْ الْأَبَدِيَّةْ الْاللّٰهْ نَادَاكْ لِتَدْخُلْ فَوْقهَا وَ إِنْتَ كُلَ شَهَدْت لَيْهَا بِشَهَادَةْ الْحَقّ قِدَّامْ شُهُودْ كَتِيرِينْ.

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

1 كُرُنْتُس 4:6

يَا أَخْوَانِي، أَنَا طَبَّقْت كَلَامِي دَا فِي الشَّيّءْ الْيُخُصِّنِي أَنَا وَ أَبُلُوسْ أَشَانْ إِنْتُو تَلْقَوْا مِنَّهْ فَايْدَةْ. وَ بَيْدَا، نِدَوْر إِنْتُو تَعَرْفُوا مَعَنَى الْمَثَلْ الْمَعْرُوفْ الْبُقُولْ: «خَلِّي نَادُمْ مَا يَمْرُقْ مِنْ دَرِبْ الْكِتَابْ.» مَا تِسْتَكْبَرَوْا بَتَّانْ فِي النَّادُمْ الْوَاحِدْ وَ تَحْقُرُوا الْآخَرْ.

أعمال الرُسُل 16:33

وَ فِي الْوَكِتْ دَا بَسْ، فِي أُسْط اللَّيْل هُو وَدَّاهُمْ فِي بَكَانْ عِنْدَهْ أَلْمِي وَ غَسَّلْ لَيْهُمْ عَوَاوِيرْهُمْ. وَ طَوَّالِي، هُمَّنْ غَطَّسَوْه مَعَ كُلَّ نَاسْ بَيْتَهْ.

أعمال الرُسُل 8:36

وَ وَكِتْ هُمَّنْ مَاشِينْ فِي الدَّرِبْ، وِصْلَوْا فِي بَكَانْ عِنْدَهْ أَلْمِي وَ الْحَبَشِي قَالْ: «شِيفْ، دَاهُو أَلْمِي. شُنُو الْيَدْحَرْنِي مَا تِغَطِّسْنِي؟»

زَكَرِيَّا 13:1

«وَ فِي الْيَوْم دَا، تَمْرُقْ عَيْن أَلْمِي التِّغَسِّلْ ذُرِّيَّةْ دَاوُدْ وَ سُكَّانْ مَدِينَةْ الْقُدُسْ مِنْ ذُنُوبْهُمْ وَ نَجَاسِتْهُمْ.»

رَوْمَا 5:14

وَ لَاكِنْ الْمَوْت قَاعِدْ يَمْلُكْ فِي النَّاسْ مِنْ زَمَنْ آدَمْ لَحَدِّي زَمَنْ مُوسَى. وَ الْمَوْت قَاعِدْ يَمْلُكْ فِي النَّاسْ كَنْ ذُنُوبْهُمْ مَا مِثِلْ خَطَا آدَمْ الْخَالَفْ أَمُرْ اللّٰهْ كُلَ. وَ آدَمْ هُو مَثَلْ هَنَا النَّادُمْ الْيَجِي وَرَايَهْ.

عِبْرَانِيِّين 11:19

وَ إِبْرَاهِيمْ خَطَّ فِي فِكْرَهْ كَدَرْ اللّٰهْ عِنْدَهْ قُدْرَةْ يِقَوِّمْ الْمَيْتِينْ كُلَ. وَ بِالصَّحِيحْ، وَكِتْ اللّٰهْ قَبَّلْ إِسْحَاقْ لِإِبْرَاهِيمْ، إِبْرَاهِيمْ شَافْ وِلَيْدَهْ مِثِلْ مَاتْ وَ قَمَّ مِنْ الْمَوْت.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

عِبْرَانِيِّين 9:14

لَاكِنْ دَمّ الْمَسِيحْ عِنْدَهْ قُدْرَةْ زِيَادَةْ. الْمَسِيحْ مَا عِنْدَهْ عَيْب وَ هُو قَدَّمْ نَفْسَهْ لِلّٰهْ بِقُدْرَةْ الرُّوحْ الْأَبَدِي. وَ أَكِيدْ دَمَّهْ يِطَهِّرْ قُلُوبْنَا مِنْ الْأَعْمَالْ الْيِوَدُّوا النَّاسْ لِلْمَوْت وَ يِجَهِّزْنَا لِنَعَبُدُوا اللّٰهْ الْحَيّ.

عِبْرَانِيِّين 10:22

أَشَانْ دَا، خَلِّي نِقَرُّبُوا لِلّٰهْ بِقَلِبْ مُخْلِصْ وَ بِإِيمَانْ كَامِلْ، بِقُلُوبْنَا الْمُطَهَّرِينْ بِدَمَّهْ وَ أَجْسَامْنَا كَمَانْ مِثِلْ نَضَّفْنَاهُمْ بِالْأَلْمِي الصَّافِي.

عِبْرَانِيِّين 13:18

أَسْأَلَوْا اللّٰهْ لَيْنَا. أَنِحْنَ مُؤَكِّدِينْ كَدَرْ نِيِّتْنَا مُخْلِصَةْ وَ نِدَوْرُوا نِتَابُعُوا حَالْ عَدِيلَةْ فِي كُلَّ شَيّءْ.

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

يُوحَنَّا 13:9

وَ سِمْعَانْ بُطْرُسْ قَالْ: «سَيِّدْنَا، كَنْ يَبْقَى مِثِلْ دَا، مَا تِغَسِّلْ رِجِلَيْنِي بَسْ. غَسِّلْ إِيدَيْنِي وَ رَاسِي كُلَ!»

أعمال الرُسُل 8:37

وَ فِلِبُّسْ رَدَّ لَيَّهْ وَ قَالْ: «نِغَطِّسَكْ كَنْ آمَنْت بِكُلَّ قَلْبَكْ.» وَ هُو قَالْ: «أَنَا مُؤمِنْ بِعِيسَى الْمَسِيحْ. هُو إِبْن اللّٰهْ.»