1 بُطْرُس 3:15 - الكتاب المقدس بالعربي الدارجي هنا تشاد

¹⁵ لَاكِنْ خُطُّوا فِي قُلُوبْكُو كَدَرْ الْمَسِيحْ، هُو قُدُّوسْ وَ هُو رَبُّكُو. أَقْعُدُوا دَايْماً جَاهِزِينْ أَشَانْ تُرُدُّوا لِأَيِّ نَادُمْ الْيَطْلُبْ مِنْكُو دَلِيلْ هَنَا الْعَشَمْ الْعِنْدُكُو.

1 بُطْرُس 3:15 Referenca të Kryqëzuara

كُلُوسِي 4:6

شِيلُوا نِيَّةْ أَشَانْ تِحَجُّوا دَايْماً بِكَلَامْ طَاعِمْ وَ عِنْدَهْ رَحْمَةْ. وَ مِثِلْ دَا، تَعَرْفُوا كِكَّيْف وَاجِبْ تُرُدُّوا لِأَيِّ نَادُمْ.

1 بُطْرُس 3:2

أَشَانْ يِشِيفُوا فَوْقهِنْ الْإِحْتِرَامْ وَ الْحَالْ الصَّالْحَةْ.

1 صَمُوِيل 12:7

وَ هَسَّعْ دَا، تَعَالُوا. أَنَا مَضْلُومْ فَوْقكُو قِدَّامْ اللّٰهْ. وَ نِفَكِّرْكُو بِكُلَّ شَيّءْ الْعَادِلْ الْاللّٰهْ سَوَّاهْ لَيْكُو إِنْتُو وَ لِجُدُودْكُو.

تِيطُس 1:2

وَ بِسَبَبْ الْإِيمَانْ دَا، يَرْجَوْا بِعَشَمْ الْحَيَاةْ الْأَبَدِيَّةْ الْهُو وَاعَدَاهُمْ بَيْهَا مِنْ قُبَّالْ بِدَايَةْ الدُّنْيَا. وَ اللّٰهْ أَبَداً مَا يَكْدِبْ.

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

عِبْرَانِيِّين 6:1

أَشَانْ دَا، نِخَلُّوا وَرَانَا الدُّرُوسْ الْأَوَّلَانِيِّينْ فِي الْمَسِيحْ وَ نَمْشُوا قِدَّامْ لِلتَّعْلِيمْ الْوَاجِبْ لِلنَّاسْ الْعَاقْلِينْ. وَ مَا نِقَبُّلُوا بَتَّانْ فِي أَسَاسْ التَّعْلِيمْ دَا. وَ هُو التَّوْبَةْ مِنْ الْأَعْمَالْ الْيِوَدُّوا النَّاسْ لِلْمَوْت وَ تَعْلِيمْ الْإِيمَانْ بِاللّٰهْ.

زَبُور 119:46

وَ نِحَجِّي بِوَصِيَّاتَكْ قِدَّامْ الْمُلُوكْ وَ نَقْعُدْ بَلَا عَيْب.

كُلُوسِي 1:5

وَ إِنْتُو ثَابْتِينْ فِي إِيمَانْكُو وَ مَحَبِّتْكُو أَشَانْ إِنْتُو قَاعِدِينْ تَرْجَوْا بِعَشَمْ الْبَرَكَةْ الْاللّٰهْ حَفَضَاهَا لَيْكُو فِي السَّمَاءْ. وَ سِمِعْتُوا بَيْهَا فِي كَلَامْ الْحَقّ وَ هُو بِشَارَةْ الْمَسِيحْ الْبَلَّغَوْهَا لَيْكُو مِنْ أَوَّلْ.

كُلُوسِي 1:23

وَ دَا كُلَ يَبْقَى لَيْكُو كَنْ تَقْعُدُوا ثَابْتِينْ وَ قَوِيِّينْ فِي الْإِيمَانْ وَ مَا خَلَّيْتُوا عَشَمْكُو الْأَوَّلْ لِقِيتُوهْ وَكِتْ سِمِعْتُوا بِشَارَةْ الْمَسِيحْ. وَ الْبِشَارَةْ دِي، بَلَّغَوْهَا لِكُلَّ مَخْلُوقْ فِي الْأَرْض وَ أَنَا بُولُسْ بِقِيتْ خَدَّامَهْ أَشَانْ نِبَلِّغْ الْبِشَارَةْ لِلنَّاسْ.

عِبْرَانِيِّين 3:6

لَاكِنْ الْمَسِيحْ بِقِي أَمِينْ أَشَانْ هُو إِبْن اللّٰهْ وَ هُو بَسْ الْمَسْؤُولْ فِي بَيْت اللّٰهْ. وَ أَنِحْنَ بِنُفُوسْنَا بَسْ بَيْتَهْ، كَنْ نَقْعُدُوا ثَابْتِينْ بَلَا شَكَكْ وَ نُخُطُّوا عَشَمْنَا دَايْماً فِي الْمَسِيحْ الْأَنِحْنَ نِلْفَشَّرَوْا بَيَّهْ.

1 بُطْرُس 3:4

فِي بَدَلَهْ، أَنْكَرْبَنْ فِي الْجَمَالْ الدَّخْلَانِي وَ هُو جَمَالْ النَّفَسْ الْبَارِدْ وَ الْهُدُوءْ. وَ الْجَمَالْ الدَّخْلَانِي، هُو مِثِلْ حَجَرْ غَالِي الْأَبَداً مَا يَتْلَفْ وَ قِيمْتَهْ كَبِيرَةْ قِدَّامْ اللّٰهْ.

