1 بُطْرُس 3:16 - الكتاب المقدس بالعربي الدارجي هنا تشاد

¹⁶ لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

1 بُطْرُس 3:16 Referenca të Kryqëzuara

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

عِبْرَانِيِّين 13:18

أَسْأَلَوْا اللّٰهْ لَيْنَا. أَنِحْنَ مُؤَكِّدِينْ كَدَرْ نِيِّتْنَا مُخْلِصَةْ وَ نِدَوْرُوا نِتَابُعُوا حَالْ عَدِيلَةْ فِي كُلَّ شَيّءْ.

1 بُطْرُس 2:15

وَ دَا الْيِدَوْرَهْ اللّٰهْ لَيْكُو. بِالْخَيْر التِّسَوُّوهْ، تِوَقُّفُوا الْكَلَامْ الْبَاطِلْ الْيُقُولُوهْ فَوْقكُو النَّاسْ الْجُهَّالْ.

تِيطُس 2:8

وَ خَلِّي كَلَامَكْ يَبْقَى سَالِمْ بِلْحَيْن حَتَّى نَادُمْ مَا يَلْقَى فَوْقَهْ سَبَبْ لِيَهَرْجَكْ. وَ بِمِثِلْ دَا، أَيِّ نَادُمْ الْيِدَوْر يِخَالِفَكْ، يَخْجَلْ وَ مَا يَقْدَرْ يُقُولْ فَوْقنَا شَيّءْ فَسِلْ.

مَتَّى 5:11

«مَبْرُوكْ لَيْكُو إِنْتُو وَكِتْ النَّاسْ يِعَيُّرُوكُو وَ يَطُرْدُوكُو وَ بِالْكِدِبْ يُخُطُّوا فَوْقكُو كَلَامْ شَيْن أَشَانْ إِنْتُو تَلَامِيذِي.

1 بُطْرُس 2:19

وَ أَعَرْفُوا أَيِّ نَادُمْ الْيَحْمَلْ التَّعَبْ بِصَبُرْ فِي شَانْ اللّٰهْ وَكِتْ النَّاسْ يَظُلْمُوهْ، النَّادُمْ دَا اللّٰهْ يِبَارِكَهْ.

1 بُطْرُس 3:21

وَ دَا مَثَلْ هَنَا الْغَطِّسِينْ الْهَسَّعْ يِنَجِّيكُو. وَ الْمُهِمّ فِي الْغَطِّسِينْ مَا غَسُولْ الْجِلِدْ مِنْ الْوَسَخْ لَاكِنْ هُو الْعَهَدْ التِّسَوُّوهْ مَعَ اللّٰهْ بِنِيَّةْ مُخْلِصَةْ. وَ الْغَطِّسِينْ يِنَجِّيكُو بِسَبَبْ بُعَاثْ عِيسَى الْمَسِيحْ.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

رَوْمَا 9:1

نُقُولْ لَيْكُو الْحَقّ بِأُسُمْ الْمَسِيحْ وَ كَلَامِي مَا كِدِبْ. وَ قَلْبِي يَشْهَدْ لَيِّ مَعَ الرُّوحْ الْقُدُّوسْ كَدَرْ كَلَامِي صَحِيحْ.

أعمال الرُسُل 24:16

وَ أَشَانْ دَا، أَنَا نَعَصِرْ قَلْبِي أَشَانْ نِعِيشْ دَايْماً بِنِيَّةْ مُخْلِصَةْ قِدَّامْ اللّٰهْ وَ قِدَّامْ النَّاسْ.

عِبْرَانِيِّين 9:14

لَاكِنْ دَمّ الْمَسِيحْ عِنْدَهْ قُدْرَةْ زِيَادَةْ. الْمَسِيحْ مَا عِنْدَهْ عَيْب وَ هُو قَدَّمْ نَفْسَهْ لِلّٰهْ بِقُدْرَةْ الرُّوحْ الْأَبَدِي. وَ أَكِيدْ دَمَّهْ يِطَهِّرْ قُلُوبْنَا مِنْ الْأَعْمَالْ الْيِوَدُّوا النَّاسْ لِلْمَوْت وَ يِجَهِّزْنَا لِنَعَبُدُوا اللّٰهْ الْحَيّ.

2 كُرُنْتُس 1:12

وَ أَنِحْنَ فَرْحَانِينْ أَشَانْ قُلُوبْنَا قَاعِدِينْ يِأَكُّدُوا لَيْنَا كَدَرْ عِشْنَا مَعَ كُلَّ نَاسْ الدُّنْيَا وَ خَاصَّةً مَعَاكُو إِنْتُو بِقَلِبْ أَبْيَضْ وَ بِنِيَّةْ مُخْلِصَةْ الْاللّٰهْ يَرْضَى بَيْهُمْ. مَا عِشْنَا حَسَبْ فِكِرْ نَاسْ الدُّنْيَا لَاكِنْ عِشْنَا بِرَحْمَةْ اللّٰهْ.

2 تِمُوتَاوُس 1:3

فِي شَانَكْ إِنْتَ، نَشْكُرْ اللّٰهْ النَّعَبُدَهْ مِثِلْ جُدُودِي عَبَدَوْه بِنِيَّةْ مُخْلِصَةْ وَ نِفَكِّرْ فَوْقَكْ دَايْماً وَكِتْ نَدْعِي لَيْل وَ نَهَارْ.

1 تِمُوتَاوُس 1:19

أَكْرُبْ الْإِيمَانْ قَوِي وَ سَوِّي كُلِّ شَيّءْ بِنِيَّةْ مُخْلِصَةْ. نَاسْ وَاحِدِينْ خَلَّوْا مِنْهُمْ النِّيَّةْ الْمُخْلِصَةْ وَ تَلَّفَوْا إِيمَانْهُمْ مَرَّةْ وَاحِدْ.

2 كُرُنْتُس 4:2

وَ أَنِحْنَ أَبَيْنَا مَا تَابَعْنَا الْحَالْ التِّجِيبْ الْعَيْب وَ لَا الذُّنُوبْ الْيِسَوُّوهُمْ النَّاسْ بِعَشِيرْ. نَابَوْا مَا نِسَوُّوا شَيّءْ بِنَجَاضَةْ وَ أَبَداً مَا نِبَدُّلُوا كَلَامْ اللّٰهْ. لَا. لَاكِنْ قِدَّامْ اللّٰهْ نِكَلُّمُوا الْحَقّ بِكَلَامْ وَاضِحْ وَ نِخَلُّوا قَلِبْ هَنَا أَيِّ نَادُمْ يَشْهَدْ لِحَالْنَا الْعَدِيلَةْ.

دَنْيال 6:4

وَ خَلَاصْ، الْوُزَرَاء وَ الْمُوَكَّلِينْ قَمَّوْا يِفَتُّشُوا عَيْب فِي خِدِمْتَهْ هَنَا الْمَمْلَكَةْ لِيِعَيُّبُوا بَيَّهْ دَنْيَالْ. لَاكِنْ مَا لِقَوْا فَوْقَهْ أَيِّ عَيْب وَ لَا خَطَا أَشَانْ هُو أَمِينْ وَ يِرَاقِبْ عَدِيلْ وَ خَطَا كُلَ مَا سَوَّاهْ.

أعمال الرُسُل 28:22

لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»

1 بُطْرُس 4:4

وَ هُمَّنْ يِعَجُّبُوا مِنْكُو أَشَانْ مَا تِلِمُّوا مَعَاهُمْ فِي فَسَادْهُمْ الْمَا عِنْدَهْ حَدّ وَ أَشَانْ دَا يِعَيُّرُوكُو.