1 بُطْرُس 3:19 - الكتاب المقدس بالعربي الدارجي هنا تشاد

¹⁹ وَ بِقُدْرَةْ الرُّوحْ الْقُدُّوسْ، هُو مَشَى وَ بَلَّغْ لِلْأَرْوَاحْ الْقَاعِدِينْ فِي السِّجِنْ.

1 بُطْرُس 3:19 Referenca të Kryqëzuara

1 بُطْرُس 4:6

وَ فِي شَانْ دَا بَسْ، الْبِشَارَةْ بَلَّغَوْهَا حَتَّى لِلنَّاسْ الْمَيْتِينْ. وَ كَنْ حَكَمَوْا لَيْهُمْ بِالْمَوْت مِثِلْ نَاسْ الدُّنْيَا كُلَ، هُمَّنْ يِعِيشُوا قِدَّامْ اللّٰهْ بِقُدْرَةْ الرُّوحْ الْقُدُّوسْ.

إشَعْيا 61:1

رُوحْ اللّٰهْ الرَّبّ قَاعِدْ فَوْقِي أَشَانْ اللّٰهْ مَسَحَانِي وَ خَصَّصَانِي لِنِبَشِّرْ الْمَسَاكِينْ. هُو رَسَّلَانِي لِنِدَاوِي النَّاسْ الْقَلِبْهُمْ مُنْكَسِرْ وَ نَعْلِنْ بِالْحُرِّيَّةْ لِلْمَكْرُوبِينْ وَ بِالطَّلَقَانْ لِلْمَسَاجِينْ.

إشَعْيا 42:7

إِنْتَ تَفْتَحْ عُيُونْ الْعَمْيَانِينْ وَ تَمْرُقْ الْمَسَاجِينْ مِنْ السِّجِنْ وَ تَطْلِقْ السَّاكْنِينْ فِي ضَلَامْ السُّلُولُو.

إشَعْيا 49:9

وَ لِتُقُولْ لِلْمَسَاجِينْ: ‹أَمُرْقُوا› وَ تُقُولْ لِلْقَاعِدِينْ فِي الضَّلَامْ: ‹بَيُّنُوا نُفُوسْكُو!› وَ بَيْدَا، هُمَّنْ يَسْرَحَوْا فِي الطُّرُقْ وَ فِي كُلَّ رُوسَيْ الْجِبَالْ، يَرْتَعَوْا.

نَحَمْيا 9:30

وَ بَيْدَا كُلَ، إِنْتَ صَبَرْت لَيْهُمْ مُدَّةْ سِنِينْ وَ نَزَّلْت رُوحَكْ فِي أَنْبِيَائَكْ أَشَانْ يِحَذُّرُوهُمْ. لَاكِنْ هُمَّنْ أَبَوْا مَا يَسْمَعَوْا وَ إِنْتَ سَلَّمْتُهُمْ لِلشُّعُوبْ.

رُؤية 20:7

وَ وَكِتْ الْأَلِفْ سَنَةْ يِكَمُّلُوا خَلَاصْ، الشَّيْطَانْ يُفُكُّوهْ مِنْ الْبَكَانْ الْهُو مَسْجُونْ فَوْقَهْ.

رُؤية 19:10

وَ عَجَلَةْ كَيْ، أَنَا سَجَدْت قِدَّامْ رِجِلَيْنَهْ أَشَانْ نَعَبُدَهْ لِلْمَلَكْ وَ لَاكِنْ هُو قَالْ: «لَا، مَا تَسْجُدْ لَيِّ أَنَا. أَعَبُدْ اللّٰهْ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْيِتَابُعُوا شَهَادَةْ عِيسَى. أَشَانْ شَهَادَةْ عِيسَى، هِي الْكَلَامْ الْيِنَزِّلَهْ الرُّوحْ الْقُدُّوسْ فِي الْأَنْبِيَاء.»

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

1 بُطْرُس 3:20

زَمَانْ، الْأَرْوَاحْ دَوْل أَبَوْا مَا تَابَعَوْا كَلَامْ اللّٰهْ وَكِتْ اللّٰهْ الصَّبُورْ قَاعِدْ يَرْجَى لَحَدِّي نُوحْ يِكَمِّلْ السَّفِينَةْ. وَ نَاسْ شِيَّةْ بَسْ رِكْبَوْا فِي السَّفِينَةْ وَ عَدَدْهُمْ تَمَانَةْ وَ هُمَّنْ دَوْل نِجَوْا بِسَبَبْ الْأَلْمِي الرَّفَعْ السَّفِينَةْ.