إشَعْيا 41:21

وَ اللّٰهْ مَلِكْ شَعَبْ يَعْقُوبْ قَالْ: «إِنْتُو إِلٰـهَاتْ الْأُمَمْ، قَدُّمُوا شَكْوِتْكُو وَ جِيبُوا دَلِيلْكُو.

إشَعْيا 1:18

اللّٰهْ قَالْ: «تَعَالُوا نِنَاقُشُوا. كَنْ ذُنُوبْكُو حُمُرْ كُلَ، يَبْقَوْا بُيُضْ كَرّ مِثِلْ اللَّبَنْ. وَ كَنْ حُمُرْ تُشْو مِثِلْ الدَّمّ كُلَ، يَبْقَوْا بُيُضْ كَرّ مِثِلْ الْقُطُنْ.

إشَعْيا 29:23

أَشَانْ وَكِتْ ذُرِّيَّةْ يَعْقُوبْ يِشِيفُوا الْعَمَلْ الْأَنَا سَوَّيْتَهْ فِي أُسُطْهُمْ، خَلَاصْ يِقَدُّسُوا أُسْمِي. أَيْوَى، يِقَدُّسُونِي أَنَا قُدُّوسْ يَعْقُوبْ وَ يَرْجُفُوا قِدَّامِي أَنَا إِلٰـهْ بَنِي إِسْرَائِيلْ.

1 بُطْرُس 1:17

إِنْتُو تَدْعُوا اللّٰهْ وَ تِنَادُوهْ أَبُوكُو وَ هُو مَا يِشِيفْ نَادُمْ أَخَيْر مِنْ نَادُمْ لَاكِنْ يِحَاسِبْ أَيِّ نَادُمْ حَسَبْ عَمَلَهْ. وَ أَشَانْ دَا، تَابُعُوا دَرِبْ اللّٰهْ بِخَوْف طُولْ الْوَكِتْ الْإِنْتُو عَايْشِينْ فِي الدُّنْيَا مِثِلْ أَجَانِبْ فِي أُسْط الْأُمَمْ.

إشَعْيا 5:16

وَ اللّٰهْ الْقَادِرْ يِبَيِّنْ عَدَالْتَهْ، أَيْوَى، الْإِلٰـهْ الْقُدُّوسْ يِوَصِّفْ عَدَالْتَهْ.

أعمال الرُسُل 24:25

وَ وَكِتْ بُولُسْ قَاعِدْ يِفَسِّرْ لَيَّهْ كَلَامْ فِي الْعَدَالَةْ وَ ثَبِّتِينْ النَّفْس وَ يَوْم الْحِسَابْ الْجَايِ، فِيلِكْس أَنْخَرَعْ وَ قَالْ: «خَلَاصْ. هَسَّعْ دَا، قَبِّلْ فِي حَرَاسْتَكْ. يَوْم آخَرْ بَسْ كَنْ عِنْدِي فُرْصَةْ نِنَادِيكْ.»

أعمال الرُسُل 21:39

وَ بُولُسْ قَالْ لَيَّهْ: «أَنَا يَهُودِي مِنْ طَرْسُوسْ فِي بَلَدْ كِلِكِيَّةْ. أَنَا مُوَاطِنْ هَنَا حِلَّةْ مَعْرُوفَةْ وَ نَطْلُبْ مِنَّكْ إِذِنْ أَشَانْ نِحَجِّي لِلنَّاسْ.»

عَدد 20:12

وَ اللّٰهْ قَالْ لِمُوسَى وَ هَارُونْ: «إِنْتُو مَا آمَنْتُوا بَيِّ وَ قِدَّامْ بَنِي إِسْرَائِيلْ مَا أَحْتَرَمْتُونِي أَنَا الْقُدُّوسْ. وَ فِي شَانْ دَا، إِنْتُو أَبَداً مَا تِوَدُّوا الشَّعَبْ دَا فِي الْأَرْض الْأَنَا أَنْطَيْتهَا لَيْهُمْ.»

عَدد 27:14

وَ دَا أَشَانْ فِي صَحَرَاء سِينْ وَكِتْ مُجْتَمَعْ بَنِي إِسْرَائِيلْ قَمَّوْا ضِدِّي، إِنْتُو كُلَ عِصِيتُوا أَوَامِرِي. أَشَانْ أَنَا قُلْت لَيْكُو: ‹وَصُّفُوا لَيْهُمْ كَدَرْ أَنَا بَسْ اللّٰهْ الْقُدُّوسْ وَ أَمُرْقُوا لَيْهُمْ أَلْمِي الْهُمَّنْ دَوَّرَوْه. وَ دَا أَلْمِي مَرِيبَةْ الْفِي قَادِشْ فِي صَحَرَاء سِينْ.›»

أمْثال 15:28

الصَّالِحْ يِفَكِّرْ عَدِيلْ حَتَّى يِكَلِّمْ وَ لَاكِنْ الْفَسَالَةْ تِسِيلْ مِنْ خَشُمْ الْعَاصِي.

أمْثال 22:21

أَشَانْ نِعَرِّفَكْ الصَّحِيحْ هَنَا الْكَلَامْ الْحَقّ وَ تِقَبِّلْ لِلرَّسَّلَكْ بِكَلَامْ الْحَقّ.

إشَعْيا 8:12

«مَا تُقُولُوا مُؤآمَرَةْ لِأَيِّ شَيّءْ الْيِنَادِي الشَّعَبْ دَا مُؤآمَرَةْ. مَا تَخَافَوْا مِنْ أَيِّ شَيّءْ الْهُمَّنْ يَخَافَوْا مِنَّهْ وَ مَا تَرْجُفُوا